មន្ទីរប្រឆាំងគ្រឿងញៀនផ្អាកការងារមន្ត្រី១៥​នាក់ ករណីល្មើសវិន័យកងកម្លាំងនគរបាលជាតិ

មន្ទីរប្រឆាំងគ្រឿងញៀន ចេញលិខិតបង្គាប់ការផ្អាកការងារបណ្តោះអាសន្នមន្ត្រីនគរបាលជាតិចំនួន១៥នាក់ នៃមន្ទីរប្រឆាំងគ្រឿងញៀន ដោយមូលហេតុ ល្មើសវិន័យកងកម្លាំងនគរបាលជាតិ។ នេះបេីយោងតាមលិខិតបង្គាប់ការចុះថ្ងៃទី២១ ខែធ្នូ ឆ្នាំ២០២៣។

មន្ត្រីនគរបាលជាតិទាំង១៥នាក់ នៃមន្ទីរប្រឆាំងគ្រឿងញៀន ដែលផ្អាកការងារបណ្តោះអាសន្ន គឺមានតួនាទីនាយរងការិយាល័យ នាយផ្នែក នាយរងផ្នែក និងមន្ត្រី។

រាជរដ្ឋាភិបាលដឹកនាំដោយសម្តេចធិបតី ហ៊ុន ម៉ាណែត ជានាយករដ្ឋមន្ត្រី និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី ដឹកនាំក្រសួងមហាផ្ទៃ តែងតែបញ្ជាក់ថា មន្ត្រីនគរបាលជាតិរូបណាក៏ដោយ នឹងត្រូវបណ្ដេញចេញពីក្របខ័ណ្ឌដោយគ្មានការលើកលែង ប្រសិនបើរកឃើញថាជាប់ព័ន្ធនឹងគ្រឿងញៀន ទាំងការរក្សាទុក ប្រើប្រាស់ និងជួញដូរ៕