Connect with us

កីឡា

កីឡាករ​កូនកាត់​ខ្មែរ​អាមេរិក១​រូប​ កំពុង​ត្រូវ​បាន​អ្នក​ស្នេហា​វិស័យ​បាល់ទាត់ ចង់ឃើញ​ចូល​ក្រុម​ជម្រើសជាតិ​កម្ពុជា

បានផុស

នៅ

កីឡាករ Nick Taylor ដែល​ថ្មីៗ​នេះ​ត្រូវបាន​និយាយ​ព្រោងព្រាត​ថា​ជា​កីឡាករ ១​រូប​លេង​នៅ​លី​គ​ទី​៣ សហរដ្ឋអាមេរិក ដែលមាន​ឈាមជ័រ​កូនកាត់​ខ្មែរ ខណៈ​រូបគេ​ត្រូវ​បាន​មើលឃើញ​សមត្ថភាព និង​ចង់ឱ្យ​ចូលរួម​ជាមួយ​ក្រុម​ជម្រើសជាតិ​កម្ពុជា​។

​ខ្សែប្រយុទ្ធ Nick Taylor កើត​នៅ​រដ្ឋ​តិច​សាស សហរដ្ឋអាមេរិក មាន​ម្តាយ​ជា​ជនជាតិខ្មែរ និង​ឪពុក​ជនជាតិ​អាមេរិក​។ គេ​មាន​វ័យ​២៣​ឆ្នាំ និង​កំពុង​ប្រកប​អាជីព​ក្នុង​ក្រុម Orlando City B នៃ​លី​គ​លំដាប់​ទី​៣ MSL Next Pro របស់​សហរដ្ឋអាមេរិក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Nick Taylor មាន​កម្ពស់ ១.៧៨​ម៉ែត្រ គឺជា​ថ្នាល​យុវជន​របស់​ក្រុម Dallas Texans, New Mexico Lobos, SMU Mustangs និង UCF Knights មុន​ផ្លាស់​មកកាន់ Orlando City B នៅ​ដើមឆ្នាំ ២០២២៕

បន្ទាប់ពី​ដឹង​ដំណឹង ជាពិសេស​បាន​ឃើញ​វីដេអូ​សមត្ថភាព​របស់​គេ មាន​អ្នកគាំទ្រ​មួយចំនួនធំ បាន​សំណូមពរ​សហព័ន្ធ​កីឡាបាល់ទាត់​កម្ពុជា ឱ្យធ្វើ​ការកោះហៅ​មក​ចូលរួម​ក្រុម​ជម្រើសជាតិ ខណៈ​បច្ចុប្បន្ន​ក៏​កំពុង​ត្រៀម​បេសកកម្ម​ប្រកួត​ជម្រុះ​ពានរង្វាន់​ជើងឯក​ទ្វីបអាស៊ី (AFC Asian Cup) ពីថ្ងៃ​ទី​០៨-១៦ ខែមិថុនា នៅ​ប្រទេស​ឥណ្ឌា ថែម​ទៀតផង​។

លើសពី​នេះទៅ​ទៀត រូបគេ​ក៏ត្រូវ​បានឃើញ​អ្នកចាត់ការ​ក្រុម​ជម្រើសជាតិ លោក ឈូក ពិសិដ្ឋ ដែលជា​អ្នករៀបចំ​កិច្ចការ​នានា​របស់​ក្រុម​ជម្រើសជាតិ​កម្ពុជា គ្រប់​ឈុត ចុច​តាមដាន (Follow) នៅលើ​បណ្ដាញ​ទំនាក់ទំនង​សង្គម Instagram ថែមទៀត ដែល​អាច​បានសេចក្ដីថា​លោក ក៏ដូចជា​ក្រុមការងារ​បាន​ចាប់អារម្មណ៍​លើ​រូបគេ​ផងដែរ ហើយ​អាច​នឹងមាន​ទំនាក់ទំនង​អ្វីមួយ​នៅ​ពីក្រោយ​ក៏​ថា​បាន​។

ប៉ុន្តែ​យ៉ាងណាមិញ គេ​នៅ​រង់​ចាំមើល​ផងដែរ ដ្បិត​ពេលវេលា​នៃ​ការប្រកួត​របស់​ក្រុម​ជម្រើសជាតិ​នាពេលខាងមុខ គឺ​នៅ​សេសសល់​ប្រហែល​ជិត ២​សប្ដាហ៍​៕

អត្ថបទ ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម