សន្តិសុខសង្គម
តុលាការផ្តន្ទាទោស លោក William Guang ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់
នៅរសៀលថ្ងៃទី២៩ ខែមករានេះ តុលាការប្រកាសសាលក្រមផ្តន្ទាទោស អតីតប្រធានគណបក្សខ្មែរក្រោក លោកសុខ សុវណ្ណវឌ្ឍនាសាប៊ុង ហៅ William Guang និងបក្ខពួកចំនួន ៣នាក់ទៀត ឱ្យជាប់ពន្ធនាគាររយៈពេលពី ៤ឆ្នាំ ដល់ ៦ឆ្នាំ ក្នុងសំណុំរឿងចូលប្លន់អ្នកលក់ឡេតាមអនឡានល្បីឈ្មោះ អ៊ាន សៀវម៉ី កាលពីចុងឆ្នាំ២០២១។
![](https://www.kampucheathmey.com/wp-content/uploads/2024/01/image-1774.png)
សូមរំលឹកឡើងវិញថា កាលពីថ្ងៃទី១៩ ខែធ្នូ ឆ្នាំ២០២១ លោក សុខ សុវណ្ណវឌ្ឍនាសាប៊ុង អតីតប្រធានគណបក្សខ្មែរក្រោក បានដឹកនាំបក្ខពួករបស់ខ្លួនប្រដាប់ដោយអាវុធ បានចូលទៅប្លន់នៅក្នុងផ្ទះអ្នកលក់ឡេអនឡាញ អ៊ាន សៀវម៉ី។ បន្ទាប់ពីធ្វើសកម្មភាពប្លន់រួចពួកគេបាននាំគ្នាគេចខ្លួនចេញពីកន្លែងកើតហេតុ។ ក្រោយមកប្អូនប្រុសរបស់ អ៊ាន សៀវម៉ី បានហៅទូរស័ព្ទមកកាន់លេខ ១២៩១ របស់អាវុធហត្ថរាជធានីភ្នំពេញ ដើម្បីសុំការអន្តរាគមន៍ និងឈានដល់ការចាប់ខ្លួនក្រុមចោរប្លន់ប្រដាប់អាវុធអស់ទាំងនោះ។
បើតាមសាលក្រម តុលាការបានផ្តន្ទាទោស អតីតប្រធានគណបក្សខ្មែរក្រោក លោក សុខ សុវណ្ណវឌ្ឍនាសាប៊ុង ហៅ វីល្លាម គ័ង ដែលជាមេក្លោងធ្វើសកម្មភាពប្លន់ ឱ្យជាប់ពន្ធនាគារចំនួន ០៦ឆ្នាំ។ ចំណែកឈ្មោះ សុវណ្ណ រ៉ានុត តុលាការបានផ្ដន្ទាទោសដាក់ពន្ធនាគារចំនួន ៥ឆ្នាំ។ រីឯឈ្មោះ អោ រ៉ាម៉ន តុលាការបានផ្ដន្ទាទោសដាក់ពន្ធនាគារ ៥ឆ្នាំ។ ចំណែកឈ្មោះ គេច ម៉ាច ហៅ អាតឿ តុលាការបានសម្រេចដាក់ពន្ធនាគាររយៈពេល ៤ឆ្នាំ។
តុលការបានចោទប្រកាន់ជនជាប់ចោទទាំង៤ពីបទ ប៉ុនប៉ងលួចមានស្ថានទម្ងន់ទោស និងកាន់កាប់អាវុធដោយគ្មានការអនុញ្ញាត៕
![](https://www.kampucheathmey.com/wp-content/uploads/2024/01/image-1775.png)
![](https://www.kampucheathmey.com/wp-content/uploads/2024/01/image-1776.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី