សិស្សស្រីៗ០៨នាក់ ត្រូវ​បាន​កម្លាំង​កងរាជអាវុធហត្ថ​ឃាត់​ខ្លួនធ្វើ​ការ​អប់រំ ក្រោយ​បាន​ណាត់វៃ​គ្នា បង្ក​របួស​ស្នាម

កណ្តាល ៖ សិស្សស្រីៗ​ចំនួន០៨នាក់​ដែល​ជាក្មេងទំនើង​បាន​ណាត់វៃ​គ្នា​នឹង​ថតវីដេអូ​បង្ហោះ​ជា​សាធារណៈ ត្រូវ​បាន​កម្លាំង​កងរាជអាវុធហត្ថខេត្តកណ្ដាល និង កម្លាំងកងរាជអាវុធហត្ថក្រុងតាខ្មៅ ធ្វើ​ការ​សហការ​ជាមួយនឹងនាយកសាលា ឃាត់​ខ្លួន​សិស្ស​ទាំង​នោះ មក​ធ្វើកិច្ចសន្យាអប់រំ និង ហៅអាណាព្យាបាល​មក​ធ្វើការ​ធានា។

ប្រតិបត្តិការនេះ បានធ្វើឡើងនៅវេលាម៉ោង០៤ និង២០នាទី  ថ្ងៃទី១២ ខែធ្នូ ឆ្នាំ២០២៤ នៅចំណុចសាលាវិទ្យាល័យ​សេរីភាព ភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល។

សមត្ថកិច្ច​ចាប់​បាន​ទាំង​សង្ខាង ជាក់​ស្តែងករណីនារីទំនើង វាយ​គ្នា​នេះ បានកើតឡើងនៅវេលាម៉ោង ១៣ និង៣០នាទី ថ្ងៃ០៤ខែធ្នូ ឆ្នាំ ២០២៤ នៅចំណុចវត្តក្របៅ ភូមិដើមគរ សង្កាត់ដើមមៀន ក្រុងតាខ្មៅ រាជធានីភ្នំពេញ និងស្រាវជ្រាវបង្ក្រាបបាន សមត្ថកិច្ចបានឱ្យ​ដឹង​ថា ក្រោយ​ពី​ទទួលបានព័ត៌មាន និង​ការ​បែកធ្លាយ​រូបភាព កេ្មងស្រីសិស្សសាលា ប្រើអំពើហិង្សា(វាយគ្នាដោយដៃទៅវិញទៅមក) ភ្លាមៗ លោកឧត្តមសេនីយ៍ត្រី សំ តុលា មេបញ្ជាការកងរាជអាវុធហត្ថខេត្តកណ្តាល បានបញ្ជាជំនាញខេត្ត លោកមេបញ្ជាការ ក្រុង ស្រុក ឱ្យ​ស្រាវជ្រាវ ស្វែងរក ការ​ពិត​ករណី​ខាងលើ ជាបន្ទាន់។

តាមរយៈរូបភាពសកម្មភាពក្មេងស្រី វាយតប់គ្នា ជំនាញ កងរាជអាវុធហត្ថ ខេត្តកណ្តាល និង កងរាជអាវុធហត្ថ ក្រុងតាខ្មៅ បានធ្វើការស្រាវជ្រាវស្វែងរកឃើញពួកក្មេងទំនើងទាំងនេះ គឺជាសិស្សសាលា នៅក្រុងតាខ្មៅ។  កម្លាំងជំនាញ កងរាជអាវុធហត្ថ ខេត្តកណ្តាលនិង កងរាជអាវុធហត្ថក្រុងតាខ្មៅ ស្នើសុំកិច្ចសហការពីលោកនាយកសាលា រហូត​ឈាន​ដល់ អញ្ជើញសិស្សពាក់ព័ន្ធក្នុងបង្កករណីហិង្សា ខាងលើ មក​សាកសួរ​នៅ​ក្នុង(ទីចាត់ការ) សាលា និងអញ្ជើញ​អាណាព្យាបាល​ទាំង​ឪពុក​ទាំងម្ដាយ​មក​ណែនាំ និង កិច្ច​សន្យាធានា​ទើបអនុញ្ញាតឱ្យ​ទៅវិញ។

នៅចំពោះមុខតំណាងគណៈគ្រប់គ្រងសាលា អាណាព្យាបាល និងកម្លាំងសមត្ថកិច្ច កងរាជអាវុធហត្ថ ខេត្តកណ្តាល ពួកគេបានឆ្លើយសារភាពថា រូបភាពសកម្មភាពក្នុងវីដេអូ គឺ​ពិត​ជារូបភាពពួកគេបានធ្វើសកម្មភាពពិតប្រាកដមែន។

សូមបញ្ជាក់ថា នៅវេលាម៉ោង ១១នាថ្ងៃ ០៣ ខែធ្នូ  ឆ្នាំ២០២៤ នៅចំណុចមុខសាលាវិទ្យាល័យសេរីភាព មានសិស្សសាលាវិទ្យាល័យ ហ៊ុនសែនតាខ្មៅ ចំនួន ០៤នាក់ជិះម៉ូតូ ០២គ្រឿង មកមុខសាលាវិទ្យាល័យសេរីភាព ក៏ជួប សិស្សសាលាសេរីភាព ០៣នាក់ជិះម៉ូតូ ០១គ្រឿង ហើយគូភាគីសងខាងបានមើលមុខគ្នា ទៅវិញទៅមក ក៏ជិះម៉ូតូធ្វើដំណើរទៅគោលដៅរៀងៗខ្លួន។ លុះនៅដល់ថ្ងៃទី០៤ ខែ ធ្នូ ឆ្នាំ២០២៤ ភាគីសិស្សសាលាវិទ្យាល័យ ហ៊ុន សែន តាខ្មៅ បានជិះម៉ូតូមកសាលាវិទ្យាល័យ ហ៊ុន សែន សេរីភាព បបួលណាត់គ្នាទៅវាយគ្នា នៅវត្តក្របៅ ភូមិដើមគរ សង្កាត់ដើមមៀន ក្រុងតាខ្មៅ ។ ពួកគេ​ក៏​ធ្វើដំណើរ ដល់ស្រះទឹកក្នុងវត្តក្រប៉ោ ក៏បានចាប់គូរវាយគ្នា ដោយ​ភាគី​ខាងសាលាហ៊ុនសែនវិទ្យាល័យ ហ៊ុន សែន តាខ្មៅ មានម្នាក់ ចំណែកភាគីខាងសាលាវិទ្យាល័យ ហ៊ុន សែន សេរីភាព មានគ្នាពីរនាក់ ប៉ុន្តែដំបូងវាយគ្នា ម្នាក់ទល់នឹងម្នាក់ ក្រោយមកទើបអ្នកឱ្យអ្នកទីពីរចូលមកវាយបន្តទៀត ហើយក៏មានអ្នក(សិស្ស) លួចថតរូប ។ ករណីវាយតប់គ្នានេះ មិនបណ្តាល​ឱ្យ​មាន​របួសស្នាម​ទាំងសងខាងនោះទេ បន្ទាប់​មក​គូ​បដិបក្ខ ទាំងពីរ នាំគ្នាជិះម៉ូតូទៅផ្ទះរៀងៗខ្លួន៕

អត្ថបទ ៖ សុភា