កីឡា

វ័យត្រឹម ៩ឆ្នាំ ឡាំគីមណា ស៊ីសុរក្សា ដាក់ក្ដីស្រមៃចង់ជាប់ជម្រើសជាតិនៅថ្ងៃអនាគត

បានផុស

៦ ខែ មុន

នៅ

ថ្ងៃសុក្រ ២ មករា ២០២៦

ដោយ

កុមារា ឡាំគីមណា ស៊ីសុរក្សា វ័យត្រឹម ៩ឆ្នាំប៉ុណ្ណោះ តែដាក់ក្ដីស្រមៃនៅថ្ងៃអនាគតចង់ជាប់ជាកីឡាករជម្រើសជាតិកីឡាវាយកូនឃ្លីលើតុ (ប៉េងប៉ុង) និងចង់ចេញទៅប្រកួតនៅឯក្រៅប្រទេសដូចរៀមច្បងផ្សេងៗដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារា ឡាំគីមណា ស៊ីសុរក្សា

កុមារា ឡាំគីមណា ស៊ីសុរក្សា បានឲ្យដឹងថា រូបគេហ្វឹកហាត់កីឡាវាយកូនឃ្លីលើតុ (ប៉េងប៉ុង) នេះរយៈពេលប្រហែល ៣ឆ្នាំមកហើយ។ សមត្ថភាពក៏មិនទាន់ល្អអ្វីនោះឡើយ ពោលត្រូវហ្វឹកហាត់បំពេញបន្ថែមជាច្រើនចំណុចទៀត។

កុមារាវ័យ ៩ឆ្នាំរូបនេះបន្ថែមទៀតថា រូបគេមានក្ដីស្រមៃនៅថ្ងៃអនាគតចង់ជាប់ជាកីឡាករជម្រើសជាតិកម្ពុជាដូចបងៗរបស់ខ្លួនដែរ និងចង់មានឱកាសចេញទៅប្រកួតនៅឯក្រៅប្រទេសផង និងចង់ប្រកួតដណ្ដើមមេដាយជូនប្រទេសជាតិផង។

កុមារា ឡាំគីមណា ស៊ីសុរក្សា មិត្តរួមក្រុម

ងាកមកនិយាយពីគុណប្រយោជន៍នៃការហ្វឹកហាត់កីឡាមួយនេះ ស៊ីសុរក្សា លើកឡើងទៀតថាគឺល្អខ្លាំងសម្រាប់សុខភាព ពេលហ្វឹកហាត់បានកម្សាន្តសប្បាយផង និងបានកាត់បន្ថយពេលទំនេរ ឬលេងទូរសព្ទឥតប្រយោជន៍ជាដើម។ បន្ថែមពីនេះបានធ្វើឲ្យខ្លួនមានសុខភាពល្អផងដែរ។

កុមារា ស៊ីសុរក្សា ពេលទទួលមេដាយសំរឹទ្ធ

បញ្ជាក់ដែរថា កុមារា ឡាំគីមណា ស៊ីសុរក្សា បានចូលហ្វឹកហាត់កីឡាវាយកូនឃ្លីលើតុនេះប្រហែល ៣ឆ្នាំមកហើយ និងធ្លាប់ចូលរួមការប្រកួតបាន ៤ដងផងដែរ។ ក្នុងការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ ដែលសហព័ន្ធរៀបចំឡើងនេះគឺរូបគេឈ្នះមេដាយសំរឹទ្ធ ២គ្រឿង៕

អត្ថបទដោយ៖ នួន ស៊ីណា

Related Topics:កីឡាវាយកូនឃ្លីលើតុ