កីឡា

ជិត៧០ឆ្នាំ កម្ពុជាមានអត្តពលិក៣រូបប៉ុណ្ណោះបានឈ្នះមេដាយមាសស៊ីហ្គេមនិងកីឡាអាស៊ី

បានផុស

៣ years មុន

នៅ

ថ្ងៃព្រហស្បតិ៍ ២៥ ឧសភា ២០២៣

ដោយ

កម្ពុជាធ្លាប់បានបញ្ជូនអត្តពលិកចូលរួមប្រកួតកីឡាទ្វីបអាស៊ី (Asian Games) តាំងពីឆ្នាំ១៩៥៤ រហូតដល់កីឡាទ្វីបអាស៊ី ឆ្នាំ២០១៨ នៅប្រទេសឥណ្ឌូណេស៊ី។ សម្រាប់ការចូលរួមប្រកួតជាច្រើនលើកនេះ កម្ពុជាបានឈ្នះមេដាយសរុប៩គ្រឿងគឺមាស៣ ប្រាក់២ និងសំរឹទ្ធ៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្ពុជាមិនធ្លាប់បានឈ្នះមេដាយមាសទេគិតចាប់តាំងពីកីឡាទ្វីបអាស៊ី ឆ្នាំ១៩៥៤ រហូតដល់ឆ្នាំ២០១០។ ទើបតែនៅក្នុងសម័យកាលថ្មីពោលគឺក្រោយឆ្នាំ២០១០ទើបកម្ពុជាបានស្គាល់មេដាយមាសកីឡាទ្វីបអាស៊ីជាលើកដំបូង។

ថ្ងៃនេះ «កម្ពុជាថ្មី» សូមបង្ហាញអត្តពលិកកម្ពុជាឆ្នើម៣រូបដែលបានឈ្នះមេដាយមាសពីកីឡាទ្វីបអាស៊ីនៅក្នុងសម័យកាលថ្មីនេះ ហើយពួកគាត់ក៏បានឈ្នះមេដាយមាសកីឡាស៊ីហ្គេមថែមទៀត។

វីរកីឡាការិនី ស៊ន សៀវម៉ី

វីរកីឡាការិនី ស៊ន សៀវម៉ី ជាអត្តពលិកកម្ពុជាដំបូងគេបង្អស់ដែលបានឈ្នះមេដាយមាសកីឡាទ្វីបអាស៊ីកាលពីឆ្នាំ២០១៤ លើប្រភេទកីឡាតេក្វាន់ដូ នៅប្រទេសកូរ៉េខាងត្បូង និងជាកីឡាការិនីកម្ពុជាទី១ដែលបានជាប់វគ្គជម្រុះកីឡាអូឡាំពិកឆ្នាំ២០១៦។ ជាមួយគ្នានេះ សៀវម៉ី ក៏ជាកីឡាការិនីម្នាក់គត់ដែលបានឈ្នះមេដាយមាសស៊ីហ្គេម៤ជំនាន់។

ឈ្នះមេដាយមាស១គ្រឿង កីឡាទ្វីបអាស៊ី ឆ្នាំ២០១៤
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០១៣
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០១៧
ឈ្នះមេដាយមាស១គ្រៀង កីឡាស៊ីហ្គេម ឆ្នាំ២០១៩
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០២៣
ឈ្នះមេដាយសំរឹទ្ធ១គ្រឿង កីឡាស៊ីហ្គេម ឆ្នាំ២០១១

វីរកីឡាការិនី ខាន់ ចេសា

កីឡាការិនីខ្មែរ-អាមេរិក ខាន់ ចេសា ជាអត្តពលិកកម្ពុជាទី២ដែលបានឈ្នះមេដាយមាសកីឡាទ្វីបអាស៊ី លើប្រភេទកីឡាជឺជីតស៊ូ កាលពីឆ្នាំ២០១៨ នៅប្រទេសឥណ្ឌូណេស៊ី។ វីរកីឡាការិនីរូបនេះក៏បានឈ្នះមេដាយមាសស៊ីហ្គេម២គ្រឿង និងមេដាយប្រាក់ស៊ីហ្គេម១គ្រឿង។

ឈ្នះមេដាយមាស១គ្រឿង កីឡាទ្វីបអាស៊ី ឆ្នាំ២០១៨
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០១៩
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០២៣
ឈ្នះមេដាយប្រាក់១គ្រឿង កីឡាស៊ីហ្គេម ឆ្នាំ២០២៣

វីរកីឡាករ សាលី អ៊ូមើត

សាលី អ៊ូមើត ជាអត្តពលិកកម្ពុជាទី៣ និងជាកីឡាករកម្ពុជាទី១ដែលបានឈ្នះមេដាយមាស១គ្រឿង និងមេដាយសំរឹទ្ធ១គ្រឿង លើប្រភេទកីឡាម៉ូតូទឹក ពីកីឡាទ្វីបអាស៊ី ឆ្នាំ២០១៨ នៅប្រទេសឥណ្ឌូណេស៊ី។ វីរកីឡាកររូបនេះក៏បានឈ្នះមេដាយមាស១គ្រឿង និងមេដាយសំរិទ្ធ១គ្រឿងពីកីឡាស៊ីហ្គេម។

ឈ្នះមេដាយមាស១គ្រឿង កីឡាទ្វីបអាស៊ី ឆ្នាំ២០១៨
ឈ្នះមេដាយសំរិទ្ធ១គ្រឿង កីឡាទ្វីបអាស៊ី ឆ្នាំ២០១៨
ឈ្នះមេដាយមាស១គ្រឿង កីឡាស៊ីហ្គេម ឆ្នាំ២០២៣
ឈ្នះមេដាយសំរិទ្ធ១គ្រឿង កីឡាស៊ីហ្គេម ឆ្នាំ២០២៣

អត្ថបទ៖ វីរបុត្រ

Related Topics:កីឡាស៊ីហ្គេម កីឡាទ្វីបអាស៊ី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា