កីឡា
ពានរង្វាន់បាល់ទះតេជោលីគ លើកទី៣ បន្ថែមទាំងលក្ខខណ្ឌថ្មី និងបន្ថែមទាំងប្រាក់រង្វាន់
សហព័ន្ធកីឡាបាល់ទះកម្ពុជា ប្រកាសដំណើរការប្រកួតពានរង្វាន់តេជោលីគ រដូវកាលទី៣ ឆ្នាំ២០២៦ នេះហើយ ខណៈឆ្នាំថ្មីនេះបន្ថែមទាំងលក្ខខណ្ឌក្នុងការដោះដូរកីឡាករ និងបន្ថែមទាំងប្រាក់រង្វាន់ដល់ក្រុមជាប់លេខ១ នៅជុំទី១ និងជុំទី២ ។
ពានរង្វាន់តេជោលីគ
លោក អាំង សិរីពិសិដ្ឋ អគ្គលេខាធិការសហព័ន្ធបានឲ្យដឹងថា ដោយសារបញ្ហាសង្គ្រាមជាមួយសៀមបានធ្វើឲ្យការប្រកួតពានរង្វាន់តេជោលីគ រដូវកាលទី៣ នេះលើកពេលរហូតមកធ្វើនៅពាក់កណ្ដាលខែឧសភា ឆ្នាំ២០២៦ វិញ។ ការប្រកួតនៅឆ្នាំនេះមានបន្ថែមនូវលក្ខខណ្ឌថ្មីមួយគឺនៅពេលបញ្ចប់ការប្រកួតជុំទី១ អំឡុងពេលសម្រាកជិត ២សប្ដាហ៍នោះក្រុមនិមួយៗអាចទិញកីឡាករដើម្បីដោះដូរក្រុមឡើងវិញបានទាំងខ្មែរ និងបរទេសសរុប ៦នាក់។ ដូច្នេះក្លឹបណាដែលមានកីឡាកររបួស ឬលេងមិនសូវស៊ីសង្វាក់គ្នាអាចមានឱកាសកែសម្រួលឡើងវិញបាន។
លោក អាំង សិរីពិសិដ្ឋ
ចំពោះប្រាក់រង្វាន់នៅឆ្នាំនេះក៏មានការកើនឡើងផងដែរ ពោលក្រុមដែលជាប់ចំណាត់ថ្នាក់លេខ១ នៅបញ្ចប់វគ្គទី១ គឺនឹងទទួលបានប្រាក់លើកទឹកចិត្ត ៤លានរៀលបន្ថែមទៀត។ នៅជុំទី២ ក្រុមដែលជាប់ចំណាត់ថ្នាក់លេខ១ បន្ទាប់ពីបញ្ចប់ការប្រកួតនោះនឹងទទួលបានប្រាក់លើកទឹកចិត្ត ៤លានរៀលបន្ថែមទៀត។ ឆ្នាំនេះផងដែរសហព័ន្ធព្យាយាមធ្វើយ៉ាងណាបន្ថែមប្រាក់រង្វាន់លើកទឹកចិត្តដល់ក្រុមដែលចូលរួមឲ្យទទួលបានច្រើនជាងមុនផងដែរ។ ប្រាក់រង្វាន់ដែលសហព័ន្ធបាល់ទះប្រើប្រាស់នៅក្នុងពានរង្វាន់តេជោលីគ ឆ្នាំ២០២៦ នេះមានរហូតដល់ជាង ១០០លានរៀលឯណោះ។
ទិដ្ឋភាពសន្និសីទសារព័ត៌មាន
បញ្ជាក់ដែរថា នៅព្រឹកថ្ងៃទី១០ ខែឧសភា ឆ្នាំ២០២៦ នេះសហព័ន្ធកីឡាបាល់ទះបានធ្វើសន្និសីទសារព័ត៌មានប្រកាសដំណើរការប្រកួតពានរង្វាន់តេជោលីគ រដូវកាលទី៣ ឆ្នាំ២០២៦ ចាប់ពីថ្ងៃ១៦ ឧសភា នេះតទៅ។ ការប្រកួតនេះមានក្រុមចូលរួមចំនួន ៨គឺ 1. ក្លឹបបាល់ទះបញ្ជាការដ្ឋានអង្គរក្ស 2. សមាគមកីឡាបាល់ទះវិសាខា 3. សមាគមបាល់ទះក្រសួងមហាផ្ទៃ 4. ក្លឹបបាល់ទះស្នងការដ្ឋាន ន.ប ខេត្តស្វាយរៀង 5. ក្លឹបបាល់ទះស្នងការដ្ឋាន ន.ប រាជធានីភ្នំពេញ 6. ក្លឹបបាល់ទះកងពលធំអន្តរាគមន៍លេខ៣ 7. ក្លឹបបាល់ទះស្នងការដ្ឋាន ន.ប ខេត្តកោះកុង 8. ក្លឹបបាល់ទះស្នងការដ្ឋាន ន.ប ខេត្តព្រះសីហនុ។ ការប្រកួតនេះនឹងធ្វើឡើងនៅក្នុងវិមាន នៃពហុកីឡដ្ឋានជាតិ៕
ទិដ្ឋភាពសន្និសីទសារព័ត៌មាន
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ