សន្តិសុខសង្គម

រលំដើមក្ងោក ១ ដើម សង្កត់ម៉ូតូកង់បី និង ម៉ូតូ ១ គ្រឿង របួសមនុស្ស ២ នាក់

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ២៦ មិថុនា ២០២៥

ដោយ

ដើមក្ងោក ១ ដើម បានរលំសង្កត់ពីលើកង់បីឥណ្ឌា ១ គ្រឿង រងការខូចខាត ហើយមែកដើមក្ងោក ក៏ទៅទាក់ដៃចង្កូតម៉ូតូម្តាយកូន ២ នាក់ ដួល រងរបួសស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៣ រសៀល ថ្ងៃទី ២៦ ខែមិថុនា ឆ្នាំ ២០២៥ នៅចំណុចក្បែរមន្ទីរពេទ្យព្រះកុសុមៈ តាមបណ្ដោយផ្លូវលេខ ២៧១ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុ មេឃក្តៅ មិនមានខ្យល់នោះទេ ខណៈនោះក៏មានម្តាយកូន ២ នាក់ ជិះម៉ូតូ ១ គ្រឿង និង ឃើញកង់បីឥណ្ឌា ១ គ្រឿង បើកឆ្លងកាត់ចំណុចកើតហេតុ។ ស្របពេលនោះ កង់បីឥណ្ឌា ក៏ឈប់ក្បែរដើមក្ងោកដើម្បីរង់ចាំភ្ញៀវ។ ភ្លាមៗ ដើមក្ងោកខាងលើ ក៏បានដួលសង្កត់លើកង់បីឥណ្ឌា ១ កំណាត់ខាងក្រោយ រងការខូចខាត ប៉ុន្តែពេលដួលនោះ មែកដើមក្ងោក ក៏ទៅទាក់ដៃចង្កូតម៉ូតូម្តាយកូន ២ នាក់ ដួល រងរបួសស្រាល។

ក្រោយកើតហេតុ អាជ្ញាធរ បានចុះមកកាត់ដើមក្ងោក ដើម្បីសម្រួលចរាចរណ៍កុំឲ្យកកស្ទះពលរដ្ឋធ្វើដំណើរ។ ចំណែកឯកង់បីឥណ្ឌារងការខូចខាត ត្រូវបានម្ចាស់យកទៅជួសជុលខ្លួនឯង៕

អត្ថបទ ៖ រដ្ឋា