សន្តិសុខសង្គម

ករណីគ្រូមា លី សាម៉េត តំណងអយ្យការសម្រេចធ្វើការចោទប្រកាន់ស្ត្រី២នាក់ទៀត បន្ទាប់ពីACUបញ្ជូនដល់ដៃតុលាការ

បានផុស

៨ ខែ មុន

នៅ

ថ្ងៃសុក្រ ២៩ វិច្ឆិកា ២០២៤

ដោយ

ភ្នំពេញ ៖ នារសៀលថ្ងៃទី២៩ ខែវិច្ឆិកា ឆ្នាំ២០២៤ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានប្រកាសព័ត៌មានទាក់ទងសំណុំរឿងសម្លកំពឹសគ្រូមា លី សាម៉េត ថា មានស្ត្រី២ នាក់ត្រូវបានអង្គភាពប្រឆាំងអំពើពុករលួយ ចាប់បញ្ជូនទៅស្ថាប័នអយ្យការសាលាដំបូងរាជធានីភ្នំពេញ ករណីនេះ តំណាងអយ្យការបានសម្រេចចោទប្រកាន់លើជនសង្ស័យ ៤នាក់ ៖

១.ឈ្មោះ ឆាយ សុវណ្ណារី ហៅ ចែមួយ

២.ឈ្មោះ ហើង ទិត្យរាត្រីលក្ខណ៍ ហៅស្រីមុំ

៣.ឈ្មោះ មួង ឃីម

៤.ឈ្មោះ លី សាម៉េត ហៅ គ្រូមា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីបទប៉ុនប៉ងសូកប៉ាន់ តាមមាត្រា ២៧ និងមាត្រា ៦០៥ នៃក្រមព្រហ្មទណ្ឌ និងមាត្រា ៣២ នៃច្បាប់ស្តីពីការប្រឆាំងអំពើពុករលួយ។ ក្រោយពីចោទប្រកាន់ជាផ្លូវការតំណាងអយ្យការអមសាលា ដំបូងរាជធានីភ្នំពេញ បានបញ្ជូនសំណុំរឿងនេះទៅចៅក្រមស៊ើប សួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន។

សូមជម្រាបថា នៅថ្ងៃដដែលនេះអង្គភាពប្រឆាំអំពើពុករលួយ បានបញ្ជូនស្រ្តី២នាក់ ម្នាក់ឈ្មោះ ឆាយ សុវណ្ណារី ហៅ ចែមួយ និងម្នាក់ឈ្មោះ ហើង ទិត្យរាត្រីលក្ខណ៍ ហៅស្រីមុំ ពាក់ពន្ធសំណុំរឿងសម្លកំពឹសគ្រូមា លី សាម៉េត។ ក្នុងសំណុំរឿងនេះដែរ កន្លងមកតុលាការក៏សម្រេចឃុំខ្លួនជនសង្ស័យជិត១០នាក់ហើយដូចជា ៖

១.លោក លី សាម៉េត ហៅគ្រូមា

២.លោក ដួង ដារា

៣.លោក មួង ឃីម

៤.លោក អ៊ុត ធី

៥.លោក ឡាយ វិសិដ្ឋ

៦.លោក កាយ សុខកាន ឥឡូវថែមស្ត្រី២នាក់ទៀត ៕

ដោយ ៖ មករា