ប្រតិបត្តិការរុករកជនរងគ្រោះ​ជាប់គាំងនៅក្នុងអគារកាស៊ីណូបិទបញ្ចប់ក្រោយរកឃើញសាកសព ២៦ នាក់ ភាគច្រើនជនជាតិថៃ

​ប្រតិបត្តិការរុករកជនរងគ្រោះដែលជាប់គាំងនៅក្នុងអគារកាស៊ីណូ​ណូហ្គ្រេនដាយម៉ិនស៊ីធី និងកាស៊ីណូប៉ោយប៉ែតស៊ីធីបានបិទបញ្ចប់នៅវេលាម៉ោងជាង ៣ រសៀលថ្ងៃទី ៣០ ខែធ្នូ ឆ្នាំ ២០២២នេះ បន្ទាប់ពីរកឃើញ​សាកសព សរុបចំនួន ២៦ នាក់ភាគច្រើនជាជនជាតិថៃ។

យោងតាមរបាយការណ៍របស់គណៈគណៈកម្មាធិការគ្រប់គ្រងគ្រោះមហន្តរាយបានបញ្ជាក់ថា អគារកាស៊ីណូ​ហ្គ្រេនដាយម៉ិនស៊ីធី និងកាស៊ីណូប៉ោយប៉ែតស៊ីធីមានអ្នកស្នាក់នៅប្រមាណ ១,០០០ នាក់ និងបុគ្គលិកបម្រើការងារ ៥០០ នាក់។ ក្រោយបិទបញ្ចប់អាជ្ញាធរកម្ពុជាសហការជាមួយអាជ្ញាធរថៃបានជួយសង្គ្រោះជនរងរបួសសរុប ៨៨ នាក់ ក្នុងនោះរបួសធ្ងន់ ២៣ នាក់។

អ្នកនាំពាក្យខេត្តបន្ទាយមានជ័យលោក សេក សុខុម ប្រាប់កម្ពុជាថ្មីថា ​ប្រតិបត្តិការរុករក​បានបិទ​បញ្ចប់ត្រឹមម៉ោងជាង ៣ រសៀលនេះ បន្ទាប់ពីរកឃើញ​សាកសពសរុប ២៦ នាក់។ លោកថា ក្នុងចំ​ណោមជនរងគ្រោះដែលបាត់បង់ជីវិតទាំង ២៦ នាក់ មានជនជាតិថៃ ២១ នាក់ ចិនម្នាក់ នេប៉ាល់​ម្នាក់៕