កីឡា

បាល់ទះអង្គុយកម្ពុជា ឡើងវគ្គផ្ដាច់ព្រ័ត្រអាស៊ានប៉ារ៉ាហ្គេម ជាលើកទី ២ ក្នុងប្រវត្តិសាស្ត្រ

បានផុស

៥៨ វិនាទី មុន

នៅ

ថ្ងៃអង្គារ ២ សីហា ២០២២

ដោយ

ក្រុមបាល់ទះអង្គុយជម្រើសជាតិកម្ពុជា បានឡើងទៅកាន់វគ្គផ្តាច់ព្រ័ត្រជាលើកទី ២ ជាប្រវត្តិសាស្ត្រក្នុងព្រឹត្តិការណ៍កីឡាអាស៊ានប៉ារ៉ាហ្គេម លើកទី ១១ ឆ្នាំ ២០២២ នៅប្រទេសឥណ្ឌូណេស៊ី ក្រោយយកឈ្នះម្ចាស់ផ្ទះ ៣ សិតទល់ ២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការប្រកួតកម្ពុជា យកឈ្នះម្ចាស់ផ្ទះឥណ្ឌូនេស៊ី ពោលគឺសិតទី ១ កម្ពុជា ចាញ់ ២១-២៥ សិតទី ២ កម្ពុជា បានយកឈ្នះវិញ ២៥-១៥ លុះចូលដល់សិតទី ៣ ឥណ្ឌូណេស៊ី បានវាយបកយកឈ្នះវិញ ២១-២៥ នៅសិតទី ៤ កម្ពុជា ក៏បានត្រលប់មកយកឈ្នះវិញ ២៥-១៣ និងសិតទី ៥ ដែលជាសិតកាត់សេចក្ដី កម្ពុជា ឈ្នះ ១៥-១១។ ចំពោះប្រកួតបន្ទាប់ ក្រុមបាល់ទះអង្គុយជម្រើសជាតិកម្ពុជា នឹងត្រូវជួបជាមួយ ក្រុមបាល់ទះអង្គុយជម្រើសជាតិថៃ នៅថ្ងៃទី ០៤ ខែសីហា ឆ្នាំ ២០២២ នៅវេលាម៉ោង ១១ ថ្ងៃត្រង់។

បញ្ជាក់ថា នេះជាលើកទី ២ ហើយ ដែលក្រុមបាល់ទះអង្គុយជម្រើសជាតិកម្ពុជា បានឡើងដល់វគ្គផ្ដាច់ព្រ័ត្រ ខណៈកាលពីលើកចុងក្រោយនៅអាស៊ានប៉ារ៉ាហ្គេម លើកទី ១០ នៅម៉ាឡេស៊ី កម្ពុជា បានត្រឹមមេដាយប្រាក់ ក្រោយចាញ់មីយ៉ាន់ម៉ា នៅវគ្គផ្ដាច់ព្រ័ត្រ៕

អត្ថបទ៖ មន្នីរ័ត្ន