សន្តិសុខសង្គម
អាជ្ញាធរខណ្ឌពោធិ៍សែនជ័យ ចុះវាយកម្ទេចសំណង់មួយកន្លែងដែលសាងសង់រំលោភលើមាត់លូ និងផ្លូវសាធារណៈ
សំណង់របស់ជនជាតិចិនមួយកន្លែងដែលស្ថិតនៅតាមបណ្ដោយផ្លូវបេតុង ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ បានសាងសង់រំលោភលើចំណីផ្លូវសាធារណៈបិទមាត់លូ ត្រូវបានអាជ្ញាធរខណ្ឌ និងសង្កាត់ចុះចាត់វិធានការវាយបេតុងចេញវិញ កាលពីព្រឹកថ្ងៃទី០៣ ខែកញ្ញា ឆ្នាំ២០២៥។
លោក សុទ្ធ សុជាតិ ចៅសង្កាត់រងទី១ នៃរដ្ឋបាលសង្កាត់ចោមចៅទី៣ បានឱ្យដឹងថា កន្លងមកអាជ្ញាធរតែងចុះផ្សព្វផ្សាយ និងណែនាំនូវការសាងសង់សំណង់ផ្សេងៗមកលើចំណីផ្លូវសាធារណៈ ដែលធ្វើប៉ះពាល់ដល់ប្រព័ន្ធលូ ប្រឡាយទឹក ដែលនាំឱ្យបាត់បង់សណ្តាប់ធ្នាប់ រាំងស្ទះដល់លូបង្ហូររំដោះទឹកក្នុងមូលដ្ឋាន។ ចៅសង្កាត់រងទី១ បន្ថែមថា នៅចំណុចអាហារដ្ឋានរបស់ជនជាតិចិននេះ សាងសង់សំណង់បេតុង ជាប្រភេទអាងស្តុកទឹកសម្រាប់ចញ្ចឹមត្រីលើប្រព័ន្ធលូ ចិញ្ចើមផ្លូវ ដែលបង្កឱ្យរាំងស្ទះការងារ កាយ ស្តារប្រព័ន្ធលូ ម្យ៉ាងវិញទៀតប៉ះពាល់សណ្តាប់ធ្នាប់ដងផ្លូវ ទើបអាជ្ញាធរចាត់វិធានការវាយបេតុងចេញវិញ។
ក្នុងនាមអាជ្ញាធរ លោកក៏បានអំពាវនាវដល់ប្រជាពលរដ្ឋ សូមកុំសាងសង់សំណង់ផ្សេងៗ មកលើចំណីផ្លូវសាធារណៈ ដែលនាំឲ្យប៉ះពាល់ដល់សណ្តាប់ធ្នាប់សាធារណៈក្នុងមូលដ្ឋាន៕
អត្ថបទ៖ សុខា
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១៥ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន