Connect with us

សន្តិសុខសង្គម

អាជ្ញាធរស្រុកសេសាន ឱ្យប្រជាពលរដ្ឋបង្កើនការប្រុងប្រយ័ត្នចំពោះភ្លើងព្រៃឆេះផ្ទះ

បានផុស

នៅ

ក្នុងកិច្ចប្រជុំផ្សព្វផ្សាយគោលនយោបាយភូមិឃុំមានសុវត្ថិភាព អាជ្ញាធរស្រុកសេសានក្រើនរំឭកបន្ថែមដល់ប្រជាពលរដ្ឋនៅបណ្តាភូមិ ឃុំ ក្នុងស្រុកសេសាន ខេត្តស្ទឹងត្រែងបង្កើនការប្រុងប្រយ័ត្នចំពោះភ្លើងព្រៃ ដែលអាចឆេះរាលដាលដល់ផ្ទះសម្បែង ប្រសិនបើមិនបានសម្អាតបរិស្ថាន ទុកឱ្យមានព្រៃ ស្មៅ សំរាម នៅជុំវិញផ្ទះ ហើយនាំគ្នាទៅស្រែចម្ការបាត់ៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុវណ្ណ ពិសេដ្ឋ អភិបាលស្រុកបានបញ្ជាក់ថា៖ នៅរដូវប្រាំងភ្លើងព្រៃតែងឆេះរាលដាលស្ទើរគ្រប់ទីកន្លែង ហើយមានតំបន់ខ្លះបណ្តាលឱ្យឆេះផ្ទះសម្បែងរបស់បងប្អូនប្រជាពលរដ្ឋធ្វើឱ្យបាត់បង់ទីជម្រក ទាំងនៅស្រែចម្ការ និងនៅក្នុងភូមិក៏មានដែរ។

លោកបន្តថា៖ មូលដ្ឋានយើងរស់នៅកន្លែងខ្លះមានផ្ទះនៅជិតៗគ្នា មានព្រៃស៊ុបទ្រុប ស្មៅ សំរាម ហើយបងប្អូនខ្លះដុតភ្លើងចោលមិននៅផ្ទះក៏មាន ករណីនេះតែឆេះមួយត្រូវរាលដាលទៅដល់ផ្ទះអ្នកផ្សេងៗ ទៀតអញ្ចឹងសុំប្រយ័ត្ន ជាងគេគឺអគ្គិភ័យ យើងជួយគ្នាអត់បានទេ ហើយប្រសិនបើបងប្អូនដើរកាត់ឃើញផ្ទះណាយប់ព្រលប់ នៅប្រើភ្លើងត្រូវប្រាប់គ្នា ពីព្រោះគ្នាយើងមាននៅផ្ទះតៗគ្នា តែឆេះមួយឆេះទាំងអស់ហើយ អញ្ចឹងប្រយ័ត្នប្រយែង។ 

លោក ញូង ងឿ តំណាងឱ្យប្រជាពលរដ្ឋរស់នៅភូមិអូរផ្កាដកព័រ ឃុំស្តៅ បានគាំទ្រចំពោះការដាស់តឿននេះ ព្រោះកន្លង​មកនៅភូមិ ឃុំនេះ ក៏មានភ្លើងឆេះព្រៃរាលដាលមកឆេះផ្ទះ ក្នុងពេលដែលបងប្អូនមិនបាននៅផ្ទះ ចេញទៅធ្វើស្រែចម្ការអស់។

លោកនឹងជួយណែនាំបន្ថែមទៅបងប្អូនយើងឱ្យយកចិត្តទុកដាក់ និងនាំគ្នាប្រុងប្រយ័ត្នចំពោះករណីភ្លើងផ្សែងនេះ ដោយ​សារ​តំបន់យើងរស់នៅឆ្ងាយ ពេលអគ្គិសភ័យកើតមានឡើង ហៅឡានទឹកក៏មកមិនទាន់ដែរ។

សូមបញ្ជាក់ថា៖ ភ្លើងព្រៃនេះភាគច្រើនកើតមានឡើងពីប្រជាកសិករ ធ្វើស្រែចម្ការហើយមានបងប្អូនមួយចំនួនបានដុតព្រៃចំការចោល ឬមានអ្នកដុតភ្លើងយកឃ្មុំ ហើយឆេះរាលដាល់ពាសវាលពាសកាលបង្កឱ្យឆេះដល់ព្រៃក្រាសៗ ទើបអាជ្ញាធរប្រកាស និងណែនាំឱ្យប្រុងប្រយ័ត្ន ដើម្បីការពារផលប្រយោជន៍ទាំងអស់គ្នា និងមានសុវត្ថិភាពក្នុងការរស់នៅ៕

អត្ថបទ៖ ងិន លីម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ នាទី មុន

ដើមឆ្នាំ២០២៤ ករណីគ្រោះថ្នាក់ចរាចរណ៍នៅរាជធានីភ្នំពេញ កើតឡើងជាង៩០លើក បណ្ដាលឲ្យមានមនុស្សស្លាប់៣៣នាក់

ព័ត៌មានអន្ដរជាតិ១២ នាទី មុន

ឆេះហាងកាហ្វេនៅខេត្តមួយរបស់ ចិន សម្លាប់មនុស្ស ៣៩ នាក់

ព័ត៌មានអន្ដរជាតិ១៨ នាទី មុន

ដំណើរដើមទងបុរសម្នាក់ទៀតធ្លាប់បញ្ចៀសពិភពលោកពីភ្លើងសង្រ្គាមនុយក្លេអ៊ែរ

ព័ត៌មានជាតិ៣៤ នាទី មុន

ចាប់ពីយប់នេះ នគរបាលរាជធានីភ្នំពេញ នឹងអនុវត្តច្បាប់ចរាចរណ៍តឹងរឹងបំផុត ហើយចល័តទីតាំងថែមទៀត

ព័ត៌មានជាតិ៣៨ នាទី មុន

លោក ព្រាប កុល៖ ដើម្បីកិត្តិនាមរដ្ឋាភិបាល លោកគ្មានជម្រើសអ្វីក្រៅពីប្ដឹងម្ចាស់គណនី Chivann Pen ឡើយ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម