កីឡា

សហព័ន្ធកីឡាវាយកូនឃ្លីលើតុ ការរីកចម្រើនទៅមុខមិនមែនមានតែការប្ដេជ្ញាចិត្តរបស់ប្រធានតែម្នាក់ឯងនោះទេ

បានផុស

៤ ខែ មុន

នៅ

ថ្ងៃព្រហស្បតិ៍ ២៩ មករា ២០២៦

ដោយ

ប្រធានសហព័ន្ធកីឡាវាយកូនឃ្លីលើតុ ថានៅអាណត្តិថ្មីទី៨ ឆ្នាំ២០២៥ ដល់ ២០២៩ នេះលោកប្ដេជ្ញានឹងបន្តខំប្រឹងប្រែងដឹកនាំកីឡាមួយនេះឲ្យមានការអភិវឌ្ឍន៍ និងមានភាពរីកចម្រើនស្របពេលគ្រប់ភាគីទាំងអស់ក៏ត្រូវសហការគាំទ្រដូចគ្នាដើម្បីបានសម្រេចនូវផែនការយុទ្ធសាស្ត្រផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គៀត ច័ន្ទថារិទ្ធ

លោក គៀត ច័ន្ទថារិទ្ធ បានលើកឡើងថា អរគុណចំពោះការទុកចិត្តរបស់គណៈកម្មការប្រតិបត្តិ សមាជិក ទាំងអស់ដែលបានបន្តគាំទ្រឲ្យរូបលោកធ្វើជាប្រធានសហព័ន្ធនូវអាណត្តិថ្មីនេះបន្តទៀត។ ការទុកចិត្តនេះថាជាសំណាងក៏បានថាជាបន្ទុកក៏បាន ព្រោះជាការទំនួលខុសត្រូវបន្តរយៈពេល ៥ឆ្នាំទៅមុខទៀតហើយ ស្របពេលលោកបានសុំឈប់ដោយផ្ដល់ឱកាសដល់ថ្នាក់ដឹកនាំក្មេងៗជាអ្នកបន្តទៀតប៉ុន្តែមានការស្នើសុំឲ្យនៅជួយដឹកនាំដដែល។

ទិដ្ឋភាពមហាសន្និបាត

ក្នុងនាមប្រធានសហព័ន្ធអាណត្តិទី៨ នេះលោកប្ដេជ្ញានឹងខំប្រឹងប្រែងដឹកនាំកីឡាមួយនេះឲ្យមានការអភិវឌ្ឍន៍ និងរីកចម្រើនពិសេសលើការបណ្ដុះធនធានកីឡាករ កីឡាការិនីក្មេងៗថ្មីៗបន្ថែមទៀត។ យ៉ាងណាការប្ដេជ្ញាចិត្តរបស់លោកតែម្នាក់ឯកក៏ពិបាកដែរទាល់តែមានការសហការគាំទ្រពីគ្រប់ភាគីពាក់ព័ន្ធទាំងអស់រាប់តាំងពីថវិកាជាដើមទើបមានការរីកចម្រើនទៅរួច។ រយៈពេល ៥ឆ្នាំតទៅមុខនេះសហព័ន្ធត្រូវបង្កើតផែនការយុទ្ធសាស្ត្រប្រចាំឆ្នាំ និងផែនការអនុវត្តន៍ទៅតាមឆ្នាំនិមួយៗ។

ទិដ្ឋភាពមហាសន្និបាត

ជាមួយគ្នានោះដែរប្រធានសហព័ន្ធ បានថែ្លងអំណរគុណដល់បណ្ដាក្លឹបទាំងអស់ដែលបានចូលរួមពង្រីកផ្សព្វផ្សាយ និងអភិវឌ្ឍន៍ធនធានថ្មីៗតាមរយៈការបង្កើតឲ្យមានជាទីកន្លែងហ្វឹកហាត់ជាដើម។ ដូច្នេះគ្រប់ភាគីពាក់ព័ន្ធទាំងអស់ត្រូវរួមគ្នាបន្តជំរុញអភិវឌ្ឍន៍កីឡាវាយកូនឃ្លីលើតុនេះឲ្យកាន់តែមានការគាំទ្រ និងសំបូរធនធានច្រើនបន្ថែមទៀត។

ទិដ្ឋភាពមហាសន្និបាត

បញ្ជាក់ដែរថា សហព័ន្ធកីឡាវាយកូនឃ្លីលើតុបានធ្វើមហាសន្និបាតបញ្ចប់អាណត្តិទី៧ និងលើកទិសដៅការងារអាណត្តិទី៨ ឆ្នាំ២០២៥ ដល់ ឆ្នាំ២០២៩។ លោក គៀត ច័ន្ទថារិទ្ធ បន្តជាប់ជាប្រធានសហព័ន្ធ លោក សុខ វាសនា អនុប្រធានទី១ លោក យិត ភីរៈ អនុប្រធានទី២ លោក ហេង សុខជាតិ អគ្គលេខាធិការ លោក ព្រុំ ឌុចបូរ៉ានឿន អគ្គហេរញ្ញិក។ មហាសន្និបាតបញ្ចប់អាណត្តិនេះបានធ្វើឡើងកាលពីថ្ងៃទី២៨ ខែមករា ឆ្នាំ២០២៩ នៅ NOCC៕

អត្ថបទដោយ៖ នួន ស៊ីណា

Related Topics:កីឡាវាយកូនឃ្លីលើតុ

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា