កីឡា

រួមពូលជាមួយកម្ពុជា ប៉ុន្តែគ្រូហ្វីលីពីន ចាត់ទុកក្រុម ៤ នេះជាក្រុមខ្លាំង មានភាគរយឈ្នះជើងឯក AFF Cup 2022

បានផុស

៣ years មុន

នៅ

ថ្ងៃព្រហស្បតិ៍ ១៥ ធ្នូ ២០២២

ដោយ

លោក Josep Ferré Ybarz គ្រូបង្វឹកក្រុមជម្រើសជាតិហ្វីលីពីន បានចាត់ទុកក្រុម ៤ ថៃ, វៀតណាម, ម៉ាឡេស៊ី និងឥណ្ឌូណេស៊ី ជាក្រុមខ្លាំងមានភាគរយឈ្នះជើងឯកប្រចាំតំបន់អាស៊ីអាគ្នេយ៍ ឆ្នាំ២០២២ (AFF Mitsubishi Electric Cup 2022) ខណៈក្រុមនេះក៏រួមពូលជាមួយកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និយាយដូច្នេះគឺនៅក្រោយក្រុមរបស់លោកបានបញ្ចប់ការប្រកួតមិត្តភាពអន្តរជាតិជាមួយ វៀតណាម កាលពីម្សិលមិញ ដែលបញ្ចប់ទៅដោយចាញ់ម្ចាស់ផ្ទះវៀតណាម ០-១ នៅចុងម៉ោង។

“ប្រសិនបើខ្ញុំត្រូវចង្អុលបង្ហាញ ខ្ញុំគិតថា វៀតណាមជាក្រុមខ្លាំងបំផុតនៅអាស៊ីអាគ្នេយ៍ ប៉ុន្តែក្នុងវិស័យកីឡាបាល់ទាត់គឺមិនអាចទស្សន៍ទាយអ្វីទាំងអស់។ ក្នុងក្រុមយើង ថៃ និងឥណ្ឌូណេស៊ី ក៏មានក្រុមខ្លាំងដែរ ខ្ញុំគិតថាមានបួនក្រុម។ វៀតណាម ថៃ ម៉ាឡេស៊ី និងឥណ្ឌូណេស៊ី នឹងប្រជែងគ្នាយ៉ាងស្វិតស្វាញដើម្បីដណ្ដើមជើងឯក»។ គ្រូបង្វឹកហ្វីលីពីនបាននិយាយ។

បុរសសញ្ជាតិអេស្ប៉ាញរូបនេះទើបតែចូលមកដឹកនាំហ្វីលីពីន បានប្រហែល ១ សប្ដាហ៍ប៉ុណ្ណោះ ខណៈប្រកួតកាលពីម្សិលមិញពួកគេបានលេងការពារច្រើន ជាពិសេសនៅវគ្គទី ១ ដែលនេះជាហេតុនាំឲ្យបរាជ័យត្រឹមតែ ១ គ្រាប់ គ្រាដែលក្រុមនេះភាគច្រើនមានកីឡាករយុវជន។ នេះបើតាមការបញ្ជាក់ដោយ លោក Josep ដដែល។

គួរបញ្ជាក់ថា សម្រាប់ពានរង្វាន់ AFF Mitsubishi Electric Cup 2022 ហ្វីលីពីន ស្ថិតក្នុងពូល A ជាមួយកម្ពុជា, ក្រុមការពារតំណែងជើងឯក ថៃ, ឥណ្ឌូណេស៊ី និងប្រ៊ុយណេ។ ក្រុមដែលមានរហស្សនាម ‘ឆ្កែអនាថា’ មួយនេះ នឹងត្រូវជួបកម្ពុជា ក្នុងជំនួបបើកឆាក នៅថ្ងៃទី ២០ ខែធ្នូ ខាងមុខនេះ នៅរាជធានីភ្នំពេញ៕

ប្រភព ៖ zing news.vn

អត្ថបទ ៖ មន្នីរ័ត្ន

Related Topics:AFF Championship

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា