សន្តិសុខសង្គម
ផ្ទះ ២៧ ខ្នង ដែលឆេះនៅសង្កាត់ផ្សារឆ្នាំងសាងសង់ឡើងវិញ ២០ ខ្នង ខណៈផ្ទះមួយចំនួនមិនបានសាងសង់បង្គន់
មន្ត្រីនគរបាលនៅធ្វើការងារនៅប៉ុស្តិ៍ដើមពោធិ៍មាត់ទន្លេផ្សារក្រោមក្នុងសង្កាត់ផ្សារឆ្នាំងក្រុងកំពង់ឆ្នាំងនៅព្រឹកថ្ងៃទី ១៨ ខែ មេសា ឆ្នាំ២០២៣ បានឲ្យដឹងថា សព្វថ្ងៃនេះនៅពេលខ្យល់បក់មកពីទិសខាងត្បូងម្ដងៗធំក្លិនស្អុយពិបាកទ្រាំដែលសង្ស័យថាផ្ទះប្រជាពលរដ្ឋដែលបានឆេះចំនួន ២៧ ខ្នងកន្លងទៅពេលកសាងថ្មីឡើងវិញមួយចំនួនមិនបានធ្វើបង្គន់អនាម័យទេគឺបន្ទោរបង់ទម្លាក់មកដីហូរចូលព្រែកតែម្តងទើបធំខ្លិនមិនល្អបែបនេះ។
ប្រជាពលរដ្ឋសំណូមពរដល់អាជ្ញាធរភូមិ និងសង្កាត់មេត្តាជួយអប់រំណែនាំឱ្យពួកគាត់ធ្វើបង្គន់អនាម័យប្រើប្រាស់គ្រប់ខ្នងផ្ទះឲ្យបានត្រឹមត្រូវផងដើម្បីរួមគ្នាបំបាត់ក្លិនស្អុយ និងថែរក្សាបរិស្ថានល្អបរិសុទ្ធសម្រាប់ភ្ញៀវទេសចរណ៍ដែលមកលេងកម្សាន្តនៅមាត់ទន្លេផ្សារក្រោម។
ចំពោះស្ពានឈើដែលឆ្លងពីប៉ុស្តិ៍នគរបាលរដ្ឋបាលផ្សារឆ្នាំងទៅកាន់ភូមិកណ្ដាលក៏មានសភាពទ្រុឌទ្រោមផងដែរ ដែលករណីនេះអាជ្ញាធរភូមិឃុំគួរមានវិធានការជួសជុលឱ្យរឹងមាំសម្រាប់ប្រើប្រាស់នៅរដូវវស្សាទឹកទន្លេឡើង។
សូមបញ្ជាក់ផងដែរថា កាលពីព្រឹកទី ១២ ខែមីនាឆ្នាំ២០២៣ អគ្គីភ័យបានឆាបឆេះចេញពីផ្ទះឆ្អើរត្រីមួយកន្លែងនៅក្នុងភូមិផ្សារឆ្នាំង សង្កាត់ផ្សរឆ្នាំង ក្រុងកំពង់ឆ្នាំងបណ្ដាលឱ្យឆេះរាលដាលអស់ផ្ទះសរុប ចំនួន ២៧ខ្នង ដែលមានប្រជាពលរដ្ឋរស់នៅចំនួន ៤៥ គ្រួសារ។
ដោយឡែកក្រោយពេលកើតហេតុប្រជាពលរដ្ឋជាជនរងគ្រោះមួយចំនួនដែលមានលទ្ធភាពបានស្នើសុំអាជ្ញាធរក្រុង និងខេត្តសាងសង់ផ្ទះថ្មឡើងវិញ។ ប៉ុន្តែត្រូវបានអាជ្ញាធរបានហាមឃាត់មិនឲ្យសាងសង់ផ្ទះថ្មរឹងមាំនោះឡើយគឺអនុញ្ញាតឲ្យសាងសង់ផ្ទះឈើ ឬផ្ទះស័ង្កសីបណ្ដោះអាសន្នតែប៉ុណ្ណោះ។
ព្រោះថាតំបន់ជួរដើមស្រល់នេះអាជ្ញាធរខេត្តមានគម្រោងសាងសង់សួនច្បារក្នុងពេលខាងមុខនេះ ហើយគម្រោងនេះក៏ធ្លាប់បានផ្សព្វផ្សាយជូនប្រជាពលរដ្ឋនៅម្ដុំនេះចំនួន ៤៥ គ្រួសារឱ្យត្រៀមបន្លាស់ទីលំនៅឋានរួចហើយផងដែរក្នុងអាណត្តិលោក ឈួរ ចាន់ឌឿន ជាអភិបាលខេត្ត។
ចំណែកផ្ទះថ្មដែលកសាងជំនាន់បារាំងទ្រុឌទ្រោមចំនួន ១៣ ល្វែងដែលបានវាយចោលក្នុងឆ្នាំ ២០២១ កន្លងមក នៅទល់មុខតំបន់ផ្ទះឆេះ ក្នុងពេលនេះត្រូវបានម្ចាស់ផ្ទះចាប់ផ្ដើមកសាងជាផ្ទះល្វែងឡើងវិញបានប្រមាណ២០% ហើយ។
ប្រភពពីប្រជាពលរដ្ឋនៅតំបន់នេះបានឲ្យដឹងថា ការកសាងផ្ទះ១៣ ល្វែងខាងលើនេះក្នុងមួយល្វែងៗ ២ជាន់មានតម្លៃជាង ៦ ម៉ឺនដុល្លារ ដោយត្រូវចាក់ប្លង់សេ ២ សន្លឹក កន្លះ៕
អត្ថបទ៖ ឈៀងថារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ