កីឡា

លោក គុណ ប៊ុនសាន សិស្សៗហាត់បែបសុខភាពមែន ប៉ុន្តែអត់ទម្រន់ខ្លួនទេសុំធ្ងន់ៗ

បានផុស

៧ ខែ មុន

នៅ

ថ្ងៃចន្ទ ៣ វិច្ឆិកា ២០២៥

ដោយ

លោក គុណ ប៊ុនសាន ថាសិស្សៗដែលហ្វឹកហាត់បែបសុខភាពទាំងនេះគឺមិនចេះទម្រន់ខ្លួនទេបើទោះជាកូនអ្នកមានជីវភាពធូរធា និងមិនធ្លាប់ធ្វើការហត់ក៏ដោយតែសុំគ្រូហ្វឹកហាត់បែបធ្ងន់ៗដូចគេឯង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពសិស្សហ្វឹកហាត់បែបសុខភាព

គ្រូបង្វឹកបាល់ទះបែបសុខភាពលោក គុណ ប៊ុនសាន បានឲ្យដឹងថា លោកពិតជាសរសើរភាពក្លាហាន និងការតស៊ូរបស់សិសៗទាំងស្រីទាំងប្រុសណាស់បច្ចុប្បន្ននេះណាស់។ ដូចបានឃើញស្រាប់ហើយគឺលំហាត់ធ្ងន់ៗលំបាក មានដួល មានលោត មានបាល់ត្រូវមុខ និងហត់យ៉ាងណា ប៉ុន្តែសិស្សៗមិនត្អូញត្អែរ ឬចង់ឈប់នោះឡើយ។

ទិដ្ឋភាពសិស្សហ្វឹកហាត់បែបសុខភាព

គ្រូបង្វឹករូបនេះបន្តទៀតថា ធ្លាប់សាកសួរសិស្សផ្ទាល់ដែរថា លំបាក់ពេក ឬធ្ងន់ពេកទេគ្រូបន្ថយលំហាត់ខ្លះៗ ប៉ុន្តែសាមីខ្លួនថាមិនថ្វីនោះឡើយ និងសុំបន្តដាក់លំហាត់ហាត់ធ្ងន់ៗដូចមុនទៅសប្បាយផង និងឆាប់ចេះផងដែរ។

អតីតលីប្រូរបស់ វិសាខា រូបនេះបន្តទៀតថា លោកសង្កេតឃើញសិស្សៗដែលហ្វឹកហាត់នេះគឺមានសុខភាពល្អប្លែកជាងមុនពេលចូលហ្វឹកហាត់។ កាយសម្បទារហ័សរហួន មានកម្លាំង និងចេះតស៊ូប្រឈមការលំបាកនានាដែលពីមុនមិនសូវហ៊ាន ខ្លាចគេ និងមិនសូវមានការប្រាស្រ័យទាក់ទងជាមួយមនុស្សជុំវិញខ្លួនទៀត។

ទិដ្ឋភាពសិស្សហ្វឹកហាត់បែបសុខភាព

ដូច្នេះការហ្វឹកហាត់បាល់ទះនេះគឹជួយបានច្រើនដល់យុវជនដែលកំពុងហ្វឹកហាត់នៅពេលនេះទាំងសុខភាពប្រាជ្ញាស្មារតី និងការកាត់បន្ថយពេលទំនេរដែលលេងទូរសព្ទឥតប្រយោជន៍ជាដើម។

បញ្ជាក់ដែរថា លោក គុណ ប៊ុនសាន ជាគ្រូបង្វឹកបាល់ទះផ្នែកនារីមួយរូបនៅក្លឹបបាល់ទះស្នងការរាជធានីភ្នំពេញនាពេលបច្ចុប្បន្ននេះ។ ក្រៅតែពីបង្ហាត់ក្រុមនារីរបស់ស្នងការហើយនោះលោកក៏បង្ហាត់បាល់ទះបែបសុខភាពនៅទីនោះផងដែររៀងរាល់ចុងសប្ដាហ៍។ អ្នកចង់ហ្វឹកហាត់បែបសុខភាពក៏អាចទាក់ទង់ទៅលោកបានដូចគ្នាតាមរយៈទូរសព្ទ ឬតេឡេក្រាមនេះ 010 222 575 ៕