សន្តិសុខសង្គម
មួយយប់សមត្ថកិច្ចឃាត់យានយន្តល្មើសលើសជាតិអាកុលបានជាង ៥០គ្រឿង នៅភ្នំពេញ
បន្ទាប់ពីមានការត្រួតពិនិត្យ និងរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្នុងមួយយប់ៗ សមត្ថកិច្ចឃាត់យានយន្តបានជាង៥០គ្រឿង ដែលល្មើស និងលើសជាតិអាកុល។
![](https://www.kampucheathmey.com/wp-content/uploads/2024/02/image-44-1024x768.png)
តាមការផ្សព្វផ្សាយរបស់ស្នងការរាជធានីភ្នំពេញ ថ្ងៃទី១ ខែកុម្ភៈ ឆ្នាំ២០២៤នេះ នៅយប់ថ្ងៃទី៣១ ខែមករា ឆ្នាំ២០២៤ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលបានឃាត់យានយន្តល្មើស ចំនួន១០០គ្រឿង ( រថយន្ត ចំនួន៣៥គ្រឿង, ម៉ូតូ ចំនួន៦៥គ្រឿង)។ ក្នុងចំណោមយានយន្តល្មើសនោះ មានយានយន្ត ៥៦គ្រឿង ដែលបានល្មើសនឹងគ្រឿងស្រវឹង ក្នុងនោះ កម្រិត ០.២៥ ដល់ ០.៣៩ mg/L ចំនួន២១គ្រឿង (អ្នកបើកបរម៉ូតូ ចំនួន១១នាក់ និងអ្នកបើកបររថយន្ត ចំនួន១០នាក់)។ អ្នកលើសជាតិអាកុលកម្រិត ០.៤០ mg/L ឡើង ចំនួន៣៥គ្រឿង ដោយអ្នកបើកបរម៉ូតូ ចំនួន២៣នាក់ និងអ្នក បើកបររថយន្ត ចំនួន១២នាក់។
![](https://www.kampucheathmey.com/wp-content/uploads/2024/02/image-45-1024x768.png)
ដោយឡែក បទល្មើសផ្សេងៗ ចំនួន៤៤គ្រឿង ក្នុងនោះអត់មួកសុវត្ថិភាព ចំនួន៣១គ្រឿង រថយន្តអត់បណ្ណបើកបរ ចំនួន ០៦គ្រឿង រថយន្តធំខុសបណ្ណបើកបរប្រភេទយាន ចំនួន០១គ្រឿង រថយន្តធំដឹកសំពីងសំពោង ចំនួន០៣គ្រឿង និងរថយន្តបើកបរល្មើសសញ្ញាចរាចរណ៍ ចំនួន០៣គ្រឿង។
គួររំលឹកថា បន្ទាប់ពីមានគ្រោះថ្នាក់ដ៏រន្ធត់មួយបានកើតឡើងដោយសារគ្រឿងស្រវឹង កាលពីថ្ងៃទី២០ ខែមករា ឆ្នាំ២០២៤ រាជរដ្ឋាភិបាលបានយកចិត្តទុកដាក់រឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាកុលបន្ថែមទៀត ដើម្បីផ្តល់សុវត្ថិភាពដល់ពលរដ្ឋតាមដងផ្លូវ។
សូមជម្រាបថា សម្រាប់ម៉ូតូ ម៉ូតូសណ្តោងរ៉ឺម៉ក់ ឬ ម៉ូតូកង់៣ ឬ ម៉ូតូកង់៤ ដែលមានកម្រិតជាតិអាកុល ០.២៥ ដល់ ០.៣៥ mg/L ត្រូវពិន័យជាប្រាក់ ២៥០,០០០រៀល ហើយបើវាស់ទៅឃើញកម្រិត ០.៤០ mg/L ពិន័យជាប្រាក់ ១,០០០,០០០រៀល។ ចំណែករថយន្តធន់ស្រាដែលមានជាតិអាកុល ០.២៥ ដល់ ០.៣៥ mg/L ត្រូវពិន័យជាប្រាក់ ៤០០,០០០រៀល និងម្រិត ០.៤០ mg/L ពិន័យ ២,០០០,០០០រៀល។ ចំពោះរថយន្តធន់ធ្ងន់វិញ ដែលមានកម្រិតជាតិអាកុល ០.២៥ ដល់ ០.៣៥ mg/L ត្រូវពិន័យជាប្រាក់ ៨០០,០០០រៀល និងកម្រិត ០.៤០ mg/L ពិន័យ ៤,០០០,០០០រៀល៕
![](https://www.kampucheathmey.com/wp-content/uploads/2024/02/image-46-1024x768.png)
![](https://www.kampucheathmey.com/wp-content/uploads/2024/02/image-47.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម១ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានអន្ដរជាតិ១៨ ម៉ោង ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ