សន្តិសុខសង្គម

គណៈបញ្ជាការឯកភាពខណ្ឌមានជ័យ បង្ក្រាបទីតាំងល្បែងឡូតូ ១ កន្លែង និងដកហូតសម្ភារៈមួយចំនួន

បានផុស

១ ខែ មុន

នៅ

ថ្ងៃចន្ទ ២ ធ្នូ ២០២៤

ដោយ

អ៊ិន ពិសី

កម្លាំងគណៈបញ្ជាការឯកភាពខណ្ឌមានជ័យ ចុះបង្ក្រាបទីតាំងល្បែងអនឡាញឡូតូ ១ កន្លែង និងដកហូតវត្ថុតាងមួយចំនួនយកទៅរក្សាទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះបានធ្វើឡើងកាលពីរសៀលថ្ងៃទី ១ ខែធ្នូ ឆ្នាំ ២០២៤ ស្ថិតក្នុងភូមិដំណាក់ធំ ៣ សង្កាត់ស្ទឹងមានជ័យទី ៣ ខណ្ឌមានជ័យ រាជធានីភ្នំពេញ។

អាជ្ញាធរបានឲ្យដឹងថា តាមការចង្អុលបង្ហាញរបស់ លោក សេង គន្ធ អភិបាល នៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានបញ្ជាឲ្យលោកចៅសង្កាត់ស្ទឹងមានជ័យទី ៣ នាយប៉ុស្តិ៍ និងកម្លាំងសណ្ដាប់ធ្នាប់ខណ្ឌ ដឹកនាំកម្លាំងចុះបង្ក្រាបទីតាំងល្បែងឡូតូ នៅចំណុចទីតាំងខាងលើ ដោយធ្វើការដកហូតសម្ភារៈមួយចំនួនដូចជា ៖ កុំព្យូទ័រចំនួន ២ គ្រឿង និងម៉ាស៊ីនព្រីនតូច ២ គ្រឿង។

ចំណែកសម្ភារៈពាក់ព័ន្ធនឹងល្បែងឡូតូខាងលើ ត្រូវបានកម្លាំងគណៈបញ្ជាការឯកភាពរដ្ឋបាលខណ្ឌមានជ័យយកទៅរក្សាទុកនៅសាលាខណ្ឌមានជ័យជាបណ្ដោះអាសន្ន។ ដោយឡែកមនុស្សបានរត់ប្រសាចគេចខ្លួនបាត់អស់។

ករណីនេះដែរ កម្លាំងអាជ្ញាធរបានធ្វើកំណត់ហេតុកិច្ចសន្យាជាមួយម្ចាស់ទីតាំងឈប់ជួលឲ្យបើកល្បែងបន្តទៀត។ បើករណីថ្ងៃក្រោយមានបើក នឹងទទួលខុសត្រូវចំពោះផ្លូវច្បាប់៕

អត្ថបទ ៖ សំណាង