Connect with us

សន្តិសុខសង្គម

រដ្ឋបាលក្រុងសិរីសោភ័ណឆ្មក់បង្រ្កាបទីតាំងក្លឹបកម្សាន្ដ TNL ឃាត់ខ្លួនយុវជនប្រុសស្រីជាច្រើននាក់ និងរកឃើញគ្រឿងញៀនមួយចំនួន

បានផុស

នៅ

ទីតាំងក្លឹបកម្សាន្ដ TNL ដែលមានខារ៉ាអូខេ ឌីស្គូ និងស្នុកឃឺ បង្កដោយការប្រើប្រាស់គ្រឿងញៀនស្ថិតនៅភូមិអូរអំបិល (ចំការខ្នុរ)សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ត្រូវបានរដ្ឋបាលក្រុងសិរីសោភ័ណដឹកនាំដោយលោក ស្រេង សុផល អភិបាលក្រុងសិរីសោភ័ណ និងលោក សុី ឌី អធិការក្រុងសិរីសោភ័ណ ចុះបង្រ្កាបឃាត់ខ្លួនក្មេងទំនើងប្រុសស្រីជាច្រើននាក់ជាមួយគ្រឿងញៀនមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិនេះធ្វើឡើងកាលពីយប់រំលងអាធ្រាតចាប់ពីម៉ោង២រហូតដល់ម៉ោង៤ថ្ងៃទី៣ ខែមិថុនា ឆ្នាំ២០២៤ នៅចំនុចទីតាំងក្លឹបខាងលើ។

សមត្ថកិច្ចដែលមានលោកអភិបាលក្រុង និងចៅសង្កាត់អូរអំបិល និងដឹកនាំកម្លាំងផ្ទាល់ដោយលោកវរសេនីយ៍ឯក សុី ឌី អធិការក្រុងសិរីសោភ័ណបានចូលឆែកតាមបន្ទប់ខាងរ៉ាអូរខេ និងក្លឹបកម្សាន្ដឃាត់ខ្លួនយុវជនប្រុសស្រី ចំនួន២៤នាក់និងរឹបអូសវត្ថុតាងគ្រឿងញៀនមួយចំនួនបានបញ្ជូនមកអធិការដ្ឋាននគរបាលក្រុងសិរីសោភ័ណ។

លោក ស្រេង សុផល អភិបាលក្រុងសិរីសោភ័ណបានបញ្ជាក់ថា ជាការណែនាំពីលោក អ៊ុំ រាត្រី ប្រធានគណៈបញ្ជាការឯកភាពខេត្ត ដើម្បីលុបបំបាតបទល្មើសគ្រឿងញៀន និងក្រុមបងតូចបងធំ លោកបានដឹកនាំកម្លាំងចុះប្រតិបត្តិការបង្ក្រាបក្លឹបកម្សាន្ដ និងហាងខារ៉ាអូខេដែលមានលួចលាក់បង្កប់ ជួញដូរគ្រឿងញៀននឹងបទល្មើសផ្សេងៗត្រូវលុបបំបាត់ហើយចំពោះទីតាំងក្លឹបកម្សាន្តខាងលើ ត្រូវបានបិតបណ្តោះអាសន្នសិន។

លោកបន្តថា អាជ្ញាធរសមត្ថកិច្ចនឹងបន្តចុះអនុវត្តក្លឹបកម្សាន្ត និងខារ៉ាអូខេដទៃទៀតដែលសង្ស័យប្រព្រឹត្តល្មើសច្បាប់ដូចភ្លៀងរលឹមដើម្បីលុបបំបាត់ បទល្មើសគ្រឿងញៀន និងក្រុមបងតូចបងធំមិនអោយកើតមានក្នុងមូលដ្ឋាន៕

អត្ថបទ៖ អពៅ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ ម៉ោង មុន

ផ្ទះសម្បែង​ពលរដ្ឋ​​បី​ខ្នង​ត្រូវ​បង្ខំចិត្ត​រុះ​រើ ខណៈ​ច្រាំងទន្លេ​បាន​បាក់​ស្រុង​ជា​បន្តបន្ទាប់​

ព័ត៌មានជាតិ៧ ម៉ោង មុន

លោក នេត្រ ភក្ត្រា៖ ការផ្ដល់សេវាសារធាណៈដោយគុណភាព ឆាប់រហ័ស ជាកិច្ចការចម្បងរបស់ក្រសួងព័ត៌មាន

សន្តិសុខសង្គម៨ ម៉ោង មុន

ក្រុម​ឧក្រិដ្ឋជន​ដឹក​គ្រឿងញៀន​ឆ្លងដែន​ជាង​២០០​គីឡូ ត្រូវ​សមត្ថកិច្ច​មន្ទីរ​ប្រឆាំង​មន្ទីរ​ប្រឆាំង​គ្រឿងញៀន​បង្ក្រាប​

ព័ត៌មានជាតិ៨ ម៉ោង មុន

សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម

ព័ត៌មានអន្ដរជាតិ៨ ម៉ោង មុន

កូរ៉េខាងត្បូង​ចាប់​ខ្លួន​ម្ចាស់​ក្រុមហ៊ុនបច្ចេកវិទ្យា​ខ្នាតយក្ស Kakao ជុំវិញ​ការ​បន្លំតម្លៃភាគហ៊ុន

Sokha Hotels

ព័ត៌មានពេញនិយម