កីឡា
ស៊ីអូស្ត្រាលី ៤ គ្រាប់ សមាជិកក្រុម U-16 បញ្ជាក់ពីមូលហេតុ
ក្រុមជម្រើសជាតិអាយុក្រោម ១៦ឆ្នាំកម្ពុជា បានយកឈ្នះ អូស្ត្រាលី ដោយលទ្ធល ៤-២ ក្នុងជំនួបទី២ ប្រចាំពូល C នៃពានរង្វាន់បាល់ទាត់យុវជនអាស៊ានអាយុក្រោម១៦ឆ្នាំ (AFF U-16 Boys’s Championship 2022) កាលពីល្ងាចថ្ងៃទី០៥ ខែសីហា ឆ្នាំ២០២២ ម្សិលមិញ។
នេះជ័យជម្នះដែលនឹកស្មានមិនដល់ ហើយក៏ជាលើកដំបូងដែលកម្ពុជា ឈ្នះ អូស្ត្រាលី ក្នុងការប្រកួតកម្រិតយុវជន ខណៈសមាជិក U-16 កម្ពុជា ដែលបានបង្ហាញខ្លួនក្នុងការប្រកួតនេះផងដែរ កីឡាករ ទុំ មករា បានសម្ដែងក្ដីរីករាយ និងប្រាប់ពីមូលហេតុដែលអាចនាំឱ្យយកឈ្នះក្រុមដែលមានកាយសម្បទាធំជាងខ្លួនបែបនេះ។
ទុំ មករា បានប្រាប់ ‘កម្ពុជាថ្មី’ ថា៖ «ខ្ញុំពិតជាសប្បាយចិត្តខ្លាំងណាស់ ពីព្រោះយើងមិនដែលយកជ័យជំនះលើក្រុមអូស្រ្តាលីម្ដងណាឡើយ តែឥឡូវយើងបានយកជ័យជំនះបានហើយ។ កត្តាដែលនាំអោយក្រុមធ្វើបានល្អនោះមកពីមានទំនុកចិត្តរាងៗខ្លួន ចេះសហការគ្នាហើយចេះដាស់ស្មារតីគ្នានៅលើទីលាន»។
«សម្រាប់ខ្ញុំបានប្រមូលអារម្មណ៍យកឈ្នះលើប្រកួតបន្ទាប់ទៀត ពីព្រោះខាងគេក៏មិនខ្សោយដែរ ចឹងហើយខ្ញុំត្រូវត្រៀមចិត្ដត្រៀមកាយអោយបានល្អ»។ មករា និយាយពីការត្រៀមខ្លួនសម្រាប់ប្រកួតចុងក្រោយ។
បញ្ជាក់ថា ជ័យជម្នះ ៤-២ កម្ពុជា ម្សិលមិញនាំឱ្យរកបាន ៣ពិន្ទុឈរលេខ៣ ខណៈប្រកួតបន្ទាប់ត្រូវជួបជាមួយក្រុម U-16 មីយ៉ាន់ម៉ា នៅថ្ងៃទី០៨ ខែសីហា ឆ្នាំ២០២២ ដែលជាប្រកួតកាត់សេចក្ដីរកក្រុមឡើងវគ្គបន្ទាប់៕
អត្ថបទ៖ មន្នីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង