សង្ស័យករណីអត្តឃាតប៉ុន្តែព័ត៌មានថាជារឿងដួលម៉ូតូ

បុរសម្នាក់បានរងរបួសធ្ងន់ ខណៈដែលសាក្សីបានទៅដល់ឃើញភ្លើងឆេះពេញខ្លួនម៉ូតូកំពុងឆាបឆេះជាមួយគ្នា។
ហេតុការណ៍នេះបានកើតឡើងនៅមុខចម្ការផ្កាស្ថិតក្នុងភូមិកោះនរា សង្កាត់និរោធ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក គុយ គឹមហ៊ាង នាយករងរដ្ឋបាលសាលាខណ្ឌច្បារអំពៅបានឲ្យដឹងនៅវេលាម៉ោង ១១​និង​១០នាទីព្រឹកថ្ងៃទី ១៨ ខែ កុម្ភៈ មានបុរសម្នាក់មានវ័យប្រហែល ៣០ឆ្នាំបានបើកបរម៉ូតូម៉ាកសេ ១២៥ សេរីឆ្នាំ ២០២១ ខ្មៅពាក់ស្លាកលេខភ្នំពេញ១AV ០៤ ១៣ បានដួលនៅចំណុចកើតហេតុខាងលើរហូតដល់ឆេះទាំងម៉ូតូនិងមនុស្ស។

ប៉ុន្តែបើតាមសមត្ថកិច្ចបានសន្និដ្ឋានជំហ៊ានដំបូងបានអះអាងថាទំនងជាករណីអត្តឃាតព្រោះទាំងមនុស្ស និងម៉ូតូឆាបឆេះដូចជាដុតខ្លួន និងម៉ូតូ។

លោក គុយ គឹមហ៊ាង បានបញ្ជាក់ថា បុរសរងគ្រោះត្រូវបានរថយន្តសង្រ្គោះរបស់មន្ទីរពេទ្យបង្អែកច្បារអំពៅដឹកយកទៅធ្វើការសង្រ្គោះនៅមន្ទីរពេទ្យសម្តេចឪ។ បើតាមស្ថានភាពរបួសគឺធ្ងន់ធ្ងរណាស់ហើយពុំមានអ្នកណាមួយបានស្គាល់អត្តសញ្ញាណជនរងគ្រោះឡើយ៕

អត្ថបទ៖ នរា