កីឡា

កីឡា១០ប្រភេទនេះប្រកួតមុនថ្ងៃពិធីបើកផ្លូវការ កីឡាស៊ីហ្គេម

បានផុស

២ years មុន

នៅ

ថ្ងៃអង្គារ ៤ មេសា ២០២៣

ដោយ

កីឡាស៊ីហ្គេម លើកទី៣២ នឹងបើកជាផ្លូវការនៅថ្ងៃទី៥ ខែឧសភា នៅពហុកីឡដ្ឋានជាតិមរតកតេជោ និងពិធីបិទបញ្ចប់នៅថ្ងៃទី១៧ ខែឧសភា ឆ្នាំ២០២៣។

កម្ពុជាក្នុងនាមជាម្ចាស់ផ្ទះបានដាក់កីឡាចំនួន៣៦ប្រភេទ និងកីឡាប្រកួតសម្តែង១ប្រភេទដើម្បីឲ្យប្រកួតប្រជែងក្នុងព្រឹត្តិការណ៍ប្រវត្តិសាស្ត្រដំបូងនៅលើទឹកដីកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា ក្នុងចំណោមកីឡា៣៦ប្រភេទ មានកីឡាចំនួន១០ប្រភេទដែលត្រូវប្រកួតមុនពិធីបើក ដោយសារកីឡាមួយចំនួនក្នុងចំណោមកីឡាទាំងនេះត្រូវប្រើពេលវេលាយូរទើបចប់ ដូច្នេះត្រូវធ្វើការប្រកួតមុនពិធីបើក។

កីឡា១០ប្រភេទប្រកួតមុនពិធីបើក

អុកចត្រង្គ ប្រកួតនៅសាកលវិទ្យាល័យភូមិន្ទភ្នំពេញ ពីថ្ងៃទី២៩ ខែមេសា ដល់ទី៤ ខែឧសភា និងបន្តពីថ្ងៃទី៦ ដល់ទី៩ ខែឧសភា។
គ្រីឃីត ប្រកួតនៅទីលាន AZ Group Cricket តាមផ្លូវ៦០ម៉ែត្រ ពីថ្ងៃទី២៩ ខែមេសា ដល់ទី៤ ខែឧសភា និងបន្តនៅថ្ងៃទី៦ ខែឧសភា។
កីឡាអេឡិចត្រូនិក ប្រកួតនៅហ្គាណាវើលដ៍ និងផ្សារអូឡាំព្យា នៅថ្ងៃទី៤ ខែឧសភា និងបន្តពីថ្ងៃទី៦ ដល់ទី១៦ ខែឧសភា។
បាល់ទាត់ វិញ្ញាសាបុរសប្រកួតនៅពហុកីឡដ្ឋានជាតិ និងកីឡដ្ឋានព្រីនស៍ ពីថ្ងៃទី២៩ ខែមេសា ដល់ទី៤ ខែឧសភា និងបន្តពីថ្ងៃទី៦ ដល់ទី១៦ ខែឧសភា។ វិញ្ញាសានារី ប្រកួតនៅកីឡដ្ឋាន RSN និងស្តាតចាស់ ពីថ្ងៃទី២៩ ខែមេសា ដល់ទី៤ ខែឧសភា និងបន្តពីថ្ងៃទី៦ ដល់ទី១៦ ខែឧសភា។
ហុកគី ប្រកួតនៅមជ្ឈមណ្ឌលសន្និបាតជ្រោយចង្វារ Dinasaur Park Hall ពីថ្ងៃទី ១ដល់៤ ខែឧសភា និងបន្តពីថ្ងៃទី៦ ដល់ទី៨ ខែឧសភា។
កីឡាឧបសគ្គ ប្រកួតនៅមជ្ឈមណ្ឌលសន្និបាតជ្រោយចង្វារ Car Park ពីថ្ងៃទី ៣ដល់ទី៤ ខែឧសភា និងបន្តពីថ្ងៃទី ៦ដល់ទី៧ ខែឧសភា។
ទូកក្តោង ប្រកួតនៅឆ្នេរសមុទ្រព្រះសីហនុ ពីថ្ងៃទី១ ដល់ទី៤ ខែឧសភា និងបន្តពីថ្ងៃទី ៦ដល់ទី៨ ខែឧសភា។
ជឺជីតស៊ូ ប្រកួតនៅមជ្ឈមណ្ឌលជ្រោយចង្វារ Hall B នៅថ្ងៃទី៤ ខែឧសភា និងបន្តថ្ងៃទី ៦ដល់ទី៧ ខែឧសភា។
គុនល្បុក្កតោ ប្រកួតនៅមជ្ឈមណ្ឌលសន្និបាតជ្រោយចង្វារ Hall C នៅថ្ងៃទី៤ ខែឧសភា និងបន្តថ្ងៃទី ៦ដល់ទី១០ ខែឧសភា។
បាល់ទះ ប្រកួតនៅវិមានពហុកីឡដ្ឋានជាតិ ពីថ្ងៃទី ៣ដល់ទី៤ ខែឧសភា និងបន្តពីថ្ងៃទី ៦ដល់ទី១៤ ខែឧសភា៕