សន្តិសុខសង្គម
តុលាការសម្រេចឃុំខ្លួនជនឆបោក២នាក់ រឿងរត់ឯកសារបង់ពន្ធរថយន្ត
នៅថ្ងៃទី១៨ ខែតុលា ឆ្នាំ២០២២ លោក ម៉ាង ណុល ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនជនឆបោក២នាក់ រឿងរត់ការឯកសារបង់ពន្ធរថយន្ត ដាក់ពន្ធនាគារបណ្តោះអាសន្ន ពីបទ “ឆបោក ” តាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ ។ ដែលប្រព្រឹត្តលើកទី១ នៅថ្ងៃទី២០ ខែឧសភា ឆ្នាំ២០២២ នៅចំណុចផ្ទះជួលជនសង្ស័យភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល និងលើកទី២កើតហេតុ ថ្ងៃទី២៣ ខែឧសភា ឆ្នាំ២០២២ នៅចំណុចផ្ទះជួលជនសង្ស័យភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល ។
ជនរងគ្រោះទី១ឈ្មោះ ស៊ុន ង៉ុម ភេទប្រុស អាយុ៣០ឆ្នាំ ជនជាតិខ្មែរ មានទីលំនៅភូមិត្រពាំងបឹង ឃុំត្រមែង ស្រុកឈូក ខេត្តកំពត មុខរបរបើកបរថយន្ត។ ទី២ឈ្មោះ យន សារ៉ុន ភេទប្រុស អាយុ៣១ឆ្នាំ ជនជាតិខ្មែរ មានទីលំនៅភូមិផ្សារត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មុខរបរបើកបរថយន្ត ។
ជនត្រូវចោទ២នាក់ ទី១ឈ្មោះ ណម ធារ៉ា ហៅញ៉ា ភេទប្រុស អាយុ៣៨ឆ្នាំ ជនជាតិខ្មែរ ស្នាក់នៅផ្ទះជួលភូមិព្រែកសំរោ២ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរ:មិនពិតប្រាកដ (មានសារធាតុញៀនក្នុងទឹកនោម)។ ទី២ឈ្មោះ សន ផាណុច ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅមិនពិតប្រាកដ (មានសារធាតុញៀនក្នុងទឹកនោម)។
លោកវរសេនីយ៌ទោ យី វណ្ណដា អធិការនគរបាលក្រុងតាខ្មៅ បានប្រាប់អោយដឹងថា កាលពីវេលាកើតហេតុលើកទី១ ជនរងគ្រោះទី១តាមរយៈឆាតfacebook បានស្គាល់ជនសង្ស័យឈ្មោះ ណម ធារ៉ា ដោយបានអះអាងថា គាត់អាចជួយរត់ការបង់ពន្ធរថយន្តស្របច្បាប់ឲ្យបាន។ បន្ទាប់មកជនរងគ្រោះទី១ក៏បានធ្វើកិច្ចសន្យាប្រគល់ប្រាក់ជាបន្តបន្ទាប់សរុប$1680 ឲ្យទៅជនសង្ស័យឈ្មោះ ណម ធារ៉ា បន្ទាប់ពីបានប្រាក់ហើយក៏បាត់រហូតតេលែងចូលតែម្តង។
លុះមកដល់វេលាកើតហេតុលើកទី២ ក៏បានស្គាល់ជនរងគ្រោះទី២ ហើយជនសង្ស័យឈ្មោះ ណម ធារ៉ា ក៏បានធានារជួយរត់ការបង់ពន្ធរថយន្តចង្កូតស្តាំស្របច្បាប់អោយបាន បន្ទាប់មកជនរងគ្រោះទី២ក៏បានធ្វើកិច្ចសន្យាប្រគល់ប្រាក់ឲ្យជនសង្ស័យឈ្មោះ ណម ធារ៉ា ចំនួន៤៧៣០ដុល្លា តែក្រោយបានទទួលប្រាក់រួចជនសង្ស័យបានបិទទូរសព្ទ័តេលែងចូលរហូតតែម្តង ។ លុះមកដល់ថ្ងៃទី១៦ ខែតុលា ឆ្នាំ២០២២ ក៏ត្រូវជនរងគ្រោះទាំងពីរនាក់តាមរកជនសង្ស័យឃើញ ហើយនាំខ្លួនយកមកប្រគល់អោយសមត្ថកិច្ចចាត់ការតាមនិតិវិធីតែម្តង៕
អត្ថបទ៖ ឆៃ យ៉ា
-
កីឡា៤ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ