Messi បង្ហាញ​ពេល​វេលា​ត្រឡប់​ទៅ​ Barcelona ខណៈ​​ការ​បន្ត​កុងត្រា​ជាមួយ PSG ត្រៀមអូស​បន្លាយ

Lionel Messi បានបង្ហើបថា គេមានបំណងត្រលប់ទៅកាន់ក្លិប Barcelona វិញ។

ម្ចាស់ពានរង្វាន់ Ballon d’Or ៧សម័យរូបនេះ ត្រូវបានមើលឃើញពីការវិលត្រលប់មកកីឡដ្ឋាន Camp Nou វិញ ចាប់តាំងពីក្លិបមានការលំបាកផ្នែកហិរញ្ញវត្ថុ ហើយបានបង្ខំឱ្យគេផ្តាច់ទំនាក់ទំនងជាមួយ Barca ក្នុងនាមជាកីឡាករ គ្មានតម្លៃខ្លួន នៅឆ្នាំ២០២១។ ចុងក្រោយ Messi បានបញ្ចប់ការផ្ទេរទៅកាន់ Paris Saint-Germain នៅដំណាក់កាលនោះ ប៉ុន្តែក៏មានការបន្តបង្កើតការពិភាក្សាអំពីការត្រលប់មកវិញ ខណៈដែលកិច្ចសន្យា របស់គេនៅប្រទេសបារាំងនឹងផុតដល់រដូវក្តៅ ឆ្នាំ២០២៣ (ខែកក្កដា)។

ទោះជាយ៉ាងណាក៏ដោយ លក្ខខណ្ឌថ្មីៗត្រូវបានគេរំពឹងថា Messi នឹងចុះហត្ថលេខាបន្តស្នាក់នៅជាមួយក្រុម ដែលមានមូលដ្ឋានកីឡដ្ឋានឈ្មោះថា Parc des Princes ខណៈដែលមានការរំពឹងទុកជាច្រើនដែលបង្ហាញថា Messi នឹងធ្វើដំណើរទៅកាន់លីគកំពូលអាមេរិក (MLS) ផងដែរ ហើយគេបានប្រាប់ Diario Ole អំពីផែន ការត្រឡប់ទៅអេស្ប៉ាញវិញ។ “នៅពេលខ្ញុំបញ្ចប់អាជីពរបស់ខ្ញុំ ខ្ញុំនឹងត្រលប់ទៅរស់នៅ Barcelona វិញ វាជាផ្ទះរបស់ខ្ញុំ”។

Barcelona តែងតែបើកទ្វារឱ្យ Messi ចូលក្រុមវិញ ដោយប្រធានក្លិប លោក Joan Laporta បាននិយាយ ជាទៀងទាត់ថា លោកចង់បានកីឡាករអាហ្សង់ទីនមកវិញ ខណៈដែល Xavi ដែលជាអតីតមិត្តរួមក្រុមឈ្នះពាន World Cup ឥឡូវនេះបានបំពេញតួនាទីបានយ៉ាងល្អនាមជាអ្នកចាត់ការនៅ Camp Nou។

ជាមួយនឹង Messi ហាក់ដូចជាច្រានចោលនូវលទ្ធភាពនៃការត្រលប់ទៅ Barca វិញក្នុងនាមជាកីឡាករ ប៉ុន្តែកំណត់ត្រារបស់គេសម្រាប់ក្រុម Blaugrana ហាក់ដូចជានៅតែរក្សាបាន ៦៧២គ្រាប់ តាមរយៈការបង្ហាញខ្លួន ៧៧៨ដង ជាមួយនឹងការឈ្នះពានរង្វាន់ La Liga ១០ដង និង Champions League ចំនួន ៤ដង៕

ប្រភព៖ goal.com

អត្ថបទ៖ មន្នីរ័ត្ន