កីឡា

ប្រធានក្លឹបការ៉ាតេហនុមាន ចាញ់ជាបទពិសោធ ប៉ុន្តែកុំយកពិសោធនេះមកច្រើនឆ្នាំពេកពិសេសជើងឯកថ្នាក់ជាតិឆ្នាំនេះ

បានផុស

៥ ខែ មុន

នៅ

ថ្ងៃសុក្រ ៣០ មករា ២០២៦

ដោយ

ប្រធានក្លឹបការ៉ាតេហនុមាន លោក ឈាង សុវណ្ណរតនា ថាក្នុងការប្រកួតជ្រើសរើសជើងឯកថ្នាក់ជាតិឆ្នាំនេះសូមសិស្សគុនទាំងអស់ត្រូវខំប្រឹងប្រកួតឲ្យខ្លាំងអស់ពីសមត្ថភាពដើម្បីប្រជែងយកចំណាត់ថ្នាក់ល្អ និងយកកុំយកបទពិសោធ នៃការចាញ់នោះមកច្រើនពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឈាង សុវណ្ណរតនា

លោក ឈាង សុវណ្ណរតនា ដែលជាប្រធានក្លឹបការ៉ាតេហនុមាន បានជួបសំណេះសំណាល លើកទឹកចិត្តដល់សិស្សគុន និងផ្ដល់សម្ភារហ្វឹកហាត់ សម្ភារសម្រាប់ចូលរួមការប្រកួតជ្រើសរើសជើងឯកថ្នាក់ជាតិ ប្រចាំឆ្នាំ២០២៥ នៅឆាប់ៗខាងមុខនេះ។

ប្រធានក្លឹបរូបនេះ បានពន្យល់ និងលើកទឹកចិត្តកីឡាករ កីឡាការិនីដែលនឹងត្រូវចូលរួមប្រកួតទាំងអស់ឲ្យខំប្រឹងប្រកួតឲ្យអស់ពីសមត្ថភាពប្រជែងយកមេដាយ និងដណ្ដើមចំណាត់ថ្នាក់ឲ្យបានយ៉ាងហោចលេខ២ នៅក្នុងឆ្នាំនេះ។ ការចាញ់ទទួលបានបទពិសោធនេះវាមានច្រើនឆ្នាំមកហើយ ដូច្នេះសម្រាប់ឆ្នាំនេះកុំយកបទពិសោធបែបនេះច្រើនពេក។

ទិដ្ឋភាពសំណេះសំណាល

អតីតកីឡាករការ៉ាតេជើងចាស់រូបនេះបន្ថែមទៀតថា ទីកន្លែងហ្វឹកហាត់សមរម្យ មានគ្រូបង្ហាត់ល្អ មានសម្ភារគ្រប់គ្រាន់ និងការលើកទឹកចិត្តគ្រប់បែបយ៉ាង ក្លឹបហនុមានបានផ្ដល់ឲ្យកីឡាករ កីឡាការិនីដូចបានឃើញស្រាប់ ដូច្នេះសុំតែម្យ៉ាងប៉ុណ្ណោះគឺខំប្រឹងហាត់ និងដណ្ដើមយកជយលាភីជូនក្លឹបវិញតែប៉ុណ្ណោះ។

ទិដ្ឋភាពសំណេះសំណាល

បញ្ជាក់ដែរ សហព័ន្ធកីឡាការ៉ាតេកម្ពុជា នឹងរៀបចំការប្រកួតជ្រើសរើសជើងឯកថ្នាក់ជាតិរបស់ខ្លួនរយៈពេល ៥ថ្ងៃចាប់ពីថ្ងៃទី៤ ដល់ ៨ ខែកុម្ភៈ ឆ្នាំ២០២៦ នៅក្នុងសកលវិទ្យាល័យភូមិន្ទភ្នំពេញ។ ក្លឹបការ៉ាតេហនុមាន នឹងចូលរួមប្រកួតប្រជែងមេដាយផងដែរ។ ក្លឹបការ៉ាតេហនុមាន ដែលដឹកនាំដោយលោក ឈាង សុវណ្ណរតនា ជាក្លឹបធំមួយ និងសំបូរធនធានល្អៗ និងជាក្លឹបមានសក្ដានុពលមួយនៅកម្ពុជា៕