សន្តិសុខសង្គម
ក្រុមហ៊ុនឈ្មោះ ”ថាកូ” ដែលដាំដំណំចេកលឿងបានកាយផ្តាច់ផ្លូវពលរដ្ឋមិនឲ្យធ្វើដំណើរក្នុងក្រុមហ៊ុន
រតនគិរី ៖ ក្រុមហ៊ុនហ័ងអញ់អណ្តូងមាស ដែលបានផ្ទេរទៅឲ្យក្រុមហ៊ុនថ្មីមួយ ដែលមានឈ្មោះ “ថា កូ” កំពុងដាំដំណាំចេកអំបូងលឿង បានបិទផ្លូវប្រជាពលរដ្ឋធ្វើដំណើរចេញចូលក្នុងភូមិ ឬអាស្រ័យផលនោះនិង បានយកគ្រឿងចក្រមកកាយផ្តាច់ផ្លូវមិនឲ្យប្រជាពលរដ្ឋធ្វើដំណើរទៅមកបាន។
លោក កិ រ៉េត អនុប្រធានភូមិអូរគគីវាលវិលបានឲ្យកម្ពុជាថ្មី ដឹងនៅព្រឹកថ្ងៃទី២៧ ខែកុម្ភៈ នេះ ថា ក្រុមហ៊ុន “ថា កូ” បានហាមឃាត់ប្រជាពលរដ្ឋមិនឲ្យឆ្លងកាត់នៅក្នុងក្រុមហ៊ុននេះ ដោយឲ្យប្រជាពលរដ្ឋធ្វើដំណើរផ្លូវវៀងមិនឲ្យចូលក្នុងក្រុមហ៊ុននោះ។ប៉ុន្តែប្រជាពលរដ្ឋបានធ្វើដំណើរលើផ្លូវនេះជាយូរឆ្នាំមកហើយ ហេតុអីមកហាមឃាត់ពួកគាត់មិនឲ្យធ្វើដំណើរផ្លូវនេះទៅវិញ។
លោក កិ រ៉េត បានបន្តទៀតថា កាលពីក្រុមហ៊ុនហ័ងអញ់មិនដែលហាមឃាត់ពួកគាត់មិនឲ្យឆ្លងកាត់ ឬធ្វើដំណើរនោះទេតែមកដល់ក្រុមហ៊ុននេះវិញ មកហាមឃាត់ពួកគាត់មិនឲ្យឆ្លងកាត់និងចេញចូល ថែមទាំងយកគ្រឿងចក្រមកកាយផ្តាច់ផ្លូវពួកគាត់ដែលធ្វើដំណើរនិងដឹកកសិផលចេញចូល។ ហើយក្រុមហ៊ុននេះបានយកគ្រឿងចក្រកាយបិតផ្លូវតាំងពីថ្ងៃទី២៥-២៦-និងថ្ងៃទី២៧ ខែកុម្ភៈនេះ ប៉ុន្តែប្រជាពលរដ្ឋបានដេកយាមចាំនៅក្បែរកន្លែងគ្រឿងចក្រដែលបម្រុងនិងកាយដីផ្លូវនោះ។
លោកបានបញ្ជាក់ថា ប្រជាពលរដ្ឋបានធ្វើដំណើរលើផ្លូវនេះជាច្រើនភូមិ រួមមាន ភូមិ១ ភូមិ២ និងភូមិ៣ ក្នុងឃុំស្រែអង្គ្រង ស្រុកកូនមុំ ខេត្តរតនគិរី។ ដោយឡែកមានភូមិចំនួន២ ប៉ុន្តែនៅជាប់ព្រំប្រទល់និងខេត្តចំនួន៣ គឺខេត្តស្ទឹងត្រែង ខេត្តមណ្ឌលគិរី និងខេត្តរតនគិរី។ ១-ភូមិអូរគគីថ្មដា ឃុំរយ៉ ស្រុកកោះញែក ខេត្តមណ្ឌលគិរី និងភូមិអូរគគីវាលវិល ឃុំក្បាលរមាស ស្រុកសេសាន ខេត្តស្ទឹងត្រែង។
ភូមិទាំង២នេះមានប្រជាពលរដ្ឋជាង៦០០គ្រួសារ ដែលមករស់នៅទីនេះជាច្រើនឆ្នាំមកហើយនោះ មិនទាន់ក្រុមហ៊ុនមកវិនិយោគផង ពួកគាត់មិនសុខចិត្តឲ្យក្រុមហ៊ុនធ្វើដូច្នេះទេ ត្រូវតែបើកផ្លូវឲ្យពួកគាត់ធ្វើដំណើរនិងដឹកកសិផលផ្សេងៗទៅមកបាន ដូចសព្វមួយដង។
លោក សេក ហៃ អភិបាលស្រុកកូនមុំបានឲ្យកម្ពុជាថ្មី ដឹងតាមប្រព័ន្ធតេលេក្រាមនៅរសៀលថ្ងៃទី២៧កុម្ភៈនេះថា លោកចាត់ឲ្យរដ្ឋបាលឃុំចុះទៅដើម្បីសម្របសម្រួលខាងក្រុមហ៊ុន ខាងក្រុមហ៊ុនក៏បានយល់ព្រមផ្អាកការកាយផ្លូវ និងបិទផ្លូវដើម្បីឲ្យប្រជាពលរដ្ឋធ្វើចរាចរណ៍ឡើងវិញ។ មកដល់ព្រឹកថ្ងៃសៅរ៍ចាត់ឲ្យអភិបាលរងស្រុកមួយរូបចុះទៅ ប៉ុន្តែក្រុមហ៊ុនក៏បានយល់ព្រមនិងរង់ចាំប្រធានក្រុមហ៊ុនមកផ្សះផ្សាម្តងទៀត ដើម្បីសុំគោលការអភិបាលខេត្ត។
លោក សេក ហៃ បានបញ្ជាក់ទៀតថា ហើយនៅយប់ថ្ងៃអាទិត្យវេលាម៉ោង១០ជាងថ្ងៃ២៦កុម្ភៈ ក្រុមហ៊ុននេះបានយកគ្រឿងចក្រមកលួចកាយដីផ្លូវ ដើម្បីកាន់ផ្តាច់ផ្លូវទៀត តំណាងក្រុមហ៊ុននេះខេត្តអញ្ជើញឲ្យមកសាលាខេត្តដើម្បីធ្វើការសម្របសម្រួល ប៉ុន្តែក្រុមហ៊ុនមិនបានអនុវត្តតាមហើយបានដឹកអាចម៍ដីមកចាក់បិទផ្លូវ មិនស្តាប់តាមអាជ្ញាធរទាល់តែសោះ។
លោកថា នៅស្រុកកូនមុំមានតែភូមិ៣មួយទេ ដែលឆ្លងកាត់ក្រុមហ៊ុន ប៉ុន្តែភូមិ២ទៀតនៅក្នុងទឹកដីនៃខេត្តស្ទឹងត្រែង និងខេត្តមណ្ឌលគិរី ប្រជាពលរដ្ឋទាំងនេះមិនទាន់ចុះស្ថិតិប្រជាពលរដ្ឋក្នុងខេត្តរតនគិរីនៅឡើយ ដីមិនទាន់ចុះជាកម្មសិទ្ធជាដីដែនជម្រកសត្វព្រៃ សុទ្ធតែប្រជាជនខ្មែរយើង ហើយគាត់មិនអនុញ្ញាតឲ្យក្រុមហ៊ុនបិតផ្លូវនោះទេ។ ហើយត្រូវបានជៀសអំពើហិង្សាកើតឡើង យើងត្រូវរកវិធីសាស្ត្រណាមួយ។
លោក ញ៉ែម សំអឿន អភិបាលខេត្តរតនគិរីបានមានប្រសាសន៍ប្រាប់កម្ពុជាថ្មីតាមតេលេក្រាមថា រដ្ឋបាលខេត្តបានជួបជជែកជាមួយអគ្គនាយករងក្រុមហ៊ុនហើយ កាលពីព្រឹកថ្ងៃទី២៧ ខែកុម្ភៈ ឆ្នាំ២០២៣នេះ ប៉ុន្តែលទ្ធផលយ៉ាងណានោះមិនទាន់សម្រេចនៅឡើយទេ កំពុងស្ថិតក្នុងការសម្របសម្រួល និង រកដំណោះស្រាយ៕
ដោយ ៖ វុទ្ធឦសាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង