ជប់លៀង​ពេញ​ប្រទេស ខណៈអង់គ្លេសចារប្រវត្តិសាស្ត្រ​ដំបូង​ដល់​វគ្គ​ផ្តាច់ព្រ័ត្រ Euro
Connect with us
Helistar Cambodia - Helicopter Charter Services

កីឡា

ជប់លៀង​ពេញ​ប្រទេស ខណៈអង់គ្លេសចារប្រវត្តិសាស្ត្រ​ដំបូង​ដល់​វគ្គ​ផ្តាច់ព្រ័ត្រ Euro

បានផុស

នៅ

ក្រុម​បាល់ទាត់​ជម្រើស​ជាតិ​អង់គ្លេសបាន​ចារប្រវត្តិ​សាស្ត្រ​ជា​លើក​ដំបូង​ឡើង​វគ្គ​ផ្តាច់​ព្រ័ត្រ​​ជើងឯក​ទ្វីប​អឺរ៉ុប​ក្នុង​រយៈ​ពេល​៥៥​ឆ្នាំ​ចុង​ក្រោយ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផល​នៅ​វគ្គ​ពាក់​កណ្តាល​ផ្តាច់​ព្រ័ត្រ ២-១ លើ​ក្រុម​ជម្រើស​ជាតិ​ដាណឺម៉ាក​បាន​​ផ្តល់​ឲ្យ​អង់គ្លេស​បញ្ចប់​ការ​ទន្ទឹង​រង់​ចាំ​អស់​រយៈ​ពេល​​យ៉ាង​យូរ​ដើម្បី​ឈាន​​​ឡើង​ទៅ​​ដល់​វគ្គ​ផ្តាច់​ព្រ័ត្រ​ជើង​ឯក​ទ្វីប​អឺរ៉ុប EURO 2020 ដែល​រក​គ្រាប់​បាល់​បាន​ដោយ​ចូល​ទី​ខ្លួន​ឯង​របស់​ខ្សែ​ការពារ​ដាណឺម៉ាក់ Simon Kjaer នៅ​នាទីទី​៣៩ និង​គ្រាប់​បាល់​ជ័យជម្នះ​នៅ​នាទីទី​១០៤ របស់ ខ្សែ​ប្រយុទ្ធ​ឆ្នើម Harry Kane បន្ទាប់​ពី​ដាណឺម៉ាក​នាំ​មុខ ១-០ ​ដោយ​ការ​ទាត់​ហ្វ្រីឃីក​យ៉ាង​ស្អាត​របស់ Mikkel Damsgaard។

ការ​ប្រកួត​នៅ​ចំពោះ​មុខ​អ្នក​គាំទ្រ​រាប់​ម៉ឺន​នាក់​នៅ​កីឡដ្ឋាន Wembley ប្រទេសអង់គ្លេស ពិត​ជា​តឹង​តែង​ខ្លាំង​មែន​ទែន​នៅ​ពេល​ក្រុម​ជម្រើស​ជាតិ​ដាណឺម៉ាក​មាន​របាំង​ការពារ​ដ៏​រឹង​មាំ​ដែល​ធ្វើ​ឲ្យ​អង់គ្លេស​ពិបាក​បោះ​បាល់​ចូល​តំបន់​គ្រោះ​ថ្នាក់។

យ៉ាង​ណានៅ​នាទី​​​​ទី​៣០ ដាណឺម៉ាក​​ទទួល​បាន​បាល់ពិន័យ​ហ្វ្រីឃីក ហើយ​ខ្សែ​បម្រើ​ឆ្នើម​ Mikkel Damsgaard ទាត់​ផុត​ដៃ​អ្នក​ចាំ​ទី​ Pickford ទម្លាយ​សំណាញ់​ទី​យ៉ាង​ស្អាត​ដើម្បី​បើក​ការ​នាំ​មុខ ១-០។ បន្ទាប់​ពី​ដៃគូ​នាំ​មុខ អង់គ្លេស​ចាប់​ផ្តើម​វាយ​សម្រុក​ខ្លាំង​ភ្លាម​ៗ​និង​ទទួល​បាន​ឱកាស​ស៊ុត​នៅ​មុខ​ទី​​ដោយ​ Raheem Sterling ប៉ុន្តែ​ត្រូវ​បាន​អ្នក​ចាំទី​ដាណឺម៉ាក Schmeichel ជួយ​សង្គ្រោះ​បាន។

ប៉ុន្មាន​នាទី​ក្រោយ​មក អង់គ្លេស​បោះ​បាល់​ចូល​តំបន់​គ្រោះ​ថ្នាក់​ ហើយ​ខ្សែ​ម្រើ Bukayo Saka បញ្ជូន​បាល់​ទៅ​ឲ្យ Sterling ប៉ុន្តែ​ត្រូវ​បាន​ខ្សែ​ការពារ Simon Kjaer យក​ជើង​រារាំង​ក៏​ភ្លាត់​ចូល​ទី​ខ្លួន​ឯង​ដែល​ធ្វើ​ឲ្យ​អង់គ្លេស​តាម​ស្មើ ១-១។

គ្រាប់​បាល់ ​១-១ បាន​រក្សា​រហូត​ដល់​ចប់​៩០​នាទី បើ​ទោះ​ជា​អង់គ្លេស​បាន​ព្យាយាម​ដាក់​សម្ពាធ​ខ្លាំង​ក៏​ដោយ ខណៈ​ដាណឺម៉ាកបង្ហាញ​ពី​ទម្រង់​ការពារ​យ៉ាង​រឹងមាំ។ ក្រោយ​ស្មើ​គ្នា​តម្រូវ​ឲ្យ​បន្ថែម​១៥​នាទី​ពីរដង​ ហើយ​អង់គ្លេសកាន់​តែ​សម្រុក​ខ្លាំង ជា​ពិសេស Sterling អូស​បាល់​ចូល​ប្រអប់​គ្រោះ​ថ្នាក់​ជា​បន្ត​បន្ទាប់​​ដែល​ធ្វើ​ឲ្យ​ខ្សែ​ការពារ​ដាណឺម៉ាក​បង្ក​កំហុស​ត្រូវ​អាជ្ញាកណ្តាលផ្តល់​បាល់​ពិន័យ​១១​ម៉ែត្រ​ដល់​អង់គ្លេស។

ភារកិច្ច​ស៊ុត​ប៉េណាល់ទី​គឺ​ប្រធាន Harry Kane ប៉ុន្តែ​អ្នក​ចាំទី​ Schmeichel ជួយ​សង្គ្រោះ​បាន​ដោយ​ទះ​បាល់​ចេញ​ ប៉ុន្តែ​បាល់​មិន​ឃ្លាត​នៅ​ណា​ឆ្ងាយ​ឡើយ​ដោយ​ធ្លាក់​នៅ​មុខ​ទី​ ហើយ Harry Kane បន្ថែម​ចូល​ទី​បាន​សម្រេច​ដើម្បី​នាំ​មុខ ២-១ នៅ​នាទី​១០៤។ លទ្ធផល​នេះ​រក្សា​រហូត​ដល់​ចប់​ការ​ប្រកួត។

ទី​បំផុត តោកំណាច​អង់គ្លេសសុបិន​តាំង​ពី​ឆ្នាំ១៩៦៦​បាន​​ក្លាយ​ជា​ការ​ពិត​ដោយ​ត្រូវ​ជួប​ជម្រើស​ជាតិ​អ៉ីតាលី​នៅ​វគ្គ​ផ្តាច់​ព្រ័ត្រ​នៅលើ​ទឹក​ដី​របស់​ខ្លួន។ ចាំ​មើល​ថា​តើ​អង់គ្លេស ឬ​អ៉ីតាលី​ជា​អធិរាជ​សមរភូមិ​វាល​ស្មៅ​ទ្វីបអឺរ៉ុប​ឆ្នាំ​២០២០៕

លោក​នាយក​រដ្ឋ​មន្ត្រី​អង់គ្លេស​មើលតាម​ទូរទស្សន៍

អត្ថបទ៖ វីរបុត្រ
ប្រភពរូប៖ Dailymail

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ជនជាតិ​ថៃ​ម្នាក់ ​វេរ​លុយ​ជាមួយ​ម្ចាស់​ហាង​បុរី KTH ៦៥១.០០០​បាត ហើយ​រត់​គេច​ ត្រូវ​សមត្ថកិច្ច​ឃាត់​ខ្លួន​

ព័ត៌មានជាតិ៣ ម៉ោង មុន

ផ្ទុះ​កំប៉ុង​ហ្គាស​បង្ក​ឲ្យ​ឆេះ​ផ្ទះ​មួយ​ខ្នង​ នៅ​សង្កាត់​ក្បាលកោះ​

ព័ត៌មានជាតិ៥ ម៉ោង មុន

រដ​បាល​ខេត្ត​បញ្ជា​ឲ្យ​បិទ​ផ្សារ រលួស​បន្ទាប់ពី​ផ្ទុះ​ជំងឺ​កូ​វីដ១៩ខ្លាំង

ព័ត៌មានជាតិ៥ ម៉ោង មុន

ម្ចាស់​សំណង់​ស្ថានីយ​ប្រេង​ឥន្ធនៈ​TOTAL បាន​លើក​ឡើង​ថា សំណង់​របស់​លោក​មានច្បាប់​និង​មិន​រំលោភ​យក​ដី​រដ្ឋ​នោះ​ទេ

ព័ត៌មានជាតិ៦ ម៉ោង មុន

ខេត្តស្វាយរៀង បើក​យុទ្ធនា​ការ​ចាក់​វ៉ា​ក់​សាំ​បង្ការ​ជំងឺ​កូ​វីដ​១៩ សម្រាប់​កុមារ​ចាប់ពី​អាយុ​០៦​ឆ្នាំ ដល់​ក្រោម​១២​ឆ្នាំ

Sokha Hotels

ព័ត៌មានពេញនិយម

Helistar Cambodia - Helicopter Charter Services