កីឡា
ក្រុមអេហ្ស៊ីប Al-Ahly បំបាក់ក្រុមនូវែលសេឡង់ Auckland ដើម្បីឈ្នះក្នុងពាន FIFA Club World Cup ជាលើកដំបូង
ក្រុមរបស់អេហ្ស៊ីប ក្លិប Al-Ahly បានយកឈ្នះលើក្លិប Auckland City របស់នូវែលសេឡង់ ក្នុងលទ្ធផល ៣-០ ដើម្បីដណ្ដើមបានជ័យជម្នះក្នុងការប្រកួតបើកឆាក នៃពានក្លិបបាល់ទាត់ពិភពលោក (FIFA Club World Cup) នៅកីឡដ្ឋាន Ibn Batouta ក្នុងប្រទេសម៉ារ៉ុក។
Auckland បានរក្សាភាពខ្លាំងភាគច្រើន នៃតង់ទី ១ ហើយស្ទើរតែឈានដល់ការសម្រាកនៅវគ្គទី ១ ដោយស្មើគ្នា ០-០ ប៉ុន្តែការស៊ុតរបស់ កីឡាករ Hussein El Shahat បន្ទាប់ពីរយៈពេលបន្ថែម ២ នាទី បានផ្តល់ឲ្យបិសាចក្រហមនូវការទម្លាយគ្រាប់បាល់បានសម្រេច។ នៅតង់ទី ២ Al-Ahly បានបង្ហាញភាពខ្លាំងរបស់ពួកគេតាំងពីដើមដំបូង។
ក្រុមជើងឯករងពានក្លិបបាល់ទាត់ទ្វីបអាហ្វ្រិក (Africa Champions League) ទទួលបានលទ្ធផល ២-០ ដោយសារការបញ្ចប់ដ៏ល្អពីកីឡាករ Mohamed Sherif។ ក្រោយមកកីឡាករ Percy Tau បន្ថែមគ្រាប់ទី ៣ ជាមួយនឹងការស៊ុតបញ្ចូលទីនៅនាទី ៨៦ ដើម្បីបញ្ចប់ការប្រកួតទាំងស្រុង។
ជាមួយនឹងគ្រាប់បាល់ទី ១ របស់កីឡាករ El Shahat បានធ្វើឲ្យគេក្លាយជាកីឡាករទី ៤ ដែលស៊ុតបញ្ចូលទីក្នុងការប្រកួតចំនួន ៣ ដងចុងក្រោយ នៃពានរង្វាន់នេះ។ វាធ្វើឲ្យគេចូលរួមជាមួយបញ្ជីកីឡាកររបស់អាហ្សង់ទីន Lionel Messi, Cristiano Ronaldo របស់ព័រទុយហ្គាល់ និងកីឡាករវេល Gareth Bale។
លទ្ធផលនេះធ្វើឲ្យ Al-Ahly ឈានទៅជុំទី ២ ដែលពួកគេត្រូវជួបក្លិប Seattle Sounders នៃលីគកំពូលអាមេរិក (Major League Soccer) ឬជាក្រុមឈ្នះជើងឯកក្លិបទ្វីបអាមេរិកខាងជើង (CONCACAF Champions League)។ Seattle នឹងបង្កើតប្រវត្តិសាស្ត្រក្នុងការប្រកួតដោយក្លាយជាក្រុមអាមេរិកដំបូងគេដែលបានលេងក្នុងព្រឹត្តិការណ៍នេះ។
ក្រុមទាំងពីរ ក៏នឹងត្រូវលេងនៅទីក្រុង Tangier នាកីឡដ្ឋាន Ibn Batouta ដោយការប្រកួតនឹងត្រូវធ្វើឡើងនៅថ្ងៃសៅរ៍ (០៤ កុម្ភៈ)។
ដោយឡែក ក្លិប Wydad Casablanca របស់ម៉ារ៉ុក ជើងឯកពានក្លិបបាល់ទាត់ទ្វីបអាហ្វ្រិក (Africa Champions League) និង Al-Hilal របស់អារ៉ាប៊ីសាអូឌីត ជើងឯករងពានក្លិបបាល់ទាត់ទ្វីបអាស៊ី (AFC Champions League) ក៏នឹងត្រូវប្រកួតក្នុងជុំទី ២ នៅថ្ងៃតែមួយជាមួយគ្នាផងដែរ។ ពួកគេប្រជែងដណ្ដើមយកកន្លែងមួយក្នុងវគ្គពាក់កណ្ដាលផ្ដាច់ព្រ័ត្រ នៅកីឡដ្ឋាន Prince Moulay Abdellah ក្នុងទីក្រុង Rabat៕
អត្ថបទ ៖ មន្នីរ័ត្ន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ