បទល្មើសព្រហ្មទណ្ឌនៅរាជធានីភ្នំពេញក្នុងឆ្នាំ២០២៤ ថយចុះជិត៦០លើក ខណៈការបង្ក្រាបក្រុមក្មេងទំនើងឃាត់ខ្លួនបានជិត១៥០០នាក់

នៅក្នុងរយៈពេល១ឆ្នាំ២០២៤កន្លងមកនេះ នៅរាជធានីភ្នំពេញបានកើតឡើងនូវបទល្មើសព្រហ្មទណ្ឌចំនួនជិត៥០០​លើក​ថយចុះជិត៦០លើក ខណៈការបង្ក្រាបក្មេងទំនើងបានជិត៧០០ករណី ឃាត់ខ្លួនជិត១៥០០នាក់។

បើតាមរបាយការណ៍ប្រចាំឆ្នាំរបស់រដ្ឋបាលរាជធានីភ្នំពេញ នៅក្នុងឆ្នាំ២០២៤កន្លងមកនេះ បទល្មើសព្រហ្មទណ្ឌ កើតមាន ៤៧៣លើក /៥៣១លើក ថយចុះ ៥៨លើក ស្មើនឹង -១០.៩២%។ បង្ក្រាបបទល្មើសព្រហ្មទណ្ឌ បាន ៤៣៩ករណី ឃាត់ខ្លួន ៦៥៨នាក់។ បង្ក្រាបបទល្មើសគ្រឿងញៀនបាន ១.៤០៦ករណី ឃាត់ខ្លួន ២.៥៨៣នាក់ (ស្រី ២៣៥ នាក់)។ ទប់ស្កាត់ និងបង្ក្រាបក្មេងទំនើងបាន ៦៩៥ករណី ឃាត់ខ្លួន ១.៤១៥នាក់ (ស្រី ៦១នាក់)។ បង្ក្រាបល្បែងស៊ីសងខុសច្បាប់គ្រប់ប្រភេទបានចំនួន ៧៤ករណី ឃាត់ខ្លួន ៣៨០នាក់ (ស្រី ៧១នាក់)។

ចំណែកគ្រោះថ្នាក់អគ្គិភ័យ បានកើតមានឡើងចំនួន១៣៦លើក ដោយមូលហេតុ ឆ្លងចរន្តអគ្គិសនី ១០១ លើក, ផ្សាដែកធ្លាក់ផ្កាភ្លើង ៨លើក, ផ្ទុះហ្គាស ១លើក, ធ្វេសប្រហែសភ្លើង ៩លើក, មនុស្សដុត ៧លើក, ធ្លាយធុងហ្គាស ២លើក, ឆេះឡចំហុយ ១លើក, ផ្ទុះឡចំហាយទឹក ១លើក, និងកំពុងស្រាវជ្រាវ ៦លើក៕

អត្ថបទ៖ ស្រីរ័ត្ន