សន្តិសុខសង្គម
មេការរត់ចោលកម្មករសំណង់ ១៣ នាក់ វេចលុយជាង ៥ ពាន់ដុល្លារទៅជាមួយ
ក្នុងសកម្មភាពប្រមូលផ្តុំគ្នាគោលបំណងសុំឲ្យអាជ្ញាធរខេត្តជួយអន្តរាគមន៍សាជាថ្មី ក្រោយពីឈ្មោះ សន ចំរ៉ុង ជាមេការសំណង់មិនគោរពតាមកិច្ចសន្យា បានប្រមូលប្រាក់ឈ្នួលរបស់ក្រុមកម្មករប្រុសស្រី ១៣ នាក់ជំនាញខាងរៀបឥដ្ឋការ៉ូ រត់គេចបាត់ស្រមោល មិនគោរពតាមកិច្ចសន្យា។
លោក ពឿន ភាណា អាយុ៣៥ឆ្នាំ ជាកម្មករម្នាក់ក្នុងចំណោមកម្មករទាំង ១៣ នាក់ មកពីខេត្តពោធិ៍សាត់ បានប្រាប់ឲ្យដឹងថា ក្រុមជាងរបស់គាត់ទាំង ១៣ នាក់គឺមកពីខេត្តផ្សេងៗគ្នាមកធ្វើការងារផ្នែកជំនាញ “រៀបឥដ្ឋការ៉ូ” នៅក្នុងសំណង់ផ្ទះល្វែង ម្ដុំខាងជើងផ្សារទំនើបភូពុយ ស្ថិតក្នុងភូមិអញ្ចាញ សង្កាត់អូរចា ខេត្ត បាត់ដំបង ហើយបានម៉ៅការពីមេការម្នាក់ ឈ្មោះ សន ចំរ៉ុង ។
កម្មកររូបនេះបន្តថា ចាប់តាំងពីអំឡុងដើមខែវិច្ឆិកា ឆ្នាំ២០២២ នៃការចាប់ផ្ដើមធ្វើការងារ រហូតមកដល់ដើមខែកុម្ភៈ ឆ្នាំ២០២៣ មេការឈ្មោះសន ចំរ៉ុង ទើបបើកប្រាក់ឈ្នួលឲ្យកម្មករបានប្រមាណជា ១០ ភាគរយប៉ុណ្ណោះ ក្នុងចំណោម ប្រាក់ឈ្នូលសរុបប្រជាង ៥,០០០ដុល្លារ ដែលពួកគាត់ត្រូវទទូលបាន ក្នុងរយៈពេលជាង ៣ខែកន្លងទៅនេះ។
ដោយក្រុមកម្មករសំណង់បានរៀបរាប់ដូចៗគ្នាថា កាលពីចាប់ផ្ដើមធ្វើការងារ ក្នុងខែដំបូង គឺ ខែវិច្ឆិកា ឆ្នាំ២០២២ មេការសំណង់ឈ្មោះ សន ចុះរ៉ុង បានបើកប្រាក់ឈ្នូលឲ្យកម្មករជាបន្តបន្ទាប់ទោះតិចឬ ច្រើនក្ដី (របៀបឲ្យខ្ចីចាយមុន) តែខែបន្តបន្ទាប់ ស្រាប់តែមេការរូបនេះចាប់ផ្ដើមកាត់បន្ថយការបើកប្រាក់ រហូតចូលដល់ខែមករា ឆ្នាំ២០២៣ ក៏បានព្យាយាមគេចវេសមិនបើកប្រាក់ឈ្នួលឲ្យពួកគាត់ទាំងស្រុងតែម្ដង។
រហូតស៊ូទ្រាំមិនបាន ក៏នាំគ្នាទៅកាន់សាលាសង្កាត់អូរចាដើម្បីសុំកិច្ចអន្តរាគមន៍ ពីលោកចៅសង្កាត់ឲ្យជួយហៅមេការសំណង់ឈ្មោះ សន ចំរ៉ុង មកដោះស្រាយសងប្រាក់ឈ្នួលដល់ពួកគាត់ ដែលនៅសេសសល់ជាង ៥.០០០ ដុល្លារទៀត ខណះដែលពួកគាត់ទាំង ១៣នាក់គ្មានប្រាក់សម្រាប់ទិញស្បៀងបរិគោគប្រចាំថ្ងៃនោះទេ។
បើយោងតាមលិខិតកិច្ចសន្យា ឈ្មោះ សន ចំរ៉ុង ជាមេការសំណង់រស់នៅ ក្នុងភូមិតាគ្រក់ ឃុំក្តុលតាហែន ស្រុកបវេល ខេត្តបាត់ដំបង មានមុខរបរជាងសំណង់ បានធ្វើកិច្ចសន្យា នៅក្នុងសាលាសង្កាត់អូរចា ចំពោះមុខចៅសង្កាត់ និង កម្មករសំណង់ទាំង ១៣ នាក់ កាលពីថ្ងៃទី២១ មករា ឆ្នាំ២០២៣។ មេការរូបនេះបានសន្យាក្នុងខ្លឹមសារថា “ចាប់ពីថ្ងៃទី ២១ មករា ដល់ថ្ងៃទី ០៧ កុម្ភៈ ឆ្នាំ២០២៣ នឹងដោះស្រាយជូនកម្មករដែលបានជំពាក់កម្មករចំនួន១៣នាក់ គិតជាថវិកាចំនួន៨,៧៣២,៥០០រៀល និងប្រាក់ដុល្លារចំនួន៣,៧៩០ដុល្លារ”។
ផ្ទុយពីកិច្ចសន្យា មេការរូបនេះមិនទាន់សងប្រាក់ឈ្នួលបានមួយសេនផង ស្រាប់តែជិតដល់ថ្ងៃផុតកំណត់សងប្រាក់បានប្រមូលប្រាក់ដាក់មេផាយបាត់ស្រមោល។ រហូតមកដល់ពេលនេះក្រុមកម្មករទាំង១៣នាក់ ដេកដាច់បាយក្រហាយទឹកកាន់តែធ្ងន់ធ្ងរ គឺពួកគេសំងំនៅតែក្នុងអគារសំណង់ ចង់ទៅណាក៏មិនកើតគ្មានប្រាក់មួយរៀល ទឹកក៏គេផ្តាច់ ដើរសុំទឹកគេប្រើ តែ ភ្លើងអគ្គិសនីនៅអាចប្រើបាន។
ពួកគាត់ប្រាប់ថា ក្រុមកម្មករ រៀបឥដ្ឋការ៉ូ ទាំង ១៣ នាក់ ដែលកំពុងរងគ្រោះនេះ គឺមកពីតាមបណ្ដាខេត្តផ្សេងៗគ្នា ក្នុងនោះមានមកពីខេត្តពោធិ៍សាត់ ខេត្តកំពង់ស្ពឺ ខេត្តបន្ទាយមានជ័យ ខេត្តកំពង់ឆ្នាំងនិងខេត្តព្រះវិហារ។ ចុងក្រោយពួកគេសុំឲ្យអាជ្ញាធរខេត្តបាត់ដំបងមេត្តាជួយអន្តរាគមន៍ ខណះពេលនេះទៅមុខក៏មិនរួចថយក្រោយក៏មិនបានព្រោះម្នាក់ៗគ្មានប្រាក់ទិញស្បៀងអាហារបរិភោគប្រចាំថ្ងៃនោះទេ៕
អត្ថបទ៖ សៅ សារិទ្ធ
អ្នកចិញ្ចឹមត្រីនៅកម្ពុជាស្នើរដ្ឋាភិបាលចាត់វិធានការនាំចូលត្រីពីប្រទេសជិតខាង ដើម្បីជួយគាំទ្រការចិញ្ចឹមត្រីក្នុងស្រុក
ផ្ទះទេវតាមួយខ្នង ជាអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនប្រជាពលរដ្ឋនៅខេត្តកំពង់ចាម
វឌ្ឍនភាពទំនប់អូរតេធិបតី ៖ ក្រោយដាក់សម្ពោធ អាជ្ញាធរត្រៀមតបណ្តាញផ្គត់ផ្គង់ទឹកស្អាតជូនពលរដ្ឋក្នុងខេត្តមណ្ឌលគិរី
មាស ម៉ើ ប្រសិនបើមានការឧបត្ថម្ភណាមួយលោកនឹងបន្តបើកក្លឹបមហិទ្ធិឬទ្ធិគុនខ្មែរ
អាស៊ានឯកភាពមិនទទួលយកការបោះឆ្នោតនៅមីយ៉ាន់ម៉ាគ្រោងធ្វើចុងឆ្នាំនេះ
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
ត្រឡប់មកពីក្រៅប្រទេសភ្លាម លោកឧកញ៉ា ហ៊ួត ជា នាំយកសម្ភារៈសំណង់ទៅជួយកញ្ញា ពេជ្រ ចរណៃ ភ្លាម និងទទួលធ្វើជា BA ថ្នាំលាប MC PAINT ថែមទៀត
ភ្នាក់ងារចារកម្មជាន់ខ្ពស់អ៊ុយក្រែន ត្រូវបានគេបាញ់សម្លាប់នៅរដ្ឋធានីកៀវ
ជំនន់ទឹកភ្លៀងអូរព្រំដែនកម្ពុជា ថៃ បានលិចច្រោះក្បាលស្ពាន និងផ្លូវវាងក្នុងស្រុកសំឡូត
អានុទីន មានប្រវត្តិសិក្សា មុខជំនួញ និង នយោបាយ មិនធម្មតា នៅមុនកើតជម្លោះក្ដៅគគុកជាមួយ ផែថងថាន
-
ព័ត៌មានអន្ដរជាតិ១ សប្តាហ៍ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង១ សប្តាហ៍ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ១ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានជាតិ១៧ ម៉ោង agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក