កីឡា

រាជនីហែលទឹក Yeo ឈ្នះមេដាយមាសច្រើនជាងគេបំផុតក្នុងប្រវត្តិសាស្ត្រស៊ីហ្គេម

បានផុស

៣ years មុន

នៅ

ថ្ងៃអង្គារ ១៤ កុម្ភៈ ២០២៣

ដោយ

អតីតកីឡាការិនីហែលទឹកជម្រើសជាតិសិង្ហបុរី Joscelin Yeo Wei Ling ជាអត្តពលិកដែលបានឈ្នះមេដាយច្រើនជាងគេបំផុតក្នុងប្រវត្តិសាស្ត្រកីឡាស៊ីហ្គេមគិតចាប់ពីឆ្នាំ១៩៥៩មក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Joscelin Yeo បានចូលរួមប្រកួតកីឡាស៊ីហ្គេម លើកដំបូងនៅឆ្នាំ១៩៩១ ដែលនោះនាងទើបតែអាយុ១២ឆ្នាំប៉ុណ្ណោះ។ សម្រាប់ការបង្ហាញខ្លួនស៊ីហ្គេមលើកដំបូងនោះនាងមិនបានឈ្នះមេដាយមាសទេគឺឈ្នះប្រាក់ និងសំរឹទ្ធ។

ពេលប្រកួតស៊ីហ្គេម លើកទី២ក្នុងអាជីពរបស់នាង នាឆ្នាំ១៩៩៣ នាងធ្វើបានល្អឥតខ្ចោះតែម្តងដែលពេលនោះឈ្នះមេដាយមាស៩គ្រឿង ហើយក៏ប្រកួតឈ្នះមេដាយមាសជាបន្តបន្ទាប់រហូតដល់ការប្រកួតស៊ីហ្គេមចុងក្រោយរបស់នាងនាឆ្នាំ២០០៥។ នាងឈ្នះមេដាយមាសស៊ីហ្គេម ចំនួន៤០គ្រឿង ប្រាក់១២គ្រឿង និងសំរឹទ្ធ៣គ្រឿង សរុបមេដាយ៥៥គ្រឿង។

ប្រវត្តិឈ្នះមេដាយមាសស៊ីហ្គេម

ស៊ីហ្គេម ១៩៩១៖ អាយុ១២ឆ្នាំ ឈ្នះមេដាយប្រាក់ និងសំរឹទ្ធ
ស៊ីហ្គេម ១៩៩៣៖ ឈ្នះមេដាយមាស៩គ្រឿង
ស៊ីហ្គេម ១៩៩៥៖ ឈ្នះមេដាយមាស៧គ្រឿង
ស៊ីហ្គេម ១៩៩៧៖ ឈ្នះមេដាយមាស៣គ្រឿង
ស៊ីហ្គេម ១៩៩៩៖ ឈ្នះមេដាយមាស៦គ្រឿង
ស៊ីហ្គេម ២០០១៖ ឈ្នះមេដាយមាស៣គ្រឿង
ស៊ីហ្គេម ២០០៣៖ ឈ្នះមេដាយមាស៦គ្រឿង
ស៊ីហ្គេម ២០០៥៖ ឈ្នះមេដាយមាស៦គ្រឿង

ក្រៅពីមេដាយស៊ីហ្គេម អតីតកីឡាការិនីសិង្ហបុរីរូបនេះបានឈ្នះការប្រកួតលំដាប់អន្តរជាតិជាច្រើនទៀត។

ក្រោយស៊ីហ្គេម ឆ្នាំ២០០៥ នាងមិនបានចូលរួមប្រកួតស៊ីហ្គេម ឆ្នាំ២០០៧ទេ ប៉ុន្តែនាងចូលរួមប្រកួត Commonwealth Games ឆ្នាំ២០០៦ និង កីឡា Asian Games ឆ្នាំ២០០៦ មុនពេលប្រកាសចូលនិវត្តន៍ឆ្នាំ២០០៧ ក្នុងវ័យត្រឹមតែ២៨ឆ្នាំប៉ុណ្ណោះ៕

អត្ថបទ៖ វីរបុត្រ

Related Topics:កីឡាស៊ីហ្គេម

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា