សន្តិសុខសង្គម
អាជ្ញាធរខណ្ឌឫស្សីកែវ ចុះពិនិត្យកន្លែងលក់ហ្កាសក្នុងមូលដ្ឋាន រកឃើញ ០៤ ទីតាំង គ្មានច្បាប់
អាជ្ញាធរខណ្ឌឫស្សីកែវ ដឹកនាំកម្លាំងចម្រុះ ចុះត្រួតពិនិត្យទីតាំងអាជីវកម្មលក់ហ្កាស ចំនួន ០៤ ទីតាំង ដែលគ្មានច្បាប់ត្រឹមត្រូវ និងណែនាំទុកដាក់ធុងហ្កាសឲ្យបានត្រឹមត្រូវ ជៀសវាងបង្កគ្រោះថ្នាក់ជាយថាហេតុ។
ដោយអនុវត្តតាមការបញ្ជារបស់លោក ជិន ប៊ុនធឿន អភិបាល នៃគណៈអភិបាលខណ្ឌឫស្សីកែវ ក្រុមការងាររដ្ឋបាលខណ្ឌឫស្សីកែវ ដឹកនាំដោយលោក ឌន ដាវុឌ នាយករងរដ្ឋបាល បានដឹកនាំកម្លាំងចម្រុះ ចុះត្រួតពិនិត្យណែនាំទីតាំងអាជីវកម្មលក់ហ្កាស ចំនួន ០៤ ទីតាំង រកឃើញថា គ្មានច្បាប់អនុញ្ញាតឲ្យប្រកបអាជីវកម្ម ហើយទីតាំងអាជីវកម្មរបស់ឈ្មោះ លឹម ម៉េង អាន ស៊ីង និង អៀង សាខន បានដាក់សំបកធុងហ្កាស និង ធុងហ្កាស នៅលើផ្លូវសាធារណៈ។
ក្នុងនោះ អាជ្ញាធរខណ្ឌ បានពិនិត្យជាក់ស្ដែងនៅទីតាំងចំនួន ០៤ រួមមាន ៖ ទី០១.ឈ្មោះ លឹម ម៉េង ភេទប្រុស ស្ថិតនៅផ្ទះលេខ 1B ផ្លូវបេតុង ភូមិខ ០១ សង្កាត់ច្រាំងចំរេះ ០២ ខណ្ឌឫស្សីកែវ រាជធានីភ្នំពេញ។ ទី០២.ឈ្មោះ អាន ស៊ីង ភេទប្រុស ស្ថិតនៅផ្ទះលេខ 8D ផ្លូវបេតុង ភូមិខ ០១ សង្កាត់ច្រាំងចំរេះ ០២ ខណ្ឌឫស្សីកែវ រាជធានីភ្នំពេញ។ ទី០៣.ឈ្មោះ អៀង គឹមអេង ភេទប្រុស ស្ថិតនៅផ្លូវ ៩០៧ ភូមិទួលសង្កែ សង្កាត់ទួលសង្កែ ០១ ខណ្ឌឫស្សីកែវ រាជធានីភ្នំពេញ។ ទី០៤.ឈ្មោះ អៀង សាខន ភេទប្រុស ស្ថិតនៅផ្លូវ ៩៩ ភូមិទួលសង្កែ សង្កាត់ទួលសង្កែ ០១ ខណ្ឌឫស្សីកែវ រាជធានីភ្នំពេញ។
គួររំលឹកថា កាលពីថ្ងៃទី ២៦ ខែកញ្ញា ឆ្នាំ ២០២៤ កន្លងទៅ លោក ជិន ប៊ុនធឿន អភិបាលខណ្ឌឫស្សីកែវ បានអញ្ជើញជាអធិបតីភាពក្នុងពិធីផ្សព្វផ្សាយរបៀបប្រើប្រាស់ និងផ្តល់ជូនបំពង់ពន្លត់អគ្គិភ័យចំនួន ១០៥ បំពង់ ដែលជាការឧបត្ថម្ភរបស់អង្គការ World Vision សម្រាប់ប្រជាពលរដ្ឋរស់នៅវិហារធំ គីឡូម៉ែត្រលេខ ០៩ សង្កាត់ច្រាំងចំរេះទី ០១ ខណ្ឌឫស្សីកែវ។
លោក ជិន ប៊ុនធឿន បានឲ្យដឹងថា គ្រោះអគ្គិភ័យគឺជាគ្រោះមហន្តរាយមួយដែលងាយកើតឡើងបំផុត និងគ្រោះថ្នាក់ខ្លាំងដូចពាក្យចាស់ពោលថា «ស៊ូលិចទូកកណ្តាលទន្លេកុំឲ្យភ្លើងឆេះផ្ទះ» ត្បិតបើមានករណីឆេះផ្ទះ ច្បាស់ណាស់គឺវានឹងបំផ្លាញទ្រព្យសម្បត្តិ ពេលខ្លះអាចគ្រោះថ្នាក់ដល់អាយុជីវិតថែមទៀតផង។
ជាមួយនោះ លោក ឌន ដាវុឌ នាយករងរដ្ឋបាលខណ្ឌឫស្សីកែវ ក៏បានណែនាំឲ្យម្ចាស់ទីតាំងប្រកបអាជីវកម្មលក់ហ្កាសបញ្ឈប់សកម្មភាពយកធុងហ្កាសមកដាក់លើចំណីផ្លូវ ដកកំប៉ុងហ្កាសណាចាស់ៗ ចេញ កុំឲ្យប្រើប្រាស់បន្ត ទុកដាក់ហ្កាសឲ្យបានត្រឹមត្រូវ និងណែនាំម្ចាស់អាជីវកម្មសុំច្បាប់ប្រកបអាជីវកម្មពីស្ថាប័នពាក់ព័ន្ធ៕
អត្ថបទ ៖ ម៉េង
ស្នងការខេត្តតាកែវសន្យាថានឹងចុះចេញពីតំណែង បើទប់ស្កាត់រថយន្ដដឹកទំនិញសំពីងសំពោងមិនបានតាមការណែនាំរបស់អភិបាលខេត្ត
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
សាកលវិទ្យាល័យភូមិន្ទវិចិត្រសិល្បៈ ប្រកាសពីការផ្លាស់ប្តូរការសិក្សានៅប្រទេសកូរ៉េ ៤ខែ សម្រាប់និស្សិតឆ្នាំទី២ ដល់ទី៤
សំណល់យុទ្ធភណ្ឌសល់ពីសង្គ្រាម ៤៥គ្រាប់ ត្រូវបានកម្ទេចដោយជោគជ័យ នៅខេត្តបន្ទាយមានជ័យ
ខេត្តរតនគិរី អាចមានទឹកជំនន់យ៉ាងឆាប់រហ័ស ដោយសារភ្លៀងខ្លាំងលាយឡំផ្គររន្ទះ
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
សពទាហានដែលប៉ះទង្គិចមួយទាហានថៃ បានដឹកយកទៅដល់លំនៅឋាន ដើម្បីធ្វើបុណ្យតាមប្រពៃណី
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
សម្ដេចតេជោ៖ ខ្ញុំមិនអស់ចិត្តថាហេតុអីទាហានយើងស្លាប់នៅកន្លែងហ្នឹង
សម្ដេចហ៊ុន សែន ៖ ខ្ញុំមិនចង់ឃើញការប្រយុទ្ធណាមួយកើតឡើងទេ តែខ្ញុំគាំទ្រការសម្រេចររបស់ដ្ឋាភិបាល ក្នុងការបញ្ជូនទ័ពនិង អាវុធធុនធ្ងន់ទៅកាន់ព្រំដែន
-
ព័ត៌មានជាតិ៥ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៤ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ សប្តាហ៍ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ព័ត៌មានជាតិ៣ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៤ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ១៧ ម៉ោង agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម២ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
ព័ត៌មានអន្ដរជាតិ៦ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច