កីឡា
នាយបេសកកម្មអាស៊ានកោតសរសើរកម្ពុជាត្រៀមស៊ីហ្គេមបានល្អ
នាព្រឹកថ្ងៃទី២៥ ខែមករា ឆ្នាំ២០២៣នេះ មានកិច្ចប្រជុំនាយកបេសកកម្មលើកទី១ នៅសណ្ឋាគារហ្គាឌិនស៊ីធី ដើម្បីបង្ហាញព័ត៌មានឲ្យកាន់តែច្បាស់ពីការត្រៀមខ្លួនរបស់កម្ពុជាឆ្ពោះទៅស៊ីហ្គេម លើកទី៣២ ដែលនៅសល់ត្រឹមតែ១០០ថ្ងៃទៀតប៉ុណ្ណោះ។
ក្នុងកិច្ចប្រជុំនាយបេសកកម្មនេះ កម្ពុជាបានធ្វើបទបង្ហាញពីការរៀបចំ បដិសណ្ឋារកិច្ច ការស្នាក់នៅ វេជ្ជសាស្ត្រ-ដូភីង ពិធីការ អាហារហូបចុក សុវត្ថិភាព និងសុខភាព ព្រមទាំងឆ្លើយរាល់សំនួរ ឬបញ្ហាពាក់ព័ន្ធដែលនាយកបេសកម្មទាំង១១ប្រទេសបានលើកឡើង ឬមានកង្វល់ដើម្បីឲ្យពួកគាត់មានទំនុកចិត្ត និងត្រៀមខ្លួនដឹកនាំប្រតិភូ និងអត្តពលិករបស់ខ្លួនមកចូលរួមប្រកួតនៅកម្ពុជានាខែឧសភាខាងមុខនេះ។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ បានឲ្យដឹងក្រោយពេលកិច្ចប្រជុំថា ការប្រជុំថ្ងៃទី១នេះទទួលផ្លែផ្កាគួរឱ្យកត់សម្គាល់។ ព័ត៌មានសំខាន់ៗត្រូវបានផ្តល់ទៅនាយបេសកកម្មនៃបណ្ដាប្រទេសទាំង១១ ហើយពួកគាត់ក៏បានជ្រាបច្បាស់។
នៅពេលនាយកបេសកកម្មទាំងអស់បានជ្រាបច្បាស់ពីការរៀបចំរបស់កម្ពុជា ពួកគាត់ពេញចិត្ត និងកោតសរសើរពីការត្រៀមខ្លួនរួចរាល់ល្អប្រសើររបស់កម្ពុជា បើទោះនេះជាលើកដំបូងក្នុងការទទួលធ្វើម្ចាស់ផ្ទះ។ ជាពិសេសពួកគាត់បានគាំទ្រពេញទំហឹង។
ប្រតិបត្តិករកីឡារូបនេះបន្តថា ៖«អ្វីដែលយើងបានបញ្ជាក់ក្នុងកិច្ចប្រជុំនេះ ទី១ គឺយើងទទួលបាននូវការគាំទ្រពីប្រទេសទាំងអស់ថា យើងពិតជាបានត្រៀមខ្លួនរួចរាល់អស់ហើយ។ ពួកគាត់ឃើញយើងមានរបៀបធ្វើការជាលក្ខណៈអាជីពច្រើន និងជាពិសេសគឺតំណាងរបស់ការិយាល័យស៊ីហ្គេម ក៏ដូចជាទីប្រឹក្សាច្បាប់របស់សហព័ន្ធកីឡាអាស៊ីអាគ្នេយ៍បាននិយាយថា យើងបានធ្វើការយ៉ាងល្អ នៅក្នុងការត្រៀមដែលនៅសល់១០០ថ្ងៃទៀតនេះ»។
លោកបានវាយតម្លៃ និងសន្និដ្ឋានចុងក្រោយថា កិច្ចប្រជុំ គឺទទួលបានផ្លែផ្កា ១០០% និង សង្ឃឹមថា ប្រទេសទាំងអស់ នឹងសហការជាមួយគ្នា ដើម្បីអនុវត្តការងាររៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ឱ្យទទួលបានជោគជ័យ៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)