សន្តិសុខសង្គម
Update ៖ សុំលុយមិនបាន យកកាំបិតអារ.ក សម្លាប់ម្ដាយបង្កើត ស្លាប់ក្នុងថ្លុកឈាម
ស្ត្រីម្នាក់ បានស្លាប់ក្នុងថ្លុកឈាមយ៉ាងអាណោចអាធ័ម បន្ទាប់ពីកូនប្រុសបង្កើតយកកាំបិតអារ.ក សម្លាប់ កាលពីវេលាម៉ោង ៨ និង ២០ នាទីយប់ ថ្ងៃទី ៣១ ខែមីនា ឆ្នាំ ២០២៣ នៅចំណុចបន្ទប់ផ្ទះជួលជាន់ទី ១ ស្ថិតក្នុងភូមិ ២៣ ក្រុម ១០៦ សង្កាត់បឹងកក់ ២ ខណ្ឌទួលគោក រាជធានីភ្នំពេញ។
សពជនរងគ្រោះជាម្ដាយមានឈ្មោះ តយ លឿ ភេទស្រី អាយុប្រហែល ៦០ ឆ្នាំ មុខរបរផ្នែកអនាម័យនៅផ្ទះសំណាក់មួយកន្លែង ស្នាក់នៅកន្លែងកើតហេតុខាងលើ មានស្រុកកំណើតភូមិច្រេះ ឃុំច្រេះស្រុកមេសា ខេត្តព្រៃវែង។ ចំណែកជនដៃដល់ជាកូនមានឈ្មោះ ឈាត ឆែ ភេទប្រុស អាយុជាង ៣០ ឆ្នាំ មុខរបរលីអីវ៉ាន់នៅផ្សារនាគមាស ស្នាក់នៅជាមួយគ្នា។
បើតាមប្រភពពីប្រជាពលរដ្ឋនៅកន្លែងកើតហេតុបានឲ្យដឹងថា ជនដៃដល់ជាកូនមានជំងឺសរសៃប្រសាទជាយូរណាស់មកហើយ។ មុនកើតហេតុ ជនដៃដល់ជាកូន បានសុំលុយម្ដាយចំនួន ៣៥ ម៉ឺនរៀល តែម្ដាយមិនឲ្យ។ លុះដល់ម៉ោងកើតហេតុខាងលើ ស្រាប់តែឃើញជនរងគ្រោះជាម្ដាយបានស្រែកឆោឡោឲ្យគេជួយ ក៏មានការភ្ញាក់ផ្អើលដល់ប្រជាពលរដ្ឋនាំគ្នាទៅមើល ក៏ឃើញជនរងគ្រោះត្រូវកូនអារ.ក សម្លាប់ ស្លាប់ក្នុងថ្លុកឈាមបាត់ទៅហើយ។
បើតាមការបញ្ជាក់ពីលោកពូម្នាក់ ត្រូវជាប្អូនថ្លៃជនរងគ្រោះ បានឲ្យដឹងថា កាលពីម្សិលមិញ កូនប្រុសជាជនដៃដល់ បានសុំលុយម្ដាយជាជនរងគ្រោះចំនួន ៣៥ ម៉ឺនរៀល តែម្ដាយមិនឲ្យ ដោយប្រាប់កូនថា លុយម្ដាយទិញចិញ្ចៀនអស់ហើយ ហើយនៅខ្លះទុកគ្រាន់ទៅលេងស្រុកចូលឆ្នាំខ្មែរនាពេលខាងមុខនេះ។
ប្រភពដដែលបានបន្តថា កូនប្រុសរបស់គាត់ដែលជាជនដៃដល់តែងតែសុំលុយម្ដាយយកទៅលេងល្បែងតាមអនឡាញជាញឹកញាប់ ហើយចាញ់អស់មកសុំទៀត ដោយថ្ងៃកើតហេតុម្ដាយមិនឲ្យ ក៏បែកសតិយកកាំបិតអារ.ក ម្ដាយដេកស្លាប់ក្នុងថ្លុកឈាមយ៉ាងអាណោចអាធ័មនៅបន្ទប់ជួលតែម្ដង។ ភ្លាមៗ ជនដៃដល់ ក៏ត្រូវបានប្រជាពលរដ្ឋនាំគ្នាឃាត់ខ្លួនប្រគល់ឲ្យសមត្ថកិច្ចចាត់ការតាមច្បាប់។
ក្រោយកើតហេតុ សមត្ថកិច្ចមូលដ្ឋានសហការជាមួយជំនាញផ្នែកកោសល្យវិច័យ នៃស្នងការដ្ឋាននគរបាលរាជធានីភ្នំពេញ ចុះមកពិនិត្យ និងធ្វើកំណត់ហេតុប្រគល់សពឲ្យទៅសាច់ញាតិបងប្អូនចាត់ចែងធ្វើបុណ្យតាមប្រពៃណី៕
អត្ថបទ ៖ សុខា
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា