សន្តិសុខសង្គម

ប្រើប្រាស់គ្រឿងញៀនលើសកម្រិត យកកាំបិតអារ.ក ខ្លួនឯងមិនស្លាប់ ផ្អើលពេញសង្កាត់ក្រាំងធ្នង់

បានផុស

២ years មុន

នៅ

ថ្ងៃចន្ទ ២១ តុលា ២០២៤

ដោយ

បុរសញៀនថ្នាំម្នាក់ បានអារ.ក សម្លាប់ខ្លួនឯង បន្ទាប់ពីឥទ្ធិពលគ្រឿងញៀនរើឡើង តែពុំស្លាប់ ត្រូវបានរថយន្តសាម៉ុយបញ្ជូនទៅកាន់មន្ទីរពេទ្យដើម្បីសង្គ្រោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ១០ និង ៣០ នាទី ព្រឹកថ្ងៃទី ២១ ខែតុលា ឆ្នាំ ២០២៤ ចំណុចភូមិត្រពាំងមៀន សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

បុរសញៀនថ្នាំរូបនោះឈ្មោះ សយ គឿន អាយុ ៤០ ឆ្នាំ ស្នាក់នៅផ្ទះកន្លែងកើតហេតុខាងលើ បានយកកូនកាំបិតចិត្តបន្លែអារ.ក ខ្លួនឯង បណ្ដាលឲ្យដាច់បំពង់ខ្យល់ដេកដួលលើដងផ្លូវនៅមុខផ្ទះ។

យោងតាមប្រភពព័ត៌មានពីប្រជាពលរដ្ឋបានឲ្យដឹងថា គេឃើញបុរសខាងលើ បានប្រមូលខោអាវដុតនៅក្នុងផ្ទះ ហើយដើរស្រែកឡូឡាតែម្នាក់ឯង ហើយមិនដឹងថាបុរសរូបនោះបានកូនកាំបិតមកពីណានោះទេ ក៏យកទៅអារ.ក ខ្លួនឯង ដើរទៅដួលនៅលើផ្លូវ បណ្តាលឲ្យផ្អើលប្រជាពលរដ្ឋរាយការណ៍ទៅសមត្ថកិច្ចទាក់ទងហៅរថយន្តសាម៉ុយដឹកបញ្ជូនទៅកាន់មន្ទីរពេទ្យមិត្តភាពកម្ពុជា-ចិន ហៅមន្ទីរពេទ្យលោកសង្ឃ។

បើតាមប្រភពពីអ្នកជិតខាងបានឲ្យដឹងទៀតថា បុរសរូបនោះជាមនុស្សញៀនថ្នាំជាយូរមកហើយ តែងតែរករឿង និងអុកឡុកនៅក្នុងផ្ទះ ហើយបានចុះចោលផ្ទះទៅបាត់តាំងពីមុនភ្ជុំ មិននឹកស្មានថា ត្រឡប់មកវិញឥទ្ធិពលគ្រឿងញៀនរើឡើង ហើយអារ.ក សម្លាប់ខ្លួនឯងបែបនេះនោះឡើយ៕

អត្ថបទ ៖ រដ្ឋា