Connect with us

កីឡា

ធ្លាយ​ដំណឹងក្នុងការ​នាំ Messi ​វិល​មក​ក្លិប Barcelona វិញ​​ក្នុងឆ្នាំ ២០២៣

បានផុស

នៅ

ក្លិប Barcelona បានចាប់ផ្តើមការចរចាកិច្ចសន្យាជាមួយវីរបុរសក្លិប Lionel Messi ដោយសង្ឃឹមថា​នឹងត្រលប់​មកក្លិប​វិញនៅឆ្នាំ២០២៣។

ព័ត៌មាននេះត្រូវបានរាយការណ៍ជាលើកដំបូងដោយវិទ្យុ Catalunya នៅល្ងាចថ្ងៃអាទិត្យ​បន្ទាប់​ពី ​Barcelona បានយកឈ្នះលើក្រុម Pumas UNAM ក្នុងលទ្ធផល ៦-០ ក្នុងពានរង្វាន់មិត្តភាព Joan Gamper Trophy។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកម្មវិធីទូរទស្សន៍ El Club de la Mitjanit បានបញ្ជាក់ថាប្រធានក្លិបលោក Joan Laporta បានចាប់ផ្តើមពិភាក្សារួចហើយជាមួយតំណាងរបស់ Messi ដែលដឹកនាំដោយឪពុក និងជាភ្នាក់ងាររបស់គេផងនោះ គឺលោក​Jorge Messi។

ស្របពេលដែលកិច្ចសន្យារបស់ Messi ជាមួយ Paris Saint Germain នឹងផុតកំណត់នៅខែមិថុនា​ឆ្នាំ​ ២០២៣​ បើ​ទោះបីជាយ៉ាងណាក៏ដោយ មានជម្រើសសម្រាប់កីឡាករឈ្នះ Ballon d’Or ៧ សម័យកាលដើម្បីបន្តកុងត្រា​១២​ខែ​ប្រសិន​បើគេចង់។

សេចក្តី​រាយការណ៍ថា Messi អាចត្រូវបានល្បួងឱ្យត្រលប់ទៅ Barcelona និង​ចំណាយពេលប៉ុន្មានឆ្នាំចុងក្រោយនៃអាជីពរបស់ខ្លួននៅក្លិបដែលបានបង្កើតឈ្មោះល្បីល្បាញដល់គេ។

ពាក្យចចាមអារ៉ាមដែលភ្ជាប់ Messi ជាមួយនឹងការវិលត្រឡប់ទៅកាន់ក្លិបនៅតំបន់ Catalan ត្រូវបានបញ្ឆេះមួយផ្នែកដោយការអត្ថាធិប្បាយរបស់ Laporta ដែលបាននិយាយថាគាត់ជំពាក់ “បំណុលសីលធម៌” ដល់ Messi នូវអ្វីដែល​គេ​បានចាកចេញកាលពីរដូវក្តៅមុន។

Laporta និយាយទៅកាន់ CBS Sports ហើយត្រូវបានគេសួរអំពីការផ្លាស់ប្តូររបស់ Messi ទៅ PSG។ លោកបាននិយាយថា៖ «ខ្ញុំបានធ្វើអ្វីដែលខ្ញុំត្រូវធ្វើ ដើម្បីដាក់ស្ថាប័នឱ្យនៅលើកីឡាករល្អបំផុតក្នុងប្រវត្តិសាស្ត្រ។ ខ្ញុំស្គាល់​ Messi​ ​តាំង​ពីនៅក្មេង ខ្ញុំស្រលាញ់ Leo»។

«ខ្ញុំមានអារម្មណ៍ថាជាបំណុលសីលធម៌ចំពោះកីឡាករល្អបំផុតក្នុងប្រវត្តិសាស្ត្រ។ ខ្ញុំនឹងប្រឹងប្រែងឱ្យអស់ពីសមត្ថភាពដើម្បីប្រាកដថា Messi មានការបញ្ចប់អាជីពរបស់ខ្លួនជាមួយ Barcelona ល្អបំផុត។ ខ្ញុំចង់ធ្វើវា។ វានឹងមិនងាយស្រួលទេ ប៉ុន្តែខ្ញុំគិតថាជាមួយនឹងយុទ្ធសាស្ត្រត្រឹមត្រូវ យើងអាចធ្វើវាបាន។ យើងនឹងប្រឹងប្រែងឱ្យអស់ពីសមត្ថភាពដើម្បីឱ្យ Messi បញ្ចប់អាជីពរបស់គេជាមួយ Barcelona។»

Laporta ក៏ត្រូវបានសួរថាតើការចរចានឹងចាប់ផ្តើមភ្លាមៗដែរឬទេ។

លោកបានឆ្លើយថា៖ «នេះជាគំនិតដែលយើងមាន។ ឥឡូវនេះមិនមែនជាពេលវេលាដ៏ល្អបំផុតក្នុងការនិយាយអំពីវានោះទេ ចាប់តាំងពីគាត់ជាកីឡាកររបស់ PSG ហើយគាត់នៅសល់កុងត្រាមួយឆ្នាំទៀត។ យើងត្រូវតែគោរពវា»។

ទន្ទឹមនឹងនេះ Messi មានការចាប់ផ្តើមដ៏ជោគជ័យនា​ដើមរដូវកាលនៃ Ligue 1 ជាមួយក្លិប PSG។ កីឡាករជម្រើស​ជាតិ​អាហ្សង់ទីនរូបនេះ បានបង្ហាញទម្រង់លេងដ៏ល្អ ក្នុងអំឡុងពេលឈ្នះក្លិប Clermont Foot ៥-០ បន្ទាប់ពីបញ្ជូនបាល់បានម្តង និងស៊ុតបញ្ចូលទីបាន ២ គ្រាប់ ដោយគ្រាប់បាល់មួយគ្រាប់របស់គេគឺជាការទាត់ផ្កាប់ចាន់ដ៏អស្ចារ្យ៕

ប្រភព៖ sportbible

អត្ថបទ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៤ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៥ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម