កីឡា

ទើបដឹងរឿង! Ronaldo បានព្យាយាមឃាត់ Aboubakar ពីការចាកចេញពី Al-Nassr ដោយសារវត្តមានរបស់គេ

បានផុស

៣ years មុន

នៅ

ថ្ងៃសុក្រ ១៧ កុម្ភៈ ២០២៣

ដោយ

ប្រធានក្រុមជម្រើសជាតិកាមេរូន កីឡាករ Vincent Aboubakar បានបង្ហាញពីរបៀបដែល Cristiano Ronaldo ព្យាយាមបញ្ចុះបញ្ចូលខ្លួនឲ្យស្នាក់នៅក្លិប Al-Nassr បន្ទាប់ពីការមកដល់របស់ Ronaldo ពីក្លិប Manchester United។

Aboubakar ដឹងថា Al-Nassr នឹងត្រូវលះបង់កីឡាករបរទេសម្នាក់ ដើម្បីឲ្យនៅសល់កៅអីមួយសម្រាប់ Ronaldo។ ខណៈដែល Aboubakar នៅសល់កិច្ចសន្យារយៈពេល ៦ ខែ ជាមួយ Al-Nassr បាននិយាយថា គេមាន ‘សំណើ’ ដើម្បីផ្លាស់ទៅលេងកន្លែងផ្សេងទៀត ហើយថាខ្លួនចង់ចាកចេញពីក្លិបសម្រាប់ “ហេតុផលគ្រួសារ”។

ថ្លែងទៅកាន់ទូរទស្សន៍ Talents d’Afrique នៅលើ Canal+ កីឡាករ Aboubakar បាននិយាយថា «យើងបាននិយាយគ្នាបន្តិច ហើយគំនិតរបស់គាត់ [Ronaldo] គឺថាគាត់ចង់ឲ្យខ្ញុំស្នាក់នៅ។ ខ្ញុំប្រាប់គាត់ថាទេ ខ្ញុំនឹងចាកចេញដោយហេតុផលគ្រួសារ»។

«គាត់បានសួរខ្ញុំថា គ្រួសារខ្ញុំនៅទីណា ខ្ញុំបានប្រាប់គាត់ថា ពួកគេនៅប្រទេសបារាំង ដូច្នេះខ្ញុំចូលចិត្តទៅប្រទេសតួកគី វាជិតជាង។ ហើយគាត់បានប្រាប់ខ្ញុំថាវាល្អជាងប្រសិនបើគ្រួសារអ្នកនៅឆ្ងាយនោះវាកាន់តែស្មុគស្មាញ។ ខ្ញុំរឹងមាំ ខ្ញុំចង់ចាកចេញ»។ ខ្សែប្រយុទ្ធរូបនេះបន្ត។

Aboubakar បានចូលរួមជាមួយ Al-Nassr ក្នុងខែកក្កដា ឆ្នាំ ២០២១ ពីក្លិប Besiktas ហើយស៊ុតបញ្ចូលទីបាន ១៣ គ្រាប់ និងបញ្ជូនបាល់ឲ្យមិត្តរួមចំនួន ៦ ដង។ ការបង្ហាញខ្លួន ៣៩ លើករបស់គេសម្រាប់ក្រុមនៅក្នុងទីក្រុង Riyadh បានជួយគេឲ្យមានឈ្មោះនៅក្នុងការប្រកួតបាល់ទាត់ពិភពលោក ឆ្នាំ ២០២២ ជាមួយក្រុមជម្រើសជាតិកាមេរូន។

ឈ្មោះរបស់ Aboubakar ត្រូវបានដាក់នៅលើទំព័រដើម ខណៈពេលតំណាងប្រទេសរបស់ខ្លួននៅក្នុងប្រទេសកាតា បន្ទាប់ពីបានស៊ុតបាល់បញ្ចូលទីយ៉ាងអស្ចារ្យទល់នឹងប្រេស៊ីល។

ទោះបីជាយ៉ាងណាក៏ដោយ គេបានត្រលប់ទៅអារ៉ាប៊ីសាអូឌីតវិញ និងបានដឹងពីការមកដល់របស់ Ronaldo។ នៅពេលត្រូវបានគេសួរថា តើគាត់មានការរំខានដែរឬទេ Aboubakar បានឆ្លើយថា បាទ! ប៉ុន្តែបានទទូចថា វាជាការសម្រេចចិត្តត្រឹមត្រូវ។

គេបាននិយាយថា «ខ្ញុំខឹងបន្តិចព្រោះវាមិនស្រួលទេ។ នៅពេលដែល Cristiano មកដល់ គ្រូបង្វឹក [Al Nassr] លោក Rudi Garcia បានហៅខ្ញុំទៅការិយាល័យរបស់គាត់។ គាត់បានប្រាប់ខ្ញុំថា ជាធម្មតាកីឡាករអន្តរជាតិត្រូវចាកចេញ វាជាខ្ញុំ ឬ Jaloliddin Masharipov [មកពីអ៊ូសបីគីស្ថាន] ទាំងខ្ញុំ ឬអាណិត។

«ខ្ញុំបានប្រាប់គាត់ថា ខ្ញុំចង់ចាកចេញពីមុន ហើយនិយាយដោយស្មោះត្រង់ នៅពេលដែល Cristiano កំពុងមក ពេលវេលាលេងរបស់ខ្ញុំនឹងកាត់បន្ថយ ហើយវាជាការប្រសើរសម្រាប់ខ្ញុំក្នុងការចាកចេញ។ ខ្ញុំមានសំណើគេចង់បាន រួមទាំងសំណើពីក្លិប Besiktas ផងដែរ។ ពួកគេចង់ឲ្យខ្ញុំស្នាក់នៅរហូតដល់ចុងបញ្ចប់ នៃរដូវកាលនេះ។ ខ្ញុំបាននិយាយថា “ទេ លោកប្រធានដោយស្មោះត្រង់ទៅ ខ្ញុំចង់ចាកចេញ។ វាស្មុគស្មាញបន្តិច ប៉ុន្តែទីបំផុតគេបានឲ្យខ្ញុំចាកចេញ‘៕

ប្រភព ៖ dailymail.co.uk

អត្ថបទ ៖ មន្នីរ័ត្ន

Related Topics:Cristiano Ronaldo Vincent Aboubakar

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា