សហព័ន្ធកីឡាសូហ្វតេន្នីសបោះឆ្នោតជ្រើសតាំងក្បាលម៉ាស៊ីនថ្មី បន្តដឹកនាំឆ្ពោះទៅស៊ីហ្គេម២០២៣

លោក សរ សិទ្ធិ បានក្លាយជាប្រធានសហព័ន្ធកីឡាសូហ្វតិនី្នសកម្ពុជាផ្លូវការ ក្រោយត្រូវបានមហាសន្និបាតឯកភាព បោះឆ្នោតជ្រើសតាំង ជំនួសមេដឹកនាំចាស់ ដើម្បីបន្តដឹកនាំសហព័ន្ធមួយនេះឲ្យទទួលបានជោគជ័យ​ សម្រាប់ ព្រឹត្តិការណ៍ ការប្រកួតកីឡា SEA GAMES 2023 លើកទី៣២ ដែលកម្ពុជាធ្វើម្ចាស់ផ្ទះ ។

លោក សរ សិទ្ធិ ប្រធានដឹកនាំថ្មី បានមានប្រសាសន៍ថា សហព័ន្ធកីឡាសូហ្វតិន្នីសកម្ពុជា បានត្រៀមរៀប ចំនូវទិសដៅ អនុវត្តផែនការ សកម្មភាពការងារ និងបង្កើនការយកចិត្តទុកដាក់ ដល់ក្រុមជម្រើសជាតិ ក្នុងការប្រមូលផ្តុំហាត់ហ្វឹកហ្វឺន ត្រៀមចូលរួមប្រកួត ក្នុងព្រឹត្តិការណ៍ធំៗឲ្យបានច្រើន តាមអាចធ្វើទៅបានក្នុងបំណងបង្កើននូវសមត្ថភាពបច្ចេកទេស ក៏ដូចជាការដណ្តើមមេដាយ ជូនជាតិមាតុភូមិកម្ពុជា ។

អនុរដ្ឋលេខាធិការក្រសួងមហាផ្ទៃខាងលើ បញ្ចាក់ថា សហព័ន្ធគ្រោងនឹងរៀបចំការប្រកួតសូហ្វតិន្នីសជើងឯក អាស៊ីអាគ្នេយ៍ លើកទី៣ ឆ្នាំ ២០២៣ (The 3rd Southeast Soft Tennis Championships 2023) រយៈពេល៧ថ្ងៃ នៅពហុកីឡដ្ឋានជាតិ អូឡាំពិក ដោយមានប្រទេសចូលរួមដូចជា ថៃ ឡាវ វៀតណាម ហ្វីលីពីន ឥណ្ឌូនេស៊ី និងម៉ាឡេស៊ី ។ រីឯការប្រកួតសម្រាប់ព្រឹត្តិការណ៍កីឡា SEA Games លើកទី ៣២ ឆ្នាំ២០២៣ គឺសហព័ន្ធ នឹងរៀបចំប្រកួតរយៈពេល៥ថ្ងៃ ចាប់ពីថ្ងៃទី ០៦ ដល់ថ្ងៃទី ១០ ខែ ឧសភា ឆ្នាំ ២០២៣ នៅទីលានវាយកូនបាល់ និងសូហ្វតិន្នីស ក្នុងពហុកីឡដ្ឋានជាតិ រាជធានីភ្នំពេញ ។

គួរបញ្ចាក់ដែរថា មហាសន្និបាតវិសាមញ្ញ បូកសរុបសកម្មភាពការងារឆ្នាំ២០២២ និងលើកទិសដៅការងារ សម្រាប់ឆ្នាំ២០២៣ ព្រទំាងកែសម្រួលសមាសភាព គណៈកម្មាធិការប្រតិបតិ្ត អាណត្តិទី៣ ឆ្នាំ២០២២-២០២៦ កាលពីរសៀលថ្ងៃទី១៣ធ្នូ ម្សិលមិញនេះ គណៈកម្មាធិការប្រតិបតិ្តសម្រាប់អាណត្តិថ្មី មាន២៩រូប គឺ ៖ លោក សរ សិទ្ធិ ប្រធាន , លោក តុងសុផល អនុប្រធានទី១ , លោក ម៉ៅ សុផល លោក វ៉ា គ្រី លោក ប៊ូ សុផល អនុប្រធាន , លោក ឧត្តមសេនីយ៍ទោ យិតភីរៈ អគ្គលេខាធិការ , លោក ថា សុជាតិ កញ្ញា មាស តឿ កញ្ញា ឃន សាតសាន្នីតា លោក ស្រ៊ឺ ស្រេង អគ្គលេខាធិការរង , លោក ឧត្តមសេនីយ៍ទោ អ៊ាន សុភ័ក្រ្ត អគ្គហេរញ្ញិក,  លោក វ៉ង់ វុទ្ធា លោក សំណាង វីរៈបុត្រ លោក នី ចាន់សេដ្ឋា លោក ដាំ ដា អគ្គហេរញ្ញិករង ព្រមទាំង១៤រូបទៀតជាសមាជិក ។

បន្ថែមពីនោះសហព័ន្ធបានតែងតាំងលោក ប្រាក់ ផល្លា ប្រធានកិត្តិយសសហព័ន្ធ លោក KIM GUN JUNG លោក OGIWARA MASATO និងលោកCHENG KWOK LEUNG KELVINសមាជិកកិត្តិយសសហព័ន្ធ ៕