កីឡា

លោក ឈាង សុវណ្ណរតនា លើកពីអត្ថប្រយោជន៍ផ្ទាល់របស់លោកដែលបានហាត់ការ៉ាតេ ២០ឆ្នាំមកនេះ

បានផុស

៤ ខែ មុន

នៅ

ថ្ងៃពុធ ៤ កុម្ភៈ ២០២៦

ដោយ

លោក ឈាង សុវណ្ណរតនា ថាកីឡាការ៉ាតេនេះគឺបានផ្ដល់អត្ថប្រយោជន៍ច្រើនចំពោះលោកដែលហ្វឹកហាត់រយៈពេលប្រហែល ២០ឆ្នាំមកនេះ ដូចជាមានសុខភាពមាំមួន ធ្វើឲ្យមានវិន័យទាំងក្នុងកីឡា និងការងារខាងក្រៅ ពិសេសអាចការពារខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពហ្វឹកហាត់របស់ក្លឹបហនុមាន

ប្រធានក្លឹបការ៉ាតេហនុមាន លោក ឈាង សុវណ្ណរតនា បានឲ្យដឹងថា បើនិយាយពីការហ្វឹកហាត់វិញគឺមានរយៈពេលប្រហែល ២០ឆ្នាំមកហើយ និងនៅតែបន្តហ្វឹកហាត់រាល់ថ្ងៃនេះ។ តាមបទពិសោធ និងការយល់ឃើញរបស់លោកក្នុងនាមជាអ្នកហ្វឹកហាត់ការ៉ាតេមួយរូប កីឡាមួយនេះបានផ្តល់អត្ថប្រយោជន៍ច្រើនដូចជាធ្វើឲ្យលោកមានសុខភាពមាំមួន រាងកាយរហ័សរហួន និងមានស្មារតីរឹងពឹងល្អ។ លើសពីនេះការ៉ាតេ បានធ្វើឲ្យអ្នកហ្វឹកហាត់មានវិន័យល្អមិនថាក្នុងកីឡានោះទេ ពោលនៅសង្គមការងារខាងក្រៅក៏ដូចគ្នាដែរ។

លោក ឈាង សុវណ្ណរតនា កំពុងមើលសិស្សហ្វឹកហាត់

ម្ចាស់ខ្សែក្រវាត់ខ្មៅ ៤ដានរូបនេះបន្ថែមទៀតថា ចំពោះលោកជាកងកម្លាំងដូចនេះការហ្វឹកហាត់ការ៉ាតេ ឬការចេះក្បាច់គុនណាមួយច្បាស់លាស់គឺជារឿងចំបាច់បំផុត ព្រោះដូចដឹងស្រាប់ហើយថាការងារមួយនេះត្រូវប្រឈមគ្រប់ពេលវេលាដោយមិនអាចដឹង។ ដូច្នេះការចេះក្បាច់គុនគឺនឹងជួយសម្រួលមួយផ្នែកក្នុងការបំពេញការងារផងដែរ។

ទិដ្ឋភាពហ្វឹកហាត់របស់ក្លឹបហនុមាន

បញ្ជាក់ដែរថា លោក ឈាង សុវណ្ណរតនា អតីតអ្នកហ្វឹកហាត់កីឡាការ៉ាតេរយៈពេលប្រហែល ២០ឆ្នាំមកហើយ។ លោកមានកម្រិតខ្សែក្រវាត់ខ្មៅ ៤ដាន និងជាម្ចាស់ក្លឹបការ៉ាតេហនុមាន ដែលបានបង្កើត និងបណ្ដុះធនធានជាច្រើននាក់មកហើយ។ ក្លឹបរបស់លោកក៏នឹងចូលរួមប្រកួតប្រជែងមេដាយផងដែរក្នុងព្រឹត្តិការណ៍ជ្រើសរើសជើងឯកថ្នាក់ជាតិ ដែលនឹងធ្វើចាប់ពីថ្ងៃទី៤ ដល់ ៨ ខែកុម្ភៈ ឆ្នាំ២០២៦ នេះ៕

លោក ឈាង សុវណ្ណរតនា សំណេះសំណាលជាមួយសិស្សគុន

មេដាយរបស់ក្លឹបឈ្នះកន្លងមក

ក្លឹបការ៉ាតេហនុមាន

អត្ថបទដោយ៖ នួន ស៊ីណា

Related Topics:កីឡាការ៉ាតេ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា