សន្តិសុខសង្គម
នាយករដ្ឋមន្ត្រី៖ កងទ័ពត្រូវតែប្រឆាំងដាច់ខាតឧបាយកលដែលប៉ុនប៉ងបង្កអសន្តិសុខដល់ជាតិ
អញ្ជើញជាអធិបតីបិទវគ្គបណ្តុះបណ្តាល និងហ្វឹកហ្វឺន នៅសាកលវិទ្យាល័យការពារជាតិ នាព្រឹកថ្ងៃទី១៩ ខែមេសា ឆ្នាំ២០២៤នេះ សម្តេច ហ៊ុន ម៉ាណែត បានចង្អុលបង្ហាញឱ្យកងទ័ពទាំងអស់ត្រូវតែប្រឆាំងដាច់ខាតរាល់ឧបាយកលទាំងឡាយណាដែលប៉ុនប៉ងបង្កើតបដិវត្តន៍ពណ៌នៅកម្ពុជា ឬបង្កអសន្តិសុខដល់សង្គមជាតិ។
![](https://www.kampucheathmey.com/wp-content/uploads/2024/04/image-1221.png)
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា ទន្ទឹមនឹងការអនុវត្តភារកិច្ចស្នូលរបស់ខ្លួន កងយោធពលខេមរភូមិន្ទ ត្រូវតែជាកម្លាំងមានឧត្តមគតិស្មោះត្រង់ដាច់ខាតចំពោះជាតិ រាជរដ្ឋាភិបាល និងត្រូវមានសមត្ថភាពគ្រប់គ្រាន់ក្នុងកិច្ចការពារឯករាជ្យ អធិបតេយ្យភាពជាតិ ឯកភាពទឹកដីនៃកម្ពុជា ការពារសន្តិភាព ការពាររាល់សមិទ្ធផលសង្គមជាតិ សមិទ្ធផលនៃនយោបាយឈ្នះឈ្នះឱ្យបានគង់វង្ស។ ព្រមជាមួយគ្នា សម្ដេចធិបតី បានណែនាំឱ្យកងទ័ពរួមចំណែកដល់ការកសាងនីតិរដ្ឋ អភិវឌ្ឍន៍ប្រទេសជាតិ ហើយត្រៀមលក្ខណៈគ្រប់កាលៈទេសៈរាល់ប្រតិបត្តិការដែលរាជរដ្ឋាភិបាលប្រគល់ជូនឱ្យមានប្រសិទ្ធភាព។
សម្ដេចធិបតី នាយករដ្ឋមន្ត្រី ក៏បានសង្កត់ធ្ងន់ដល់តួនាទីដ៏សំខាន់របស់កងយោធពលខេមរភូមិន្ទក្នុងការប្រឆាំងដាច់ខាតនូវឧបាយកល និងសកម្មភាពទាំងឡាយណាដែលក្នុងបំណងចង់បំផ្លាញដល់សុខសន្តិភាពនៅកម្ពុជាដែលខិតខំរកបានដោយលំបាក ក្រោមនយោបាយឈ្នះ ឈ្នះ របស់សម្ដេចតេជោ ហ៊ុន សែន។
![](https://www.kampucheathmey.com/wp-content/uploads/2024/04/image-1222.png)
សម្ដេចធិបតី លើកឡើងដូច្នេះថា៖ «កងយោធពលខេមរភូមិន្ទ ត្រូវតែជាកម្លាំងមានថាមពលខ្លាំង សមត្ថភាពពេញលេញ ឆន្ទៈមុតមុះ និងវិន័យល្អ ការពារបានរឹងមាំនូវឯករាជ្យជាតិ អធិបតេយ្យភាព ឯកភាពទឹកដី សន្តិសុខ សណ្ដាប់ធ្នាប់សង្គមនៅគ្រប់កាលៈទេសៈ ដោយសំដៅធ្វើឱ្យបរាជ័យរាល់ឧបាយកល និងសកម្មភាពរបស់កម្លាំងអមិត្ត ទាំងក្នុង និងក្រៅប្រទេស ដែលប៉ុនប៉ងបង្កើតបដិវត្តពណ៌នៅកម្ពុជា បង្កអសន្តិសុខដល់សង្គមជាតិ»។
សម្ដេចធិបតី ប្រកាសថា ទោះក្នុងតម្លៃណាក៏ដោយ ត្រូវតែថែរក្សា និងការពារសុខសន្តិភាពនេះឱ្យបាន ហើយកងទ័ពត្រូវមានភាពសកម្មក្នុងការរួមចណែកទប់ស្កាត់បទល្មើសនានាក្នុងសង្គមឱ្យបានទាន់ពេលវេលាផងដែរ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ