សន្តិសុខសង្គម
តំណាងពលរដ្ឋឯកភាពលើគោលការណ៍៣ចំណុចជាមួយក្រុមហ៊ុនផ្គត់ផ្គង់ទឹកក្រោមការសម្របសម្រួលពីអាជ្ញាធរ
នៅថ្ងៃទី១៤ ខែវិច្ឆិកា ឆ្នាំ២០២២ លោក សុក ហៃ អភិបាលរងខេត្តកំពង់ធំ ដឹកកិច្ចប្រជុំស្វែងរកដំណោះស្រាយនៃការផ្គត់ផ្គង់ទឹករវាងក្រុមហ៊ុន “កំពង់ធំ អ៊ិនវេសមិន ឌីវើឡុបមិនគ្រុប” ស្ថិតនៅសង្កាត់អូរគន្ធរត្បូង ក្រុងស្ទឹងសែន និងតំណាងប្រជាពលរដ្ឋប្រើប្រាស់ទឹក។
ក្នុងឱកាសនោះលោកឡើងថា កិច្ចប្រជុំនេះធ្វើឡើងដោយសារប្រជាពលរដ្ឋប្រើប្រាស់ទឹកអូរវ៉ាយ ត្អូញតែអំពីការប្រើប្រាស់ទឹកថា ក្រុមហ៊ុនផ្តល់ទឹកមិនគ្រប់គ្រាន់សម្រាប់បង្ករបង្កើនផលធ្វើស្រូវប្រាំង និងស្រូវបណ្តេញទឹក នៅលើផ្ទៃដីប្រមាណជិត២០០០ហិកតា ដែលមានប្រជាពលរដ្ឋមកពីឃុំ សង្កាត់ ចំនួនប្រាំបី គឺសង្កាត់អូរគន្ធរ សង្កាត់ស្រយ៉ូវ សង្កាត់កំពង់រទេះ សង្កាត់ដំរីជាន់ខ្លា ឃុំក្តីដូង ឃុំព្រៃគុយ ឃុំត្រពាងឬស្សី និងឃុំកំពង់ស្វាយ។ ការផ្តលទឹកមិនគ្រប់គ្រាន់នេះ បានធ្វើឲ្យស្រូវរបស់ប្រជាពលរដ្ឋទទួលបានផលតិច ដែលប្រជាពលរដ្ឋជាកសិករ ត្អូញត្អែថា ក្រុមហ៊ុនមិនគោរពទៅតាមកិច្ចសន្យាតម្លៃ និងការផ្តល់ការសេវាផ្សេងទៀត។
ក្រោយពីការប្រជុំពិភាក្សាគ្នា លោក មូល គឹមអូន តំណាំងក្រុមហ៊ុនបានផ្តល់គោលការណ៍ស្នើសុំបីចំណុចទៅកាន់តំណាងប្រជាពលរដ្ឋរួមមាន៖ ១-អនុញ្ញាតឲ្យប្រជាពលរដ្ឋបូមទឹកដោយខ្លួនឯង ដោយប្រើប្រាស់ម៉ាស៊ីនបុគ្គលិករបស់ក្រុមហ៊ុន ហើយប្រជាកសិករត្រូវចាក់ប្រេងដោយខ្លួនឯង។ ទី ២-បើប្រជាកសិករព្រមព្រៀងទទួលយកក្នុងតម្លៃ១៣០ដុល្លារ ក្នុងមួយហិកតា ក្រុមហ៊ុននឹងកែទម្រង់ការផ្គត់ផ្គង់ទឹកឲ្យបានល្អប្រសើរ។ ៣-ប្រសិនបើកសិករ មានដៃគូរផ្គត់ផ្គង់ទឹកថ្មី ក្រុមហ៊ុនឯកភាព តែសុំឲ្យប្រជាកសិករដែលជំពាក់ថ្លៃទឹកសងប្រាក់ឲ្យបានគ្រប់ចំនួន។
តំណាងប្រជាពលរដ្ឋប្រើប្រាស់ទឹក លោក មួង ចាន់វាសនា សម្រេចយកគោលការណ៍ចំណុចទី៣ និងបានធ្វើលិខិតជាលាយល័ក្ខអក្សរ ដោយបានឯកភាពគ្នាទៅតាមគោលការណ៍ដែលសម្រេចក្នុងអង្គប្រជុំ។ បន្ថែមលើការឯកភាពគ្នានេះផងដែរ អាជ្ញាធរខេត្តកំពង់ធំ និងអ្នកព័ន្ធ នឹងចុះពិនិត្យវាយតម្លៃជាក់ស្តែងលើម៉ាស៊ីនបូមទឹក រួមជាមួយសម្ភារៈផ្សេងទៀតរបស់ក្រុមហ៊ុន ដែលត្រូវឲ្យរបស់ប្រជាពលរដ្ឋទិញយកទៅប្រើប្រាស់បន្តទៀតផងដែរ៕
អត្ថបទ៖ ឈាង មករា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល