កីឡា

Carlos ឈ្នះមេដាយមាស៥គ្រឿងម្នាក់ឯងពីស៊ីហ្គេមឆ្នាំមុន ត្រៀមប្រមូលមេដាយនៅកម្ពុជាទៀត

បានផុស

២ years មុន

នៅ

ថ្ងៃពុធ ១១ មករា ២០២៣

ដោយ

កីឡាករកាយសម្ព័ន្ធហ្វីលីពីន Carlos Yulo ជាកីឡាករវ័យក្មេងម្នាក់ដែលឈ្នះមេដាយមាសច្រើនបំផុតក្នុងព្រឹត្តិការណ៍កីឡាស៊ីហ្គេម គិតចាប់តាំងពីរូបគេបានចូលរួមប្រកួតលើកដំបូងកាលពីឆ្នាំ២០១៩ ហើយរហូតដល់ពេលនេះបានចូលរួមប្រកួតស៊ីហ្គេម២ដងហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដាយស៊ីហ្គេម១៤គ្រឿង

ការចូលរួមប្រកួតស៊ីហ្គេម ២លើកកន្លងមក រូបគេឈ្នះមេដាយសរុប១៤គ្រឿងគឺ មាស៧គ្រឿង និងប្រាក់៧គ្រឿង។ ឆ្នាំ២០១៩ ស៊ីហ្គេម នៅប្រទេសកំណើតរបស់ខ្លួន រូបគេបានឈ្នះមេដាយមាស២គ្រឿង និងមេដាយប្រាក់៥គ្រឿង។ ចំណែកស៊ីហ្គេម ឆ្នាំ២០២១ (លើក២០២២) នៅប្រទេសវៀតណាម រូបគេបង្កការភ្ញាក់ផ្អើលខ្លាំងមែនទែន ដោយដណ្តើមមេដាយមាសរហូតដល់ទៅ៥គ្រឿងម្នាក់ឯង និងមេដាយប្រាក់២គ្រឿង ក្នុងនោះវិញ្ញាសាជាក្រុម១គ្រឿង។

មេដាយជើងឯកកាយសម្ព័ន្ធអាស៊ី៤គ្រឿង

ក្នុងការចូលរួមប្រកួតកីឡាកាយសម្ព័ន្ធជើងឯកអាស៊ី Yulo បានឈ្នះមេដាយ៤គ្រឿងគឺ មាស៣ និងប្រាក់១ ដែលមេដាយទាំងអស់នេះឈ្នះក្នុងឆ្នាំ២០២២ នៅទីក្រុងដូហា។

មេដាយពិភពលោក១៣គ្រឿង

Carlos Yulo បានឈ្នះមេដាយមាសកាយសម្ព័ន្ធជើងឯកពិភពលោក២គ្រឿង (១គ្រឿងឆ្នាំ២០១៩, ១គ្រឿងទៀតឆ្នាំ២០២១), ឈ្នះមេដាយប្រាក់២គ្រឿង (១គ្រឿងឆ្នាំ២០២១, ១គ្រឿងឆ្នាំ២០២២) និងឈ្នះមេដាយសំរឹទ្ធ២គ្រឿង (១គ្រឿងឆ្នាំ២០១៨, ១គ្រឿងឆ្នាំ២០២២)។

ជាមួយគ្នានេះ រូបគេបានឈ្នះមេដាយកម្រិតពិភពលោក FIG World Cup Series ៧គ្រឿងទៀតគឺមាស៣ ប្រាក់២ និងសំរឹទ្ធ៤។

Carlos Yulo និងមិត្តស្រីជនជាតិអូស្ត្រាលី Chloe Anjeleigh

ចំនួនមេដាយដែលរូបគេរកបានខាងលើនៅមិនទាន់រាប់បញ្ចូលមេដាយក្នុងការប្រកួតកម្រិតយុវជន និងព្រឹត្តិការណ៍អន្តរជាតិផ្សេងៗជាច្រើនគ្រឿងទៀត។

ទើបតែមានវ័យ២២ឆ្នាំ Carlos Yulo កំពុងមានសក្តានុពលសម្រាប់ការស្វែងរកមេដាយជូនហ្វីលីពីនពីព្រឹត្តិការណ៍សំខាន់នាពេលខាងមុខដូចជាកីឡាទ្វីបអាស៊ី និងកីឡាអូឡាំពិកជាដើមដែលរូបគេមិនទាន់ឈ្នះមេដាយ។

នាពេលប៉ុន្មានខែខាងមុខនេះ រូបគេនឹងធ្វើដំណើរមកប្រទេសកម្ពុជាដើម្បីចូលរួមប្រកួតកីឡាស៊ីហ្គេម លើកទី៣២ ឆ្នាំ២០២៣។ ច្បាស់ណាស់ថា រូបគេនឹងប្រមូលយកមេដាយច្រើនគ្រឿងទៀតពីស៊ីហ្គេម នៅប្រទេសកម្ពុជា៕