កីឡា

អបអរសទរ! ក្រុមបាល់ទាត់នារីកម្ពុជារកបាន៣ពិន្ទុពីការឈ្នះនារីឡាវ ២-០

បានផុស

១ year មុន

នៅ

ថ្ងៃពុធ ៣ ឧសភា ២០២៣

ដោយ

ក្រុមបាល់ទាត់នារីជម្រើសជាតិកម្ពុជាបានឈ្នះក្រុមនារីជម្រើសជាតិឡាវ ដោយលទ្ធផល ២-០ សម្រាប់ការប្រកួតវគ្គសន្សំពិន្ទុពូល B ក្នុងកីឡាស៊ីហ្គេម លើកទី៣២ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រាប់បាល់ទាំង២គ្រាប់របស់កម្ពុជាកើតមានឡើងក្នុងវគ្គទី១ដោយកីឡាការិនីលេខ៩ យ៉ុន យឿន ទាំងពីរគ្រាប់នៅនាទី១១ និងនាទីទី៣៧ ខណៈនៅវគ្គទី២ ក្រុមឡាវបានព្យាយាមសម្រុកយ៉ាងខ្លាំង ប៉ុន្តែក្រុមនារីកម្ពុជាការពារបានយ៉ាងល្អ។

ជ័យជម្នះនេះបានផ្តល់ឲ្យក្រុមនារីម្ចាស់ផ្ទះកម្ពុជាមាន៣ពិន្ទុ ស្ថិតនៅចំណាត់ថ្នាក់លេខ២ពូល B ហើយក្រុមនារីថៃស្ថិតនៅលេខ១ បន្ទាប់ពីបានយកឈ្នះក្រុមនារីសិង្ហបុរីដោយលទ្ធផល ៣-០។ ការប្រកួតបន្ទាប់ ក្រុមនារីកម្ពុជា ប៉ះ សិង្ហបុរី និងក្រុមនារី ថៃ ប៉ះ ឡាវវិញម្តង មុនពេលក្រុមនារីកម្ពុជា ប៉ះ ថៃ សម្រាប់ការប្រកួតចុងក្រោយសន្សំពិន្ទុក្នុងពូល៕