កីឡា

បង់ក្លាដេស ប្រកាសប្រកួតមិត្តភាពអន្តរជាតិជាមួយកម្ពុជា ខណៈកម្ពុជាស្ងប់ស្ងាត់

បានផុស

៣ នាទី មុន

នៅ

ថ្ងៃសុក្រ ២៦ ឧសភា ២០២៣

ដោយ

ក្រុមបាល់ទាត់ជម្រើសជាតិបង់ក្លាដេសបានប្រកាសពីគម្រោងប្រកួតមិត្តភាពអន្តរជាតិកម្ដៅសាច់ដុំជាមួយក្រុមបាល់ទាត់ជម្រើសជាតិកម្ពុជា ក្នុងថ្ងៃ FIFA Day ខាងមុខ។ នេះបើតាមវេបសាយផ្លូវការរបស់សហព័ន្ធកីឡាបាល់ទាត់បង់ក្លាដេសផ្ទាល់ប្រកាសកាលពីពេលថ្មីៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងខ្លឹមសារនោះ ប្រទេសបង់ក្លាដែស ក៏បានបញ្ជាក់ពីកាលបរិច្ឆេទដែលជម្រើសជាតិរបស់ខ្លួនត្រូវប្រកួតមិត្តភាពអន្តរជាតិកម្ដៅសាច់ដុំ នៅថ្ងៃទី១៥ ខែមិថុនា ឆ្នាំ២០២៣ នៅទឹកដីកម្ពុជា ដែលគ្រោងហោះមក ៥ថ្ងៃមុនការប្រកួតមកដល់។

យ៉ាងណាមិញ កម្ពុជា ដែលត្រូវទទួលភ្ញៀវមួយនេះសារជាថ្មី ហាក់មិនទាន់ប្រកាសជាផ្លូវការនៅឡើយដោយនៅរក្សាភាពស្ងប់ស្ងាត់ក្រោយចប់ព្រឹត្តិការណ៍ស៊ីហ្គេម។

ក្រុមបាល់ទាត់ជម្រើសជាតិទាំងពីរទើបតែជួបគ្នាកាលពីខែកញ្ញា ឆ្នាំ២០២២ នៅពហុកីឡដ្ឋានជាតិមរតកតេជោ កាលនោះបង់ក្លាដេស បានយកឈ្នះ កម្ពុជា ១-០។

សូមបញ្ជាក់ថា នេះជាការប្រកួតដកស្រង់ដើម្បីវាស់ស្ទង់ ក៏ដូចជាស្វែងរក និងរក្សាទម្រង់លេងរបស់កីឡាករនៅលើកម្រិតអន្តរជាតិ ជាពិសេសក៏ដើម្បីត្រៀមសម្រាប់ការប្រកួតជម្រុះបាល់ទាត់ពិភពលោក ឆ្នាំ២០២៦ (FIFA World Cup 226) នាខែតុលាខាងមុខ៕