កីឡា

សហព័ន្ធកីឡាវាយកូនឃ្លីតុ ប្រមូលផ្ដុំហ្វឹកហាត់ទាំងឈុតធំ និងថ្នាលសរុប ១៤នាក់ត្រៀមស៊ីហ្គេមនៅថៃ

បានផុស

១ ខែ មុន

នៅ

ថ្ងៃសុក្រ ១៦ ឧសភា ២០២៥

ដោយ

សហព័ន្ធកីឡាវាយកូនឃ្លីលើតុ សម្រាប់ឆ្នាំនេះគោលការណ៍ពីក្រសួងអប់រំ បានអនុញ្ញាតឲ្យប្រមូលផ្ដុំក្រុមជម្រើសជាតិទាំងឈុតធំ និងថ្នាលសរុប ១៤នាក់ត្រៀមការប្រកួតនៅពេលខាងមុខពិសេសនោះក្នុងព្រឹត្តិការណ៍កីឡាស៊ីហ្គេម លើកទី៣៣ ឯប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង សុខជាតិ

លោក ហេង សុខជាតិ អគ្គលេខាធិការរងសហព័ន្ធវាយកូនឃ្លីលើតុ បានឲ្យដឹងថា ការប្រមូលផ្ដុំក្រុមជម្រើសជាតិឆ្នាំនេះគឺឈុតធំមាន ១០នាក់ កីឡាករ ៦ កីឡាការិនី ៤។ ចំណែកឈុតថ្នាលវិញមានចំនួន ៤រូបផងដែរដែលកំពុងហ្វឹកហាត់នាពេលបច្ចុប្បន្ននេះ។

រូបភាពផេកសហព័ន្ធ

ចំពោះការហ្វឹកហាត់ត្រៀមសម្រាប់ស៊ីហ្គេមខែធ្នូឆ្នាំនេះមានកីឡាករ ៥រូប និងកីឡាការិនី ៣រូប កំពុងហាត់ក្នុងសាលសហព័ន្ធឯពហុកីឡដ្ឋានជាតិជារៀងរាល់ថ្ងៃ។ ដោយឡែកកីឡាករ ១រូប និងកីឡាការិនី ១រូបទៀតកំពុងហ្វឹកហាត់នៅឯសហរដ្ឋអាមេរិក។

ទិដ្ឋភាពប្រធានសហព័ន្ធកំពុងប្រកួតសុខភាព

សហព័ន្ធគ្រោងនឹងបញ្ជូនកីឡាករ កីឡាការិនី ទៅហ្វឹកហាត់រយៈពេលខ្លីនៅប្រទេសជិតខាងផងដែរ និងរង់ចាំមើលពីគណៈកម្មាធិការជាតិអូឡាំពិកផង (NOCC) នៅពេលខាងមុខក្រែងចុះ MOU ជាមួយភាគីចិនក្នុងការបញ្ជូនទៅហ្វឹកហាត់នៅទីនោះ ឬយ៉ាងណា។

បញ្ជាក់ដែរថា នៅខែធ្នូ ឆ្នាំ២០២៥ នេះព្រឹត្តិការណ៍កីឡាអាស៊ីអាគ្នេយ៍ (Sea Games) លើកទី៣៣ នឹងធ្វើឡើងនៅឯប្រទេសថៃ។ កីឡាវាយកូនឃ្លីលើតុក៏នឹងត្រូវបញ្ជូនទៅចូលរួមប្រកួតប្រជែងមេដាយក្នុងព្រឹត្តិការណ៍នេះផងដែរ៕