លោកអនុសេនីយ៍ឯក អ៊ួង ផល្លា ហៅចិត អាយុ៥០ឆ្នាំ តួរនាទីជាអនុប្រធានផ្នែកព្រហ្មទណ្ឌ​នគរបាល ខណ្ឌច្បារអំពៅត្រូវបានក្រុមគ្រួសារដឹកបញ្ជូនទៅធ្វើការសង្រ្គោះបន្ទាន់នៅមន្ទីរពេទ្យជ័យជំនះ នៅក្រុងតាខ្មៅ ខេត្តកណ្តាលបន្ទាប់ពីមានអការៈថប់ដង្ហើម។

បើតាមប្រភពពីលោក ញូង សារឿន ដែលជាមិត្តមិត្រភក្ដិជនរងគ្រោះបានប្រាប់កម្ពុជាថ្មីឲ្យដឹងនៅរសៀលថ្ងៃទី៨ខែមករានេះថា លោក អ៊ួង ផល្លា ត្រូវក្រុមគ្រួសារដឹកយកមកមន្ទីរពេទ្យជ័យជំនះចាប់តាំងពីយប់ថ្ងៃទី ៦ ខែកុម្ភៈ មកម្ល៉េះដោយសារតែដកដង្ហើមថប់ៗសឹងដាច់ខ្យល់។

លោក សារឿន បានបន្តថា កាលពីថ្ងៃទី ៦ ខែកុម្ភៈ លោក អ៊ួង ផល្លា បានបើករថយន្តដឹកអ្នកទោសពីអធិការដ្ឋាននគរបាលខណ្ឌច្បារអំពៅយកទៅតុលការរាជធានីភ្នំពេញដូចរាល់ដង។

លុះដល់ពេលដឹកអ្នកទោសត្រឡប់មកពីតុលាការវិញស្រាប់តែលោក អ៊ួង ផល្លា ប្រញាប់ធ្វើដំណើទៅផ្ទះនៅឯក្រុងតាខ្មៅខេត្តកណ្តាលដោយដឹងថា ខ្លួនមិនស្រួលក៏ប្រញាប់ឲ្យក្រុមគ្រួសារដឹកយកទៅមន្ទីរពេទ្យជ័យជំនះដែលស្ថិតនៅក្បែផ្ទះ។

បើតាមការបញ្ជាក់ពីគ្រូពេទ្យបានអះអាងថា អ្នកជំងឺមានជំងឺរលាកសួតធ្ងន់ធ្ងរដែលខណៈនេះកំពុងស្ថិតនៅបន្ទប់សង្រ្គោះបន្ទាន់។ មិត្តនគរបាលរួមអង្គភាពបានសម្ដែងការអាណិតអាសូរដល់ លោក អ៊ួង ផល្លា ដែលខិតខំធ្វើការងារបំរើអង្គភាពរហូតដល់ថ្ងៃឈឺដេកពេទ្យតែម្តង៕

អត្ថបទ៖ នរា