Connect with us

សន្តិសុខសង្គម

ដុតកម្ទេចចោលកូនជ្រូកកណ្ដុរ ៨៦ ក្បាល និងសត្វក្រួចជាង ៤ តោន គ្មានប្រភពច្បាស់លាស់ ចូលមកកម្ពុជា

បានផុស

នៅ

កូន​ជ្រូក​ចំនួន ៨៦ ក្បាល និង​សត្វ​ក្រួច​ទម្ងន់​ជាង ៤ តោន ដែល​គ្មាន​ប្រភព​ច្បាស់លាស់ ត្រូវ​បានសមត្ថកិច្ច​ចម្រុះដុត​កម្ទេច​ចោល កាលពី​ព្រឹក​ថ្ងៃ​ទី ០១ ខែ​ធ្នូ ឆ្នាំ ២០២២ នៅ​ក្នុង​ទីតាំង​ការិយាល័យ ក្សេត្រសាស្ត្រ នៃ​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត​កំពង់ឆ្នាំង ក្រោម​ការ​ត្រួតពិនិត្យ​ពី​លោក​ព្រះរាជអាជ្ញា​រង​អម​តុលាការ​រាជធានី​ភ្នំពេញ និង​មាន​ការ​ចូលរួម​សហប្រតិបត្តិការ​របស់​ការិយាល័យ​ផលិតកម្ម និង​បសុព្យាបាល នៃ​មន្ទីរ​កសិកម្ម​ខេត្ត​កំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ក្រឹង សំអាត ប្រធាន​ការិយាល័យ​ផលិតកម្ម និង​បសុព្យាបាល នៃ​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត​កំពង់ឆ្នាំង បាន​ឲ្យ​ដឹង​ថា ករណី​ដុត​កម្ទេច​សត្វ​ជ្រូក និង​សត្វ​ក្រួច ដែល​ធ្វើ​ឡើង​កាលពី​ព្រឹក​ម្សិលមិញ​នេះ មាន​ការ​ចូលរួម​ពី លោក វង្ស សាវ៉ាត ព្រះរាជអាជ្ញា​រង​អម​តុលាការ​រាជធានី​ភ្នំពេញ ព្រមទាំង​មន្ត្រី​ជំនាញ​របស់​ក្រសួង​ស្ថាប័ន​ជំនាញ​ផង​ដែរ។

លោក​បាន​បន្ត​ថា កិច្ច​ប្រតិបត្តិការ​បង្ក្រាប​បទល្មើស​ដែល​គ្មាន​ប្រភព​ច្បាស់លាស់​នេះ ខាង​នាយកដ្ឋាន​ជា​អ្នក​បង្ក្រាប ចំណែក​មន្ត្រី​របស់​លោក​គ្រាន់តែ​ចូលរួម​សហការ​ដុត​កម្ទេច​ចោល។

តាម​ប្រភព​ពី​សមត្ថកិច្ច​ចម្រុះ​ដែល​បាន​ចុះ​បង្ក្រាប​បទល្មើស​ខាង​លើ​នេះ​ឲ្យ​ដឹង​ថា កូនជ្រូក​ចំនួន ៦៨ ក្បាល និង​សាច់​សត្វ​ក្រួច​ជាង ៤ តោន ត្រូវ​បាន​នគរបាល​ប្រឆាំង​បទល្មើស​សេដ្ឋកិច្ច​របស់​ក្រសួង​មហាផ្ទៃ ដឹកនាំ​ដោយ​លោក​វរសេនីយ៍ទោ សាន សាធុកា សហការ​ជាមួយ​អគ្គនាយកដ្ឋាន​សុខភាព​សត្វ និង​ផលិតកម្ម​សត្វ នៃ​ក្រសួងកសិកម្ម រុក្ខាប្រមាញ់ និង​នេសាទ ដឹកនាំ​ដោយ​លោក ហ៊ុន សារ៉ាត់ អនុ​ប្រធាន​នាយកដ្ឋាន បាន​ធ្វើការ​បង្ក្រាប​ចាប់​ឃាត់​កាលពី​យប់​ថ្ងៃ​ទី ២១ និង ២២ ខែ​វិច្ឆិកា ឆ្នាំ ២០២២ នៅ​តាម​បណ្ដោយ​ផ្លូវជាតិ​លេខ ១ ចំណុច​វាល​ស្បូវ និង​ចំណុច​ក្តី​តាកុយ ក្នុង​ភូមិ​សាស្តា ខណ្ឌ​ច្បារអំពៅ រាជធានី​ភ្នំពេញ។

ក្រោយ​ឃាត់​ការ​ដឹកជញ្ជូន​សាច់​សត្វ​គ្មាន​ប្រភព​ច្បាស់លាស់ សមត្ថកិច្ច​ចម្រុះ បាន​សហការ​គ្នា​យក​មក​ធ្វើការ​ដុត​កម្ទេច​ចោល​ក្នុង​ទីតាំង​ការិយាល័យ​ក្សេត្រសាស្ត្រ នៃ​មន្ទីរ​កសិកម្ម​ខេត្ត​កំពង់ឆ្នាំង ដែល​មាន​កន្លែង​សម្រាប់​ដុត​កម្ទេច​ចោល​ផលិតផល​ពី​សាច់ គ្មាន​គុណភាព និង​ប្រភព​ច្បាស់លាស់ បើ​លក់​ចែក​ចាយ​ក្នុង​ទីផ្សារ​ពិតជា​ប៉ះពាល់​ដល់​សុខុមាលភាព​របស់​ប្រជាពលរដ្ឋ៕

អត្ថបទ ៖ ឈៀង ថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

អាមេរិក ចាប់ផ្ដើមជើងហោះហើរជម្លៀសពលរដ្ឋចេញពី ហៃទី ដែលកំពុង​ផ្ទុះអំពើហិង្សា

ព័ត៌មានជាតិ១៦ នាទី មុន

ក្រសួងបរិស្ថាន​សម្រេច​ប្រើប្រាស់​ប្រព័ន្ធ​បច្ចេកវិទ្យា​​ពីផ្កាយរណបដើម្បី​​គ្រប់គ្រងធនធាន​ធម្មជាតិ

សន្តិសុខសង្គម១៧ នាទី មុន

រយៈពេលមួយសប្ដាហ៍ សមត្ថកិច្ចបន្តឃាត់ខ្លួនក្មេងទំនើងបានជាង ៧០នាក់បន្ថែមទៀត

ព័ត៌មានអន្ដរជាតិ២០ នាទី មុន

មេរៀនជីវិត និងសហគ្រិនភាព ៧ ចំណុច អាចត្រាប់តាមពី Elon Musk

ព័ត៌មានជាតិ៣៣ នាទី មុន

រដ្ឋមន្ត្រីក្រសួងសាធារណការ ដាក់ចេញអាទិភាព ១២ ចំណុច ក្នុងការងារកែទម្រង់ការគ្រប់គ្រង​ហិរញ្ញវត្ថុសាធារណៈ

Sokha Hotels

ព័ត៌មានពេញនិយម