កីឡា
អូស្ត្រាលី និងអាហ្សង់ទីន រិះគន់ FIFA ជុំវិញកាលវិភាគប្រកួតរបស់ World Cup 2022
អូស្ត្រាលី និងអាហ្សង់ទីន បានរិះគន់ FIFA សម្រាប់ការកំណត់កាលវិភាគការប្រកួតវគ្គ ១៦ ក្រុមចុងក្រោយរបស់ពួកគេ ៣ ថ្ងៃ បន្ទាប់ពីការប្រកួតចុងក្រោយក្នុងពូលរបស់ពួកគេក្នុងព្រឹត្តិការណ៍ World Cup ដោយនិយាយថា ការផ្លាស់ប្ដូររយៈពេលខ្លីចាត់ទុកកីឡាករដូចជា “មនុស្សយន្ត”។
អូស្ត្រាលី បានយកឈ្នះលើក្រុមដាណឺម៉ាក កាលពីយប់ថ្ងៃពុធ ហើយត្រូវប្រឈមមុខនឹងការប្រកួតវគ្គ ១៦ ក្រុមចុងក្រោយ ជាមួយនឹងក្រុមរបស់ Lionel Messi (អាហ្សង់ទីន) នៅថ្ងៃសៅរ៍។
អាហ្សង់ទីន មានពេលតិចក្នុងការសម្រាក ដោយបានលេងឈ្នះ ២-០ ទល់នឹងប៉ូឡូញ ចាប់ពីម៉ោង ១០ យប់ – បួនម៉ោង បន្ទាប់ពីការប្រកួតរបស់អូស្ត្រាលី ជាមួយដាណឺម៉ាក – ក្នុងស្ថានភាពមួយដែលត្រូវបានពិពណ៌នាថាជា “ឆ្កួត” ដោយគ្រូបង្វឹករបស់ពួកគេគឺ លោក Lionel Scaloni។
នៅប្រទេសរុស្ស៊ីឆ្នាំ ២០១៨ ក្រុមដែលមានលក្ខណៈគ្រប់គ្រាន់សម្រាប់វគ្គជម្រុះត្រូវបានផ្តល់ឲ្យយ៉ាងហោចណាស់ ៤ ថ្ងៃ រវាងការប្រកួតចុងក្រោយរបស់ពួកគេ និងវគ្គ ១៦ ក្រុមចុងក្រោយ។
ជំនួយការគ្រូបង្វឹកជម្រើសជាតិអូស្ត្រាលី លោក René Meulensteen បាននិយាយថា “តើ FIFA អាចធ្វើដូចនេះបានដោយរបៀបណាក្នុងការប្រកួតដ៏មានកិត្យានុភាពបែបនេះ។ ការវិលជុំរយៈពេលបួនថ្ងៃ គឺខ្លីរួចទៅហើយ ហើយបន្ទាប់ពីវគ្គចែកពូល ពេលវេលាកាន់តែខ្លី។ ប្រសិនបើអ្នកចង់បានការប្រកួតដែលមានគុណភាពខ្ពស់នៅក្នុងការប្រកួត World Cup អ្នកគិតថាពួកគេអាចគ្រប់គ្រងវាបានទេ។
ក្រុមទាំង ២ បានលេងការប្រកួតក្នុងពូលចំនួន ៣ លើក របស់ពួកគេដាច់ពីគ្នា ៤ ថ្ងៃ ដែលជាផ្នែកមួយ នៃតារាងពេលវេលារួមរបស់ World Cup 2022 នៃ ២៩ ថ្ងៃ ដែលចំនួន ៣ ថ្ងៃ គឺតិចជាងព្រឹត្តិការណ៍ដែលបានប្រើលើកមុន ក្នុងការប្រកួតឆ្នាំ ២០១៨ និងនៅប្រទេសប្រេស៊ីល កាលពីឆ្នាំ ២០១៦។
កាលវិភាគជាធម្មតា ៣២ ថ្ងៃ មិនអាចប្រើបានទេ ដោយសារតែការសម្របសម្រួលរបស់ FIFA ដែលធ្វើឡើងជាមួយលីគ និងក្លិបនៅអឺរ៉ុប នៅពេលដែលវាបានពន្យារការប្រកួតទៅពាក់កណ្ដាល នៃរដូវកាលក្នុងស្រុករបស់ពួកគេ ដើម្បីជៀសវាងកម្ដៅរដូវក្ដៅដ៏ខ្លាំងរបស់ប្រទេសកាតា៕
ប្រភព ៖ theguardian.com
អត្ថបទ ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ