Connect with us

សន្តិសុខសង្គម

ផ្តន្ទាទោសស្ត្រីបរទេសម្នាក់ដាក់ពន្ធនាគារអស់មួយជីវិត ករណីដឹកជញ្ជូនគ្រឿងញៀនឆ្លងដែនជាង៤​គីឡូក្រាម

បានផុស

នៅ


ជនជាប់ចោទឈ្មោះ LOPEZ VACA KAREN CECIA ភេទស្រី អាយុ៣៧ឆ្នាំ ជនជាតិបូលីវី កាលបីថ្ងៃទី១០ ខែមិថុនា ឆ្នាំ២០២៤នេះ ត្រូវបានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ សម្រេចផ្តន្ទាទោសដាក់ពន្ធនាគារ អស់មួយជីវិត ពាក់ព័ន្ធករណីដឹកជញ្ជូនឆ្លងដែនដោយខុសច្បាប់នូវសារធាតុញៀនជាង៤គីឡូក្រាម។ ការសម្រេចនេះ ធ្វើឡើងតាមបទល្មើសព្រហ្មទណ្ឌដែលមានចែង និងផ្តន្ទាទោសតាម មាត្រា ៤០ កថាខណ្ឌទី២ និងកថាខណ្ឌទី៧ នៃច្បាប់ ស្តីពី ការត្រួតពិនិត្យគ្រឿងញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញករណីនេះ កន្លងទៅសមត្ថកិច្ចមន្ទីរប្រឆាំងគ្រឿងញៀន ប្រាប់ឲ្យដឹងថា បន្ទាប់ពីទទួលព័ត៌មានសម្ងាត់ពីទីភ្នាក់ងារអនុវត្តច្បាប់ប្រឆាំងគ្រឿងញៀន អាមេរិក (DEA) និងមន្ត្រីសហព័ន្ធប្រេស៊ីល កាលពីថ្ងៃទី១០ ខែកញ្ញា ឆ្នាំ២០២៣ កម្លាំងជំនាញមន្ទីរប្រឆាំងគ្រឿងញៀន សហការជាមួយកម្លាំងអគ្គនាយកដ្ឋានអន្តោប្រវេសន៍ និងអគ្គនាយកដ្ឋានគយ និងរដ្ឋាករ ប្រចាំនៅអាកាសយានដ្ឋានអន្តរជាតិភ្នំពេញ បានធ្វើការត្រួតពិនិត្យវ៉ាល្លីសរបស់ជនសង្ស័យ ដែលធ្វើដំណើរមកពីទីក្រុង រីយ៉ូ ប្រទេសប្រេស៊ីល ឆ្លងកាត់ឌុយបៃ បន្តមកប្តូរជើងហោះហើរនៅម៉ាឡេស៊ី រួចធ្វើដំណើរមកអាកាសយានដ្ឋានអន្តរជាតិភ្នំពេញ តាមជើងហោះហើរ MH762 ពីម៉ាឡេស៊ី។

ក្រោយធ្វើតេស្តបឋមបង្ហាញលទ្ធផលថា ជាល្បាយគ្រឿងញៀន ប្រភេទកូកាអ៊ីន (Cocaine) ចំនួន ២១បន្ទះធំ និង២២បន្ទះតូច (សរុប៤៣ បន្ទះ) ជាប់ជាមួយសាច់សម្លៀកបំពាក់ ដោយធ្វើការដេរភ្ជាប់ខោអាវ ដែលមានទម្ងន់សរុប ៤៣៥៦ក្រាម (គិតទាំងសំបកប្លាស្ទីក និងសាច់កំណាត់)។ ក្រោយពីឃាត់បាន ជនសង្ស័យត្រូវបានជំនាញមន្ទីរប្រឆាំងបទល្មើសគ្រឿងញៀន កសាងសំណុំរឿងបញ្ជូនទៅសាលាដំបូងរាជធានីភំ្នពេញ ដើម្បីចាត់ការតាមនីតិវិធី៕

អត្ថបទ៖ រ៉ាវុទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ នាទី មុន

យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់

សេដ្ឋកិច្ច១៧ នាទី មុន

ទោះបីមិនហ៊ឺហា! តែរបរលក់ម្ជូរតាមរទេះ អាចរកប្រាក់ចំណូលជាង ១០ម៉ឺនរៀល ក្នុងមួយថ្ងៃ

ព័ត៌មានជាតិ២៩ នាទី មុន

រដ្ឋកំពុងយកចិត្តទុកដាក់ខ្ពស់លើបញ្ហាគ្រោះថ្នាក់ចរាចរណ៍ ការឆ្លងរោគអេដស៍ ដែលបង្កឡើងព្រោះគ្រឿងស្រវឹង

សេដ្ឋកិច្ច៣៥ នាទី មុន

Elon Musk គំរាម​ហាម​​​ឧបករណ៍​​ Apple ក្នុង ​ក្រុម​ហ៊ុន​​​ខ្លួន​ ប្រសិន​បើ​​​បំពាក់​​មុខងារ ​OpenAI ​​ក្នុង​ប្រព័ន្ធ​ប្រតិបត្តិការ​

ព័ត៌មានអន្ដរជាតិ៣៩ នាទី មុន

UN៖​​ ប្រជាជនស៊ូដង់ជាង ១០ លាននាក់បានភៀសខ្លួនចេញពីផ្ទះសម្បែង ខណៈសង្គ្រាមនៅតែបន្ត

Sokha Hotels

ព័ត៌មានពេញនិយម